اقتباس المشاركة الأصلية كتبت بواسطة ahmed.tv مشاهدة المشاركة
الف مبروك يا استاذ احمد استلامك للعربية وكان نفسى اكون معاك وانت بتستلم , بس انت كنت عارف الظروف اللى كنت فيه وكان غصب عنى

ربنا يعطيك خيرها ويكفيك شرها

الله يبارك فيك يا باشا وكفاية ذوقك وتعبك معايا الفتره اللي فاتت دي كلها وصدعتك معايا كتيير

طبعا استاذ سامح يسلم على ذوقه ورده بامانة جاوب على اغلب الاستفسارات .. واحب اضيف على كلامه باقى الملاحظات اللى سالت عليها يا استاذ احمد

بخصوص الحدفة

العربية لسه زيرو وطبعا محتاجة انك تعمل صيانة الالف وهناك بتقولهم على موضوع ان العربية محتاج ظبط زوايا , وباذن الله بتعمله على خير , فده بيتظبط فى صيانة الالف بس لازم تقولهم عليه

أنا الحقيقة مش متأكد من موضوع الحدفة ممكن يكون تهيؤات عشان كده هبقي أخد رأيك لما أقابلك أن شاء الله ونجرب سوا


الحاجة التانية بخصوص موضوع الفوجات , انا الحقيقة مش متخيل الموضوع ده , بس يمكن ده تصميم المكسيكى الجديد , فحاول تقولهم فى الصيانة يمكن يكون ليها تعديل بسيط ويعرفوا يتصرفوا فيه


معتقدش ليها تعديل بس حسألهم ,أ/عبد الخالق قالي أن ده النظام الجديد مش بتشتغل غير مع النور الوسط إنما لوحدها لأ حقولهم برضه في الصيانة

الحاجة التالتة , بخصوص الهزة بسبب العربية الكبيرة اللى عدت من جنبك
انت كنت ماشى على 100 وهو كان معديك وطاير من جنبك ومقطورة , فلازم ده يحصل معاك ومع اى عربية

دى مقطورة واكيد هو بيجرى اكبر من 100 على الاقل ده كان ماشى 120

وكمان حتحس بيها انت بالذات عن اى سيارة تانية غير التيدا عشان التيدا زى ما قولتلك قبل ما تشترى ان التيدا سقفها عالى , ومن تحت كمان عالية , فاكيد الهواء بيخبط فيها من فوق وبيعدى من تحت

وحتحس بيه وانت معدى سرعة ال140 ولو عديت من جنب حاجة كبيرة ولازق فيها

مقابل الحكاية دى لو انت شايفها عيب , ميزة الوسع , وارتفاع العربية عن الارض عشان المطبات ومتخدش خبطة ببلاعة من تحت تبهدلك الدنيا


أيوا يا باشا أنت فعلا قولتلي الكلام ده وكنت فاكر أنو هيضايقني بس أنا الحمد لله مبسوط بيها ولسه معدش ال 100 بس فعلا عيب صغير مقابل مميزات كتير الصراحة ومش طول الوقت بنجيب ال 100 بتبقي دقائق وفي السفر بس وربنا يستر طريقنا

بخصوص اى حاجة لاحظتها فى العربية عليك وعلى التوكيل فى صيانة الالف ودون ملاحظتك وقولهم عليها وحتتعمل على خير وكل يسر

تقبل تحياتى والف مليون مبروك

واسف على الاطالة
تسلم يا باشا والله يبارك فيك

اقتباس المشاركة الأصلية كتبت بواسطة bassamhafez مشاهدة المشاركة
الف مبروك

ربنا يرزقك خيرها ويكفيك شرها
الله يبارك فيك وشكرا ليك وسؤال بقي عشان اتكلمنافي موضوع السخونية والمروحة
هو الصبح اسخن لحد ما لمبه الحرارة تطفي وامشي ولا 30 ثانية وامشي بهدوء زي ماقالولي في اوتو ايجيبت


اقتباس المشاركة الأصلية كتبت بواسطة egypt0777 مشاهدة المشاركة
الف مبروك ..... الف مبروك

الى الامام ..... الى الامام

الحدفة ده غالبا بتكون ضبط هوا العجل

الله يبارك فيك

وأنا ظبطت العجل وفعلا كان ضغطه مش مظبوط وربنا يسهل وتظبط وإلي الأمام ......