المشاركة الأصلية كتبت بواسطة amr mokhtar
كلام حضرتك مقبول و متزن بس إسمحلى أوضح وجهة نظرى
انا شايف ان زمن رئيس الدولة صاحب البطولة فى الثورة إنتهى
يعنى مش إحنا مش عايزين واحد يقولنا ده انا اللى قمت بالثورة و انا اللى إتضربت فى ميدان التحرير و يعملنا فيها صاحب الضربة الجوية او يبقى زى القذافى
إحنا عايزين حد يبقى عارف إنه رئيس جمهورية عشان الشعب عمل ثورة و نجح فيها و إختاره عشان يبقى وكيل عنه
إحنا محتاجين واحد يجيد فن الإدارة و يكون عنده رؤية واضحة لحل الأزمات
و انا -فى رأيى الشخصى- أظن ان البرادعى يمتلك هذه الموهبة و كله هيبان وقت الإنتخابات يا إما هيثبت انه يقدر عليها او العكس
البسطاويسى انا برضه لسه مركزتش معاه بس حاسس انه هيكون منافس قوى بس عايز أسمعه فعلآ عشان أعرف إيه رؤيته
اما بخصوص البرامج الإنتخابية فمفيش حد عايز يحرق نفسه فى كلام و لسه مفيش دستور فى البلد
الجزء الأخير من كلام حضرتك بخصوص انك بتبحث و تبنى قرارك بنفسك ... فهو ده المطلوب و ده اللى انا بحاول أعمله إنى أسمع لكل وجهات النظر و أبنى قرارى بعد كده
شكرآ