الموضوع: نداء الي العضو (dr-mohamed)استفسار حول(السلفيين المرعبين)

المشاركة الأصلية كتبت بواسطة dr-mohamed

يا فندم صداقتك شرف ليا

وبالنسبة لبعض التعليقات الاخيرة فعلا لا تعليق

الشرف لينا طبعا يا دكترة
قفشتني يا دكتور في حكايه ان في تعليقات اخيرة ---لا تعليق
اصل انا عملت زيك بردو
اصل لما بيبقي في ناس عماله تغلط و السلام و ساده ودانها و مش عاوزة تسمع غير نفسها يبقي خلاص هتفهمهم ايه؟؟؟؟؟؟
لكن عامالين يقولوا حريه حريه
و هما اساسا مش فاهمين يعني ايه حريه الراي
البهوات فاهمين حريه الراي انه يشتم ده و ينتقد ده بجهل بقي بلا درايه يا سيدي عادي
يمسك في شيء بسيط صاحبه اعتذر ووضح
لا بردو يعمله شغلانته
ليل و نهار ننام و نصحي و نقول اصل يا عم واحد شيخ قال غزوة الصناديق وواحد شيخ قال مش عارف ايه
تصيد اخطاء و السلام
هيا دي الحريه في التعبير ؟؟؟؟
لا و اللي يغيظك انه عاوز يسرح بكلامه و يتخطي كل الحدود و حتي يسمح لنفسه يخرج خارج نطاق الاحترام احيانا و لا يعتذر و لا غيره
بس يتكلم و يرد علي نفسه
لكن يناقش؟؟
يحاور ؟؟؟
يرد؟؟؟
انسي
و الف شكر علي تعليقك علي كلام يا ابو الدكاتره و معرفه خير ان شاء الله

المشاركة الأصلية كتبت بواسطة wawoo

سبحان الله ...يعنى السلفيين هو ما بس اللى عندهم علم شرعى و فاهمين الدين كويس و غيرهم من المسلمين معندهمش و مش فاهمين ؟؟؟

..دة اية منطق التعالى والغرور على باقى المسلمين دة..

و سؤال بسيط هو فى شهادة بيخدها السلفيين انهم بقى عندهم علم شرعى بتوسع ..ولا كلهم بيتعلمو فى مدرسة واحدة عشان كلهم يطلعو كلهم فاهمين الدين كويس ..

حضرتك منفعل ليه كده .....الرد مفيهوش اي انتقاص من دينك ....لو انت مسلم حق مطلع علي دينك جيدا وتنفذه في حياتك من اصغر امر لاكبر امر ....وانت عارف الدليل والاسناد لكل حاجه بتعملها وبتقولها ..يبقي انت سلفي..بس خلاص
السلفين مش جماعه محدده الاماكن ....دي اي واحد عارف دينه كويس ومطلع عليه وبينفذه وتميزه بانه لايكل ولا يمل انه يعرف امور دينه ويطبقها ...مش يقرا ولا ينفذ ...مش يعرف ولا يعمل بما عرفه......دي ميزه ميزتهم
وعلي فكره برضه ...مهماش ملايكه بيغلطو ..بس بيعترفو بغلطهم وفيه منهم لا...لانهم بشر ...بس بيحاولو يتحسنو ....بيغيرو علي الدين جامد ...وحابين كل حاجه تبقي بلاسلام
.....................
اما بخصوص المسميات المتعدده...دي طبيعه للبشر مش حتقدر تلغيها ولا تننتقص من اي فرد....بلاش ماهو انت ممكن تقول علي زميل ليك ده راجل متدين ماشاء الله عليه...يبقي كل اللي حواليك بما فيهم انت غير متدين مثلا
..........................
احسن الظن بالناس ...واعرف عنهم وتعامل معهم انهم بشر وليس ملايكه لو غلطو نعلق ليهم المشانق

المشاركة الأصلية كتبت بواسطة enas75

حضرتك منفعل ليه كده .....الرد مفيهوش اي انتقاص من دينك ....لو انت مسلم حق مطلع علي دينك جيدا وتنفذه في حياتك من اصغر امر لاكبر امر ....وانت عارف الدليل والاسناد لكل حاجه بتعملها وبتقولها ..يبقي انت سلفي..بس خلاص
السلفين مش جماعه محدده الاماكن ....دي اي واحد عارف دينه كويس ومطلع عليه وبينفذه وتميزه بانه لايكل ولا يمل انه يعرف امور دينه ويطبقها ...مش يقرا ولا ينفذ ...مش يعرف ولا يعمل بما عرفه......دي ميزه ميزتهم
وعلي فكره برضه ...مهماش ملايكه بيغلطو ..بس بيعترفو بغلطهم وفيه منهم لا...لانهم بشر ...بس بيحاولو يتحسنو ....بيغيرو علي الدين جامد ...وحابين كل حاجه تبقي بلاسلام
.....................
اما بخصوص المسميات المتعدده...دي طبيعه للبشر مش حتقدر تلغيها ولا تننتقص من اي فرد....بلاش ماهو انت ممكن تقول علي زميل ليك ده راجل متدين ماشاء الله عليه...يبقي كل اللي حواليك بما فيهم انت غير متدين مثلا
..........................
احسن الظن بالناس ...واعرف عنهم وتعامل معهم انهم بشر وليس ملايكه لو غلطو نعلق ليهم المشانق

بعيدا عن الموضوع الأصلى بس تعليقا على الكلام اللى تحتيه خط

التعريف ده عام اوى ...... حضرتك كده بتقولى ان منهج الدعوة السلفية هو الحق وحده ..... طب انا عندى سؤال

بالنسبة لشيوخ الأزهر و مفتى الجمهورية و الشيخ القرضاوى و العديد من أهل العلم دول تصنفيهم ايه ؟؟؟

انا بس عايز أعرف ..... عشان بيتهيئلى فيه خلط ما بين المرادف الحرفى لكلمة سلفى ..... و المرادف المتعارف عليه حاليا لكلمة سلفى

صح كده ولا غلط ؟؟؟؟

الاخ hobiko
حكايه سلفي او لا مختلفه شويه عن التيارات الاخري
يعني السلفي مش بيطلعله كارنيه او بيدفع اشتراك
ده ايمان بفكر
و انا من وجهه نظري اني مش شايف عليهم اي عيوب
بعمني ان منهجهم متقبل حجا و معقول
الافراد غير معصومين طبعا
لكن منهجهم معصوم
ليه
لانهم دائما مستندين علي كتاب الله و سنه نبيه و بفهم سلف الامه ( الصحابه و التابعين )
يبقي فين العيب في كده
يبقي من هذا المنطلق اي انسان يؤيد هذا الفكر او يحبه او يري فيه الحق اصبح سلفيا
من غير ما نقعد و نقول ده سلفي و ده كذا
احنا مش هنصنف حد
و الله له عاقبه الامور و اليه يرجع الامر كله

المشاركة الأصلية كتبت بواسطة medo84eg

الاخ hobiko
حكايه سلفي او لا مختلفه شويه عن التيارات الاخري
يعني السلفي مش بيطلعله كارنيه او بيدفع اشتراك
ده ايمان بفكر
و انا من وجهه نظري اني مش شايف عليهم اي عيوب
بعمني ان منهجهم متقبل حجا و معقول
الافراد غير معصومين طبعا
لكن منهجهم معصوم
ليه
لانهم دائما مستندين علي كتاب الله و سنه نبيه و بفهم سلف الامه ( الصحابه و التابعين )
يبقي فين العيب في كده
يبقي من هذا المنطلق اي انسان يؤيد هذا الفكر او يحبه او يري فيه الحق اصبح سلفيا
من غير ما نقعد و نقول ده سلفي و ده كذا
احنا مش هنصنف حد
و الله له عاقبه الامور و اليه يرجع الامر كله

شكرا لأجابة حضرتك

انا فاهم الكلام ده ..... بس انا سؤالى غير ده

انا مش فاهم ...... بقيت الشيوخ و العلماء اللى ذكرتهم و بيقولوا انهم مش سلفيين (بالمعنى المتعارف عليه مش المعنى الحرفى) دول كده منهجهم ايه ؟؟ هل هم على صواب ام على خطأ ؟؟؟

بجد مش هجوم ولا انتقاد ..... انا عايز بجد أعرف

المشاركة الأصلية كتبت بواسطة hobiko

بعيدا عن الموضوع الأصلى بس تعليقا على الكلام اللى تحتيه خط

التعريف ده عام اوى ...... حضرتك كده بتقولى ان منهج الدعوة السلفية هو الحق وحده ..... طب انا عندى سؤال

بالنسبة لشيوخ الأزهر و مفتى الجمهورية و الشيخ القرضاوى و العديد من أهل العلم دول تصنفيهم ايه ؟؟؟

انا بس عايز أعرف ..... عشان بيتهيئلى فيه خلط ما بين المرادف الحرفى لكلمة سلفى ..... و المرادف المتعارف عليه حاليا لكلمة سلفى

صح كده ولا غلط ؟؟؟؟

بسيطه ياعني ايه سلفي ......يعني كل ما يعمل بكتاب الله وسنه نبيه ويتبع السلف الصالح
حتي شيوخ الازهر والقرضاوي والعديد من اهل العلم ...كل دول اسمهم تابعي كتاب الله وسنه رسوله والسلف الصالح
..................
نيجي للسلفين الحاليين ( حسب المصطلح الاعلامي المضلل) هما فئه برضه قررت تتبع اشد الامور يعني ايه
يعني مثلا الحجاب ولا النقاب ...تتخذ النقاب
صلاه في البيت ولا الجامع .....لا الجامع
صلاه العشاء تاخر ولا تقدم ....يحبب التاخر
قيام ليل طول السنه.....نعم
عمل المراه .....ممنوع الا بشروط ...عدم الاختلاط....والحاجه الماسه للعمل
وغيرها من الامثله فيها امر مخفف وفيها الاكبر ...هما بياخدو علي طول تنفيذ الامر بقوته مالم يكن هناك مانع شرعي
في حين ان اغلب المسلمين حاليا الظهر ياذن ....ممكن نستني ونصليه في البيت وحيبقي في وقته برضه
السنن ساعات وساعات ......قيام ليل ممكن في رمضان بس
وغيرها من الامثله
ده معناه ايه هما حيخشو الجنه وانا لا ......لا طبعا بس هما حيبقي ثوابهم اعلي من عندي...والله اعلم
يعني من الاخر مسلمين عاديين قررو يشدو علي انفسهم ويلتزمو بقوه ايمانا منهم ان القابض علي دينه كالقابض علي الجمر واننا في زمن الفتن
يبقي ايه الغلط في ده......صحيح منهم ناس مش صح بس دول بشر واكيد في من كل الاطياف والعقليات
وبمثال اخر .....مش الاسلام فيه المذاهب الاربعه وفيه منهم مذاهب اشد في الامر من مذهب اخر....ليه مطلعش علي دول نفس الموال الحالي
من الاخر كده
ده مسمي اطلق علي الاكثر حرصا علي الاسلام من ناس خائفه من الاسلام ......
المفروض احنا نعمم المعني الصح للسلف ومنسمحش لخلط المفاهيم
.........

الخلاصه وعلي بلاطه ....
الانتقادات الموجهه كلها اعلاميه ومفيش سند علي اللي قال الكلام ده ولو قصدك علي هدم الاضرحه...المفتي رد عي اللي عايز يهدم الاضرحه مش علي السلفيين ....وعلي فكره مفيش حد طلع قال السلفين قالو كده ولا فيه دليل اتهام واحد
السلفيين كل اللي قالوه ان الاضرحه والتمسح بيها حرام وده مش كلامهم ده كلام كل مسلم عاقل
بلاش ليه كل الدوشه علي السلفيين دلوقتي مش ايام حسني مبارك.......
حتي القرضاوي بيتكلم علي اللي بيتدخل سياسيا دلوقتي مش علي فكره السلف نفسها
من الاخر الموضوع لعبه سياسه مش دين