اجيب علبة دركسيون سيريون منين ؟

**mostafa_md2002** · 05-04-2011 09:11 PM

أنا من المنصورة بس ليا معارف فى ميت غمر هو مكانه عند مدرسة اسمها مدرسة الصفا الخاصة فى المنطقة اللى بتعدى عليها و انت داخل ميت غمر قبل المزلقان و انت جاى من المنصورة على ما أتذكر و ممكن تكلمه لو عايز تتأكد

**أبو عبدالله** · 06-04-2011 11:55 AM

المشاركة الأصلية كتبت بواسطة mostafa_md2002

أنا من المنصورة بس ليا معارف فى ميت غمر هو مكانه عند مدرسة اسمها مدرسة الصفا الخاصة فى المنطقة اللى بتعدى عليها و انت داخل ميت غمر قبل المزلقان و انت جاى من المنصورة على ما أتذكر و ممكن تكلمه لو عايز تتأكد

بس انا أظن يا مصطفى ان انت كان عندك مشكلة غير علبة الدركسيون
لأن علبة الدركسيون مشكلتها الوحيده صوت التخبيط حته لما تعرف سبب المشكلة وهو زي ما ذكرت ان الجلب بتوصع من كتر الأحتكاك والتخبيط اللي العربيه بتتعرض له
فده برضه يأكد كلامي ان الموضوع مالوش اي تأثير على اداء العربيه على الطريق غير التخبيط فقط في الحتت المكسره

ياريت تقولي بتوضيح الراجل غير ايه بالظبط عندك

**bmya** · 06-04-2011 03:48 PM

تمام كده حضرتك تنور ميت غمر طبعا
عرفت مكانه هو ده المكان اللي قبلته فيه فعلا
هو جمبه كمان سمكري وبتاع دوكو كنت مره عند السمكري اللي جمبه مع واحد صحبي وراكن عربيتي جمبه لقيته عمال يحوم على العربيه روحتله بقوله في حاجه فعرفني بنفسه واداني كارت بتاعه كمان بس على كلامك بقه انه فاهم كويس هبقى اعدي عليه اشوف نظامه ايه
بس هو شغال عفشه بس ولا كل حاجه بقه

**mostafa_md2002** · 06-04-2011 09:18 PM

كلامك صح يا أبو عبد الله صوت التخبيط هو الاساس هو مغيرش حاجة تانى بس جايز الفرق من انه ربط العفشة و انى ظبط الزوايا بعدها عشان انا كان عندى مشكلة فى الزوايا و قبل ماصلحها روحت مره اظبطها الصنايعى قالى مش هاينفع هتبوظ تانى وورانى العجلة اليمين و هى بترف كده فى مكانها و قالى اكيد بتسمع خبط جامد و انت ماشى قالى روح لأى عفشجى و كان كلامه ان السبب فى الجلب بعد التصليح روحت ظبط الزوايا كان كل شيء تمام