اقتباس المشاركة الأصلية كتبت بواسطة tarek gen 2 مشاهدة المشاركة
الشرف لية انا و رأيك فوق دماغى طبعا
وانا الغرض من كلامى ان حضرتك كان الاولى انك تسأله لانك بتسأل عضو محدد فممكن تفهم منه بعدين هو لوحده فرسالة و بعدين على اساس توجهه من توقيعه تعمل موضوع تناقش توجهه
انا مش قصدى هجوم على حضرتك ابدا

الله يبارك في حضرتك
لا يا خي متقولش كده
دا حضرتك اللي فوق دماغي
هو انا و حضرتك بس مختلفين في فرع بسيط اوي
و اللي انا شايفه اني بسأله علي العام لكذا سبب زي ما قلت سابقا
و انا عارف ان مش قصدك هجوم
احنا هنا اخوات
و انا سعيد جدا باسلوبك في الخلاف المهذب
جزاكم الله خيرا

اقتباس المشاركة الأصلية كتبت بواسطة dr-mohamed مشاهدة المشاركة
متهيألي كدة ابقي العضو الوحيد في المنتدي اللى اتعمل موضوعين باسمه في الاجتماعي





والله حضراتكم اجبتم عني بالفعل طيب سيبوا لي حاجة اقولها
اخي العزيز ميدو
فيما مضي كان النظام السابق يستخدم فزاعة الاخوان ليخيف المصريين ويضمن تأييد الخارج له
فلما قامت الثورة والحمد لله بدأ يظهر على الساحة قوة جديدة لم يكن أحد يحسب حسابها هم السلفيين
ولعلم حضرتك في رأيي الشخصي وقد اكون مصيب او مخطئ اذا كان المقصود بالسلفية هي العمل بما كان عليه السلف الصالح من الالتزام بالكتاب والسنة فإن كل مسلم في هذه الحالة يتمني ان يكون سلفي اما السلفية كحركة دينية معاصرة ثم سياسية أحيانا فلا غبار عليها حتي الان
لكن ما فوجئت به هو ان نفس الاعلام الفاسد الذي خلق فزاعة الاخوان ليرهب بها المجتمع قد اضاف لفزاعة الاخوان فزاعة جديدة وهي فزاعة السلفيين وفي لحظة معينة انتبهت بشدة لذلك وكان الأولاد عندي يشاهدون فيلم ليلة سقوط بغداد حيث الطلبة يتظاهرون ضد غزو العراق فيقول الناظر معلقا على اللافتة المحتجة على غزو افغانستان افتح القوس وزود العراق فقلت نفتح القوس ونزويد السلفيين مع الاخوان كفزاعات يستخدمها البعض ليسيطروا على عقولنا ويوجهونا كما يريدون
هذا هو المقصود من التوقيع






اخي الكريم
بارك الله في حضرتك
للاسف اصلي مشفتش الفيلم ده علشان كده مفهمتش
ثانيا اتمني اني مكنش ضايقت حضرتك
و اتمني حضرتك تكون فهمت قصدي من الطرح علي العام
لاني كنت فاهم قصد حضرتك غلط فحبيت اسمع رأي حضرتك بالخصوص
و اخواننا الاعزاء بشكل عام
تقبل تحياتي
و تقبلني صديق لحضرتك
لو مكنش عند حضرتك مانع

اقتباس المشاركة الأصلية كتبت بواسطة ahmedbatoos مشاهدة المشاركة
حكايتي مع السلفين

بمئن دكتور محمد قال نرجع للموضوع . .

انا هحكي تجربتي

اولا الحمد لله انا اهلي ربوني علي شئ من الأسلام والأخلاق يمكن مكنش في اجبار علي الصلاه او اجبار علي حفظ القرأن

الا ان من صغري انا بحب القراية عموما فا طبعا اول ما قرأت قريت القرأن
وحب القراية حببني في حب الاطلاع فأول ما اطلعت اطلعت علي ديني

وكانت والدتي بتوفرلي شرايط طارق سويدان وعمرو خالد وغيرهم اول لما طلعوا قصص الانبياء والسيرة النبوية وقصص الصحابة

فكنت كل يوم معرفش انام الي علي شريط من دول . . وطبعا كانت متعة جدا بنسبالي . . ((( دة شئ بنصح بية اي حد خصوصا شرايط طارق سويدان )))

اول مرة قعدت علي النت . . كانت في 1 اعداي تقريبا ابتديت في حدود 3 اعدادي عنيا تقع علي مواقع بتحارب الاسلام بتلقي شبهات فية اغلبها مواقع تنصيرية . . واطور الأمر لقيت مواقع الحادية

كانت المواقع المسيحية صدمتها عليا اكتر عصبتني جدا . . الألحادية كان مش قوي بسبب ان 80% من الي فيها عندهم هوس و مرض نفسي من الغرب لا اكثر ولا اقل

المهم ابتديت اعرف كلام زي دة كتير وكنت برد علي كتير منة بسبب انة اساسا من صغري الحمد لله عندي معلومات دينية . . في حاجات طبعا كانت لا مبعرفش ارد عليها . . حد تاني ممكن يضعف ويبتي يبعد عن دينة . . لكن الحمد لله انا بسبب معلوماتي واهلي الي خلوني حابب ديني واعرف عنة كتير بيخليني عندي ثقة تامة اني هلاقي الرد حتي لو مش دلوقتي . . .

-----------------------------------------------------------

من هنا طبعا بدأت معرفتي بلتيار السلفي او الدعوة السلفية

الغرف علي البالتوك تقريبا في 100 غرفة اسلامية للرد علي الشيعة وغرف لمناظرة الدين النصراني وغرف لمناظرة ومواجهه الافكار العالمنية شيوعية وليبرالية وغيرها --- كلها بلا استثناء تيار سلفي او منهج سلفي . . المنتديات لقيت كتير منتديات متخصصة للرد ومناظرة اليهود وغيرها للمسيحية وغيرها للعالمنية بروافدها . . . وكلها تيار سلفي !!

في الأول الأمر مكنش بيشكل ليا كتير . . . كنت بستفاد وابحث عن ردود ومعلومات واتفرج واسمع المناظرات وبس

بدأت الاحظ حاجات هضعها في نقط
1-اغلب الشبهات الي بيلقيها المخالفين علي الاسلام بتكون ملهاش اي اساس من الصحة بس قليل منها بيكون شبهه من مذهب او تيار معين زي مثلا يجيبلك شئ من عند الشيعة ويقلك دة في دينك او شئ من عند الأشاعرة وهاكذا

2-ملقتش اي رد مكتمل او مذهب فكري اسلامي بيرد علي اي شبهه ويفندها وكل افكارة واعتقادة غير قابلة انها تكون شبهه غير التيار السلفي

3-اعجبت جدا بعلمهم وبنوعية عقولهم سواء في العلوم المدنية او العلوم الشرعية وساعات كنت بقف مذبهل زي الاقي شيخ منهم معاه 5 لغات !! وحاجات غريبة فا كنت معجب جدا وايضا بسبب تمسكهم بلدفاع عن الاسلام ورغبتهم في دة بشتي الطرق

4-كان عندي بعض الاشكاليات كتير منها مضحك ( كتير منهم مبيحطش اموشن لان كتير ماشي علي رأي ان الصور حرام اراء بعض الشيوخ وكان علي رأسهم الشيخ الحويني وما الي ذلك )

طبعا كل دة بعد كدة فهمتة يعني وجدت كتير مبيستخدموش الصور ولا بيحبوا يتصورا وبيمشوا برأي انها حرام الا للضرورة وكتير برضوا بيتصوروا والحياة زي الفل من هنا ابتديت افهم فقة الاختلاف وكيف تقبلة والشيخ الحويني بدأت اسمع احاديثة وبرامجة واعجبت للغاية بعلمة وفعلا الراجل دة محدث العصر بعد الشيخ الألباني الله يرحمة رغم ان لية بعض الاراء الشخصية ممكن اختلف معاه فيها لكن كا رجل دين وعالم دين ............................... دكتور ورئيس قسم واول دفعتة زي مبيقولوا في علم الحديث


وطبعا انا في الفسبوك كاتب اني مسلم علي منهج السلف :) رغم اني مش مربي لحيتي مثلا ويارب يجي اليوم الي اربيها واقصر . . :) لكن دية ببساطة تلخيص لرؤيتي وما وجدتة في ما يسمي التيار السلفي


في النهاية كل مسلم سلفي . . وكل مسلم لو سئلتة تحب تمشي علي خطي رسول الله والصحابة هيرد يقلك اووووووووووووووووووك





كلامك ممتاز و الله
بس انت قلت كام كلمه مخمووووووني جدا
اولا انك مختلف في بعض الاراء مع الشيخ بس عادي ده لا يقلل من مكانته عندك
هو ده اللي احنا عاوزينه
انا مختلف مع حد محترم
و عارف ان نيته خير
بس مختلف معاه
يمكن هو صح-----يمكن انا صح
نختلف بادب
ثانيا بقي
حكايه انك علي منهج السلف في مبائك لو انك مش ملتحي
ده بجد شيء عظيم انك المهم تحب الفكر بعقلك و تنتمي اليه حتي ان كنت مش قادر تنفذه كله
ثالثا بقي و دي عاوز ارغي فيها حبتين
انت بتقول نفسك يجيلك يوم تربي لحيتك
و الله يا جماعه صحيح الفكره دي خربشت في دماغي
زمان كنا بنقول بلاش علشان امن الدوله بيمسك اللي يربي لحيته
صحيح دلوقتي ليه المفروض نسيبها
مش هقولك حلال و حرام و احاديث
هقولك كلمه بسيطه
مش سيدنا محمد كان ملتحي ؟
و احنا بنحبه ؟
و متفقين انها سنته ؟
متعبر عن حبك
و اتشبه بيه
نعمل حمله هنا و الله
موضوع كبير علي المنتدي
و يبقي اللي داخل فيه يربي لحيته بس بشرط هيتعهد انه يعمل حاجتين
1-يسيب حاجه وحشه كان بيعملها
2-يعمل حاجه كويسه مكنش بيعملها
و نبدأ نبقي ايجابيين
و ندي صوره جديده حضاريه عن المسلمين
يعني كأننا بنقول ان المسلم كل ما تمسك بدينه اكتر اصبح افضل
ها مين معايا ؟
اعمل موضوع علي العام و تشاركوني ؟
ها فين الشباب الجدع الشجعان
متيجوا بقي نشجع بعض يلا
مفيش دلوقتي اي شيء يوقفنا
ماشي؟
مستني ردودكم بجد و الله