اكتر موقف مضحك حصل معاك من ولادك

**shaddadfalcon1** · 28-03-2011 12:44 PM

المشاركة الأصلية كتبت بواسطة human12

انا ماليان
محمد ابنى كل شويه يطبطب على الكرش و يقولى بابا انت كبرت
اقوله اه
يقولى عشان بتاكل - بابا انت شاطر

هو بياكل فيجيبلى قطمه اقوله لا مش عايز يقولى بابا ليه كده مش هتكبر كده تصغر و تبقى ادى لازم تاكل عشان تكبر

يشوفنى الصبح يقولى اه شوفت بابا عشان كلت بقيت كبييييران جدا

مش عارف مين اللى بيربى مين

فكرتني بمحمد ابني من فتره كنا بنتعشي وبعدين مراتي قامت وهو بصيت لقيته بيقولي كفايه كده ياباشا بلاش اكل متكلش تاني
يابني انا جعان وده راسه والف سيف ان اللي اكلتها كفايه ومش لازم اكل تاني

**احمدعبدالعزيز** · 28-03-2011 01:04 PM

انا بقى عندى ابراهيم ولد مشكله مره فى عيد الحب قولت اجيب شوايه ورد للمدام وادخل بيهم البيت افرحها واول ما ادخل البيت الاستاذ ابراهيم يضحك بصوت مرتفع جدا ويقول هههههههههههههههه عامل فيها تامر حسنى!!!!! وكان وقتها عنده 3 سنين فقط ....

اما بنت اخى روزان فى ايام الثوره كان على طول التليفزيون على نشره الاخبار طول الليل والنهار وطبعا ماكنش النظام عجبها حتى وصلت ثوره ليبيا وكان واخويا كان بيتفرج على العاشره مساء فقالت الهانم الصغيره ما تجيب الاخبار فتعجب اخى وقال ليه يا روزان هانم قالتله عشان نضحك على القزافى شوايه...

**فادى محمد** · 28-03-2011 01:04 PM

ربنا اداني محمد ابني بعد هنا ...في مره وهو صغير مابيعرفش لسه يسند ظهره ويقعد كويس بنتسحر قبل الفجر وبناكل فول انا وزوجتي ..وهوب الاقيه نزل براسه في طبق الفول ,الحمد لله انه ماكانش سخن ,المهم..قعدنا نغمس الفول من علي وشه ونقول الله حلو قوي علشان يبطل يعيط ويتفاعل مع اللعب.

**japaroky** · 28-03-2011 05:07 PM

ههههههههههههههههههههههههه ه

**نور القمر** · 28-03-2011 05:40 PM

المشاركة الأصلية كتبت بواسطة أحمد كمال

ميرسي و لا شوكرن؟

ماشاء الله على الذاكرة

بمناسبة حكاية التحرير
اشترينا كلنا اعلام وكل اطفال العيلة شغالين تحيا مصر تحيا مصر
بنت عمتي خلفت ولد قريب وسمته يحى
بنعلم بنت اختي اسم يحيى وهي تقول يحيا مصر يا بنتي يحيى بس وهي مصممة اسمه يحيا مصر

**zago** · 28-03-2011 07:05 PM

هههههههههههههه
ربنا يستر من جيل الأطفال ده هههههههههه ده انا على كده كنت مؤدب ومريح خالص وانا صغير

بنت خالتي عندها حوالي 5 سنين واحنا مره في المصيف لقيتها بتقولي ( أحنا الناس الهاااااااااي عندنا عربيتين وشقه في مدينه نصر وشقه في التجمع ) قولتلها يا أيمان كده بتحسدي نفسك راحت قالت تلحق نفسها وبتقول ( احنا معندناش عربيه ولا بيت احنا عندنا عربيه كارو ) ههههههههههههه
بعد ما خلصت كلام اكتشفت ان ماما واختي وخالاتي وكل اللي حوالينا فطسانين من الضحك
بس كل ما اشوفها اقولها اهلا بالناس الهااااااااااي

**SkyBird** · 29-03-2011 05:07 AM

بنتي ضي عمرها 3 سنين ومن اول ما وعيت على الدنيا وهي تشوف افلام الكرتون لغايه ما بقت طلقة في اللغة العربية الفصحى
وتقولى كلام زي انها عايزة تلعب على "الحاسوب" وتختبئ في "الخزانة"
وهي خلتني احب اتفرج على سبونج بوب وشفيق وبسبس بوبي ومستر بليك وغيره
مرة فاجئتني لقيتها بتبص لي بعبوس وتقولي
"ايها الاحمق اخرج من هنا انت مفصول"
..............

**dr-mohamed** · 29-03-2011 05:12 AM

الانسة مي وهي عندها سنتين ونصف كل يوم اختها الاكبر رنا تنزل تروح المدرس ةالصبح وتستني هي ومامتها الباص الانسة مي تشتغل البكاء لغاية ما اقنعتها في مرة ان الباص بتاع مدرسة اختها وحش وان لما ماما تطلع هنام شوية وبعدين يجي الباص الجميل بتاعها وتروح هي كمان المدرسة
كل يوم بالشكل ده نقف انا وهي في البلكونة ومامتها تنزل اختها الباص وفي مرة فوجئت بيها بعلو صوتها يا رنا باصك وحش ومعفن

المهم بعد ما مامتها تطلع بقت تلبس هدوم اختها بتاعة المدرس وتنام بيهم ولما تصحي نقولها حمد الله على السلامة انتي رحتي المدرسة وجيتي قبل رنا علشان انتى شاطرة وتبقي مبسوطة جدا وتغيظ اختها لما ترجع م نالمدرس انها اشطر منها علشان كدة رجعت قبلها

-

-

الموضوع: اكتر موقف مضحك حصل معاك من ولادك

LinkBack

أدوات الموضوع

عرض

-

-

-

-

-

المواضيع المتشابهه

اكتب موقف غريب او مضحك حصل فى شغلك

ما هو اكثر موقف مضحك وهو سايق او له علاقه بالسيارات

موقف مضحك بجد منقول

موقف مضحك مع واحد جزائرى

موقف مضحك مبكي !! (العهده على الراوي)

الكلمات الدلالية لهذا الموضوع

المفضلات

المفضلات

ضوابط المشاركة