راكن عربتي في ON the Run وواقف مع صاحبي بنشرب حاجة فجأه لقيت بنت ظريفة داخلة تركن عربيتها وصممت تركن Reverse .
عربيتي كانت راكنة بزاوية موازية لكل العربيات اللي واقفة
ودي بقى بتركن عمودي على عربيتي ازاي متسألونيش أنا شفت المنظر من بعيد قلت ربنا يستر على ماوصلت كان إكصدامها الخلفي في نص الرفرف الشمال قدام في عربيتي طبعاً الولد بتاع الباركينج قال لها اطلعي شوية قدام بس بعد إيه بعد ما سلمت على الرفرف بتاع عربيتي

المهم بقى

قلتلها انزلي قالتلي نعم إنت تعرفني ؟ طبعاً ميحصليش القرف أصلها كانت وحشة أوي.

قلتلها انتي خبتطي عربيتي

قالتلي NO WAY أنا مخبطش حاجة ورحت قافلة القزاز
شويه ونزلت هية وصاحبتها من العربية قلتلها بصي هاتيلي باباكي ولا أخوكي أتكلم معاهم لو انتي مش عايزة تتكلمي
قالتلي اتكلم معاية أنا مش حجيب حد قلتلها حلو أوي

جبت بتاع الباركينج وقلتله من إلي خبط العربية دي يا ابني حالاً قاللي الانسة دي وهي بتركن

قالتلي تاني NO WAY لازم يكون في حاجة مدببة في عربيتي علشان تكسر عربيتك كدة !! قلتلها هو احنا في حصة فيزياء مدببة مين ؟؟!!

وبعدين انتي عربيتك لونها فاتح وأنا عربيتي غامقة ولون عربيتي لازق في إكصدام عربيتك أهو الاعمى يشوفه !

بكل برود قفلت السنتر بتاع عربيتها وقالتلي أنا مخبطش حاجة ودخلت On The Run

مش حقول أنا عملت إيه بعد كدة بس لو انتو مكاني تعملولها ايه دي ؟!

Thanks
Eng.Sherif Shaker