كويس انه اتوقف ..
عرض للطباعة
كويس انه اتوقف ..
سؤال وأفضل دعاية للرجل في نفس الوقت
تقدر تقولي أ.طارق ليه البرادعي لم يعلن عن برنامج أنتخابي واضح له للأن؟
++++++++++++++++++1
تمام و كلام محترم جدا
هل هو معروف هو هيحكم على ايه؟؟
ايه الدستور اللى هيحكم عليه؟؟
الراجل مش طالب حكم مصر و خلاص - طالب انه يقدم اللى يقدر عليه و يساعد و لو مش هيقدر خلاص
هيحكم مصر بناء على اى اسس؟؟ لا يوجد اى اساس معلوم لكيفيه حكم مصر (مافيش دستور) او حتى اعلان مفهوم على الدستور او نقاط محدده
لازم يبقى فيه اطار عشان يقدر يقدم فيه البرنامج الانتخابى
و على فكره مافيش حد فعليا قدم اى نوع من البرامج حتى الان
لازم ننتظر شويه حتى يظهر فى الافق ما يسمح بوجود الاطار
اقولك على حاجه تانيه
90% من البرامج هتبقى متشابهه و حتى الاخوان لو قدموا برنامج اكاد اجزم 90% هيبقى متشابه
الفكره مش فى البرنامج بس - الفكره فى كيفيه التنفيذ
البرادعى شوف كل الناس اللى بتهاجم و بتشتم و بتأذى نفسيته فى دخائل اسريه و كمان كلام الى حد تكفيره (البرادعى الكافر سمعتها بأذنى)
وشوف سعه تقبله لكل نقد - حتى انه لم يغلط ولم يتجنى على اى من مهاجميه ولم يخض اى حرب قذره ضد معارضيه
احنا بحاجه لشخص يقدر يتقبل كل انواع النقد كده من غير ردور فعل سخيفه - ده هيرسخ حق حساب و الهجوم من المعارضه - بس طبعا الاسلوب الان فيه بعد كتير دينى مع الوقت هيبقى موضوعى اكتر
المقالات المكتوبه عن مواقف البرادعى ( من صاحب الموضوع ) دفاع عن البرادعى كشخصيه
لكن لا تؤهله لمنصب رئيس الجمهوريه لأنه لا يصلح
شكرآ يا أستاذ طارق على الموضوع
انا مش عارف ليه الشعب المصرى مكنش بيصدق اى حاجة من الحكومة إطلاقآ بس إشمعنى صدقهم فى موضوع البرادعى؟؟ ... دى محتاجة تفسير
الحاجة التانية
هى من إمتى أمريكا و لا إسرائيل كانت مستنية إذن من اى منظمة من الامم المتحدة عشان تعمل اللى هى عايزاه
يعنى صدر قرار من مجلس الأمن بوقف العمل فى الجدار العازل فى فلسطين و إسرائيل طنشت و كملت بنائه
و حتى هنا فى مصر ممكن محكمة تصدر حكمها فى قضية و لو فيه طرف قوى و مفترى بيعمل اللى فى دماغه برضه
البرادعى كان قاضيآ و قال كلمته و مكنش فى أيده انه ينزل بسلاح عشان يدافع عن العراق اللى الدول العربية تخاذلت عنها
انا لحد هذه المرحلة بدافع عن البرادعى كقيمة و كإنسان و أظن انه يقدر يقود مصر فى المرحلة دى بكفائة عالية
لكن لما أشوف البرامج الإنتخابية بتاعته و بتاعة غيره من المرشحين ساعتها يا إما هنتخبه او هنتخب غيره
http://www.nilemotors.net/Nile/209617-a.html
لمزيد من المعرفة والتوضيح
حضرتك مقتنع بمطالب الثوره
هل بتطالب بيها ومصر على تحقيقها
هل اللى حضرتك بتطالب بيه هيحقق الخير لبلدنا
طب أيه الفرق بينك وبين البرادعى
ليه أختار البرادعى وما أختارش حضرتك
على الأقل حضرتك عايش فى مصر
البرادعى عايش عمره بره مصر وبعد ما ساب الوكاله قعد برا مصر أكتر ما قعد جواها بس برضه ده مش سبب رئيسى لرفضه
يبقى لو من ناحيه المبادئ والمطالب وحرصه على البلد , البرادعى زيه زي حضرتك زى ملايين قاموا بالثوره
بالنسبه لموضوع أنه قال لأ فى عز جبروت مبارك , ده عادى مش بطوله منه وممكن أوضحها لحضرتك
البطوله تكون لناس زى الأخوان ( ده مثل مش أقتناع بفكرهم ) لأنهم قالوا لأ وشافوا الويل بسببها
البطوله زى الناشطه أسماء ( مثلا برضه ) أللى طالبت بمظاهرات 6 أبريل وهى عارفه حيجرالها أيه وفعلا أعتقلت
البطوله زى كل الناس اللى قالت لأ وأتسحلت على سلم نقابة الصحفيين
يعنى البطوله تكون من الناس اللى بتقول لأ ومفيش حد يحميها
لكن لما أقول لأ وأنا عارف أن مفيش مخلوق يقدر يمسنى متبقاش بطوله
البرادعى زيه زى الدكتوره المعارضه الأيرانيه اللى معاها نوبل وبتبهدل السلطه الأيرانيه ومحدش عارف يكلمها علشان الحصانه الدوليه اللى واخداها
الحصانه دى جايه من أنهم شخصيات دوليه والعبث معها بيكون أخطاره رهيبه من المجتمع الدولى وأعتى الأنظمه بتعمل لكده ألف حساب ومفيش أعتى من النظام الأيرانى ( راجع الأنترنت للتأكد )
علشان كده البرادعى زيه زى حضرتك فى المطالب بالعكس أنا عارف صدق مطالبك ( مع أنى معرفكش بس متابع لمشاركات الأعضاء وبقدر الحمد لله أفهم فكرهم ) لكن مش متأكد من صدق مطالبه ( لما يحدد بالضبط برنامجه يبقى أعرف صدق مطالبه لأنه أذكى من أنه يرجع فيها )
يبقى أنا شايل من دماغى أفضلية البطوله علشان يكون تفكيرى سليم ( من وجهه نظرى )
مواصفاتى للرئاسه وضحتها
بالنسبه لترشيحى .... ولا واحد ينفع ( حتى الأن ) لأن محدش قال هيعمل أيه غير البسطويسى بس أنا مش متابعه كويس , يمكن لما الكل يحدد برنامجه أشوف الفروق بينهم
حضرتك ممكن تسألنى طب شايف البرادعى لا يصلح ليه , زى ما قلت لحضرتك ولا واحد يصلح حتى الأن مع تحفظى على نقطه أن البرادعى عارف أن فيه ثوره يوم 25 ومجاش من السفر ومش مقتنع بأن السبب أنه ميخدش المنظر من الشباب , المهندس ممدوح حمزه نزل وبالبلدى أشتغل خدام للشباب قى ميدان التحرير وبيفتخر بكده وممدوح حمزه الكل عارفه كويس وعارف مقداره , بس يمكن أفعال ابرادعى تغفر له ( من وجهة نظرى ) الموضوع ده لكن لغاية ما يبان أفعاله هو بالنسبه لى لا يصلح زيه زى غيره
وعلى فكره فيه ناس كتير بتختار البرادعى لمجرد العاطفه فى أنه عارض مبارك
زى ما فيه ناس كانت بتنتخب الأخوان المسلمين عندا فى الحزب الوطنى من غير ما تعرف عنهم حاجه ( برضه ليس تشكيك فى نواياهم )
كل ده بعيد عن موضوع أنه ليبرالي ولا علمانى ولا أى حاجه ( تفرق معايا كتير ) لأنى سمعت الكلام ده بس لسه متحققتش منه لأنى مش بمشى ورا كلام أى حد ( مع أحترامى للكل ) لأنى بعرف الحمد لله أدخل على النت وأعرف كل حاجه عن أى شخص ودى ميزة الأنترنت وخصوصا لما يكون البحث بالأنجليزى مش بالعربى لأن فى الحوارات الأجنبيه الكل بيتكلم بمبادئه اللى مقتنع بيها لأنهم بره بيراجعوا كل المواقف وما بيرحموش الكذاب
أتمنى أكون جاوبت على سؤالك وعذرا للأطاله
مع تحياتى
انا بس عايزة اسال سؤال لية اللى ناجح فى البلد دية الناس تطلع عليه انه خاين وعميل ومع امريكا وجاسوس بتاع اسرائيل
وحاجة كمان بقى زادت جدا انا عايزة افهم الناس عارفة يعنى اية ليبرالية اصلا ولا بيسمعوها من واحد زى شومان ده وبيقول حرااااااام ؟؟
واهى اسرائيل دولة كافرة وكل حاجة بس متقدمة عن مصر بمراحل كبيرة جدا بالرغم من انها ولا دولة دينية ولا حاجة
واحب اقول ان الدكتور البرادعى هو احسن واحد يمسك مصر فى الفترة دية لانه فعلا هيبتدى يخلينا ازاى نفكر صح وبدمقراطية حقيقة
وفعلا عمر سليمان كان عنده حق فى كل كلمة قالها