الموضوع: أنا ضد المظاهرة المليونية ومش عارفة أعمل ايه

المشاركة الأصلية كتبت بواسطة skybird

المبادئ لا تتجزأ
المظاهرات هي من ازالت كابوس 30 سنة من حكم مبارك وغيرت تاريخ مصر والهمت العالم
المظاهرات هي حق مشروع لكل انسان ونص موجود في كل دساتير العالم ومنها الدستور المصري
المظاهرات هي من اتت بحكومة شرف فهل يعقل ان اول قرار يتخذه هو منع التظاهر ؟
اقدر اسال حضرتك سؤال لما انا وانت واصحابنا وجيرانا نتظاهر طيب مين اللي هيشتغل هل التظاهر هو اللي هينشط البلد ويرجعلها الاقتصاد من تاني
من سينزل لن ينزل للتخريب ولكن ليسجل موقف للتاريخ
قرار منع التظاهر هو حل امني على طريقة النظام السابق وهذا مرفوض لان الحل دائما هو حل سياسي وليس امني
الاحتجاجات الفئوية حلها سهل جدا وهي
وقف الشائعات باظهار الحقائق
هل كل كام يوم يطلع رئيس الوزراء يقول احنا بنكدب الشائعات دي.؟؟؟؟؟؟؟؟ هو رئيس الوزراء غير مشغول لهذه الدرجة في ظل الظروف دي علشان يطلع كل كام يوم يكدب الشائعات دي.؟؟؟؟
كم موظف وصلت له رسائل وبيانات ان الوزير خفض الحوافز 50% او ان الحافز "كذا" سوف يلغيه الوزير الحالي
كم موظف وصل له بيان ان الوزير السابق قرر زيادة لقطاعه ولكن الوزير الحالي لغاها
كم موظف وصل له بيان ان المحافظ قرر لقطاعه حافز شهري من المحافظة ولكن المدير العام لغاه
هو مش احنا قولنا اننا المفروض نوقف مظاهرات كل جمعة التي تنظم بدون سبب ونبدأ نعمل من اجل الوطن ولكن كان رد بعض الاعضاء (اذا لم تخونني الذاكرة) انه حتى لو مش هناكل غير عيش حاف لمدة 6 شهور ثم نعيش بعدها في نعمة اكرم من الوضع الحالي.
حين تصل هذه البيانات المكذوبة للموظفين فطبيعي ان ينظموا احتجاجات على طريقة اذا لم نتظاهر فسوف يضيع حقنا هذه فرصة
هل محاربة الشائعات صعبة ببيانات اسبوعية او حتى يومية من رئيس الوزراء لكشف الحقائق
انا رديت على النقطة دي فوق
واظهار خطة الحكومة في اعادة صياغة المرتبات بطريقة حديثة لايظلم فيها موظف بسبب موقعه الوظيفي وانهاء الفروق الضخمة بين موظف وزميل له في نفس الفئه
وهل كل ذلك سيحدث بين يوم وليلة وحال البلد كما هو عليه (اقتصاد مفيش وبورصة واقعة وصادرات في الهوا) طيب الاول نشتغل وبعدين نطالب
الحلول كثيرة لطمئنة الناس وتشجيع العمل بدل اصدار القوانين
فهذه حرفة العاجز
ولا نرضى ذلك لحكومة شرف التي وثقنا فيها ثم نكتشف انه غير قادر على تغيير رئيس صحيفة حكومية فاسد
لا مجال للمجاملات
المخطئ لن يتم السكوت عليه حتى لو جاء من رحم الثورة
المبادئ لا تتجزأ
كل من هم ضد هذا القرار هم من قاد الثورة وهم من قالوا لا وهم من مويدي البرادعي وهم من سيقودون مصر الى المستقبل وهم ال 20 % الكتلة الفاعلة في اي مجتمع

ارجو ان تتقبل كلامي بصدر واسع

المشاركة الأصلية كتبت بواسطة skybird

يا فندم مفيش مشكلة
زي ما قال الاخ al_manara اضيف عليه
الاغلبية من الشعب المصري فاكرة ان اللي حصل مظاهرات مطلبية علشان الاكل يرخص والفلوس تكتر
باقي الشعب المصري او الكتلة الفعالة يعمل من منطق الثورة ولن يهدأ او يرضي الا بعد تطهير البلد من الفساد وارجاع الحقوق واختيار شكل المؤسسة الحاكمة الذي يريده

لك مني كل التحية لسعة صدرك
انا بس عايز اسأل حضرتك على حاجتين اول حاجة
الاغلبية من الشعب المصري فاكرة ان اللي حصل مظاهرات مطلبية علشان الاكل يرخص والفلوس تكتر (اظن ان حضرتك بتقول ان الاغلبية هي اللي فاكرة) معنى ذلك باقي الشعب المصري او الكتلة الفعالة( لا يعتبرون اغلبية ) واظن ان دا سؤال د/ محمد وحضرته سبقني بالسؤال
تاني حاجة
هل حضرتك لو تعرف ان فلان فاسد (تسمع عنه ذلك) وكنت تعمل بمنصب قاضي فهل ستحكم عليه من دون مستندات تثبت ذلك.؟؟؟؟؟؟؟ وهل ستحكم بالحكم من دون التاكد من صحة المستندات.؟؟؟؟؟؟
قضايا الفساد كتير وكل يوم في جديد سواء فمن المعقول ان يتم النظر في هذة القضايا كلها والتاكد من صحتها قبل النطق بالحكم على شخص قد يكون مظلوم