أولاً وقبل أي شيء أحب أقدم إعتذاري الشديد للجنس اللطيف إلي في Nile Motors إذا كان موضوعي بطريق غير مباشر أساء إليكوا أو إلى أي فتاه أو سيدة أخرى خارج المنتدى .
مرة أخرى إعتذاري الشديد و أكيد أي مشاركة من الشباب كانت بحسن نيه ومجرد للمزاح البريء وأنا متأكد من كدة .
أقول على حاجة - ظريفة كان في بتلر شغال عندنا زمان كان دايماً يقوللي وأنا صغير الستات دول نعمة وإلي يكرهم يعمى :)
مش هاتكلم كتير عن الستات كفاية إن الرسول عليه الصلاه والسلام وصانا بيهم خير .
ووالله البنت د لو كانت جميله أو وحشة أو راجل كنت بردو هطلب منها أو منه انها تنزل من العربية وتتكلم معي بحثاً عن إعتذار منها أو منه فقط ومش بحثاً عن المشاكل لكن المشكلة وإلي كبر الموضوع وخلاه يجيب نتيجة عكسية على البنت دي انها فعلاً وبدون اسائة أدب ليكو يا بنات كانت قليلة الادب وسمجة ومتعجرفة بشكل غاظ كل إلي واقفين وشايفين الموضوع كله.
أقول بقى علي باقي الاحداث
مشكلة البنت انها عملت كدة في On The Run ودة تقريباً ورى بيتي ومعظم الشاب هناك يا إما معرفه يا إما أصحاب ف بعد ما البنت مشيت أنا بجد مكنتش ناوي أعمل حاجة بس حاعمل إيه بقى لأهل الواجب المصريين الجدعان أولهم صاحبي إلي كان معايا ساعتها قاللي إيه دة انت هتسبها كدا على الاقل اعملها محضر قلتلو ليه هي سرقت محفظتي نفض يا عم.
شوية ولقيت باقي المقاومة الشعبية وصلت والله ما أعرف منين وفيه ايه و إيه إلي حصل قلتلهم كذا كذا لقيت عيونهم قلبت أحمر ووسعت مع إبتسامة صفراء تدل على ما يأتي من أحداث
واحد بدأ بالباب الشمال ورى وعمل فيه أكبر خدش ممكن يتعمل بمفتاح شقة والتاني وراه في الباب الامامي وواحد إستلم الرفرف الخلفي والرفرف الامامي ومنسيوش يزينوا الشنطة بكام إمضاء عميق جداً ساعتها أنا والله خت عربيتي ومشيت لقيت إتصال على الموبيل بقولولي الحق صاحبتك بتصوت وعماله تقول
NO WAY مين اللي عمل كدة في عربيتي
على العموم هيا استفزت كل الناس إلي واقفة بعجرفتها الشديدة جداً وطبعاً محدش قدر يوصل لمين إلي عمل كده أنا نفسي مكنتش هناك لأني فعلاً أخدت عربيتي ومشيت
على العموم ربنا يسهلها الحال على ماسمعت انها ممكن ترش الجنب الشمال كله وأنا كمان هسمكر وأرش الرفرف الشمال وإحتمال أغيره أساساً نبقى متعادلين مع اني مليش يد في موضوع الانتقام دة واعتبر لسة بطالب بحقي منها .
Thanks
Eng.Sherif Shaker
المفضلات