عاوز اشترك في نادي محترم ومش غالي

**tejani** · 28-03-2011 12:14 PM

نفسي اشترك للعيال في نادي وميكونش مركز شباب يعني الشاب من دول لو دخل في الحيطة هاينفض من الناحية التانية
عشان لما يكبروا يلاقوا حته يلعبوا فيها ويتفسحوا في مكان محترم
يا ريت اقتراحات والاسعار بعد اذنكم

**mailo** · 28-03-2011 03:12 PM

هو السيد محترم جدا بس أنا أعرف إن مفيهوش ألعب كتير

هو رياضي مش اجتماعي

وكان نفسي أقولك وادي دجلة أنا نفسي عضو فيه بس بقى زحمة قوي قوي قوي -فرع المعادي-
بس لو إنت قريب ليك القاهرة الجديدة أو أكتوبر يبقى اشترك فيه على طول هو نادي كويس

اسعار الصيد السنة اللي فاتت كان ب 40000 تقريبا بس أنا سمعت اسعار أعلى من كده
دجلة ب 70000 وممكن تسأل عشان ساعات بيعملوا خصومات وعروض
بس لو دجلة الحق اشترك عشان الاعضاء كلهم قالبين عالادارة عشان يوقفه العضويات

**TheQueenMary** · 28-03-2011 03:35 PM

فيه نادى النصر الرياضى فى مصر الجديده هو نادى محترم ( هو زحمه اينعم بس ده فى الصيف فقط و ايام الجمعه غير كده بيكون فاضى ) و فيه ملاعب كتيير و واسع ...انا مشتركه فيه و بحبه علشان هو النادى بتاعى الاسعار 20,000 جنيه مصرى -- مع امكانية التقسيط بمقدم 5000 جنيه و الباقى على 3 سنوات بدون فوائد و ممكن تأتى اى يوم تتفرج عليه ...مرحبا بك