شريف باشا
اهلا بك في نادي المنتقمووون
شوف
كنت ماشي في الشارع اللي على ناصيتة ادريان صلاح سالم وبيطلع على ميدان الجامع
وماشي ورايا بتاع 7 او 8 عربيات وهوب الطريق وقف
عشان في بنوتة امورة من عينة هايدي تجارة انجلش جاية في وشي وعايزو تاخد الطريق بالعكس
يمين شمال نقنعها انك غلط ودي ابدا
بدات صوتها يعلي قفلت ازازي وسكت عشان ماتعصبش خاصة ان معاها والدتها
الطريق وقف قلتلها انتي غلط قعدت تبرطم وهيا عارفة انها غلطانة
شوية شباب واقفين على جنب من عينة سبايكي ومسقطين بناطيلهم بيقولو خليك كووول يا كابتن وعديها ده انت جنتل برضه وهيا بنت
قولتلة اخرس ياد منك ليك كل بني ادام مالوش لازم يحط لسانة بقي
سواق نقل واقف على جنب شاف الدنيا خربت رجع ورا بضهرة شوية عشان يعديها منى وتكمل بالعكس
دي اول ماعدت مني وبقي طريقها نص سالك قامت شاتمة شتيمة قذرة ما تطلعش من عيل صايع(ومامتها قاعدة جنبها)
ماحستش بنفسي الا وانا جايب مارشدير وباكصدام عربيتي داعكلها الباب بتاعها
وخدت بعضي ومشيت وسلملي على الصلح خير