اجيب علبة دركسيون سيريون منين ؟

**mostafa_md2002** · 28-03-2011 04:59 PM

عايز أجيب علبة دركسيون سيريون من برة التوكيل عشان غالية أوى عندهم و أنا بره الضمان و حاولت أوصل للتوكيل ان دا عيب فى العربية و لازم يصلحوه موصلتش لحاجة
ياريت حد يقولى قطع الغيار اللى زى دى اجيبها منين عشان العربية مدمرة

**rzeiny** · 28-03-2011 05:10 PM

اسال عند علي نجم في اسكندرية او احمد كمال في الحرفيين 0122152423

**M.Mosaad** · 29-03-2011 12:29 PM

الموضوع دة غايه في الخطورة لان معظم اللي غيروا العلبه العيب رجع تاني و الضمان هيخلص عاجلا ام اجلا يبقي هما واضح انهم بيسكنونا مثلا لحد ما الضمان ما يخلص من رايي ابعت للشركه في اليايان لان دة عيب في العربيه لاني برضة لسة مغيرتهاش و الضمان هيخلص شهر 6 و عايز اغيرها قبلها و متوقع العيب يرجع تاني

**mostafa_md2002** · 30-03-2011 04:48 AM

قالولى انهم هايبعتو لليابان جواب و يستنو الرد هايصلحوها على حسابهم ولا لأ و لسه مستنى الرد مش عارف اعمل ايه هى لو اتغيرت بترجع تانى برضو ؟ انا قريت ان فى ناس غيروها و بقت كويسه لأ و قالولى العربية محتاجة مساعد و صره و بليه و شمعدان للعجلة اليمين مع انى هنا فى المنصورة فى النصر تويوتا قالولى محتاجة علبة بس انا هايتخرب بيتى كده لو عملتها فى التوكيل و مش عارف اصدق مين اللى هنا ولا اللى هناك و بالنسبة للأخrzeiny نمرة أحمد كمال دى مش بترد و مش عارف اوصله ازاى ؟؟؟؟؟ حد يساعدنى يقولى أعمل ايه عشان العربية مش مظبوطة

**M.Mosaad** · 30-03-2011 02:28 PM

المشاركة الأصلية كتبت بواسطة mostafa_md2002

قالولى انهم هايبعتو لليابان جواب و يستنو الرد هايصلحوها على حسابهم ولا لأ و لسه مستنى الرد مش عارف اعمل ايه هى لو اتغيرت بترجع تانى برضو ؟ انا قريت ان فى ناس غيروها و بقت كويسه لأ و قالولى العربية محتاجة مساعد و صره و بليه و شمعدان للعجلة اليمين مع انى هنا فى المنصورة فى النصر تويوتا قالولى محتاجة علبة بس انا هايتخرب بيتى كده لو عملتها فى التوكيل و مش عارف اصدق مين اللى هنا ولا اللى هناك و بالنسبة للأخrzeiny نمرة أحمد كمال دى مش بترد و مش عارف اوصله ازاى ؟؟؟؟؟ حد يساعدنى يقولى أعمل ايه عشان العربية مش مظبوطة

معظم الشباب هنا بيشكروا في مركز الرزق في اسكندريه انا بصراحه مجربتوش ممكن تروح تكشف عليها هناك

**mohamed_rhem** · 30-03-2011 07:34 PM

العيب حيرجع حيرجع لا جدال

المشكلة ان التوكيل يغيرها للعربيات اللي هو بايعهالنا حتي لو كانت برا الضمان وده اللي لازم نعمله في الفترة الجاية

بالاضافة الي

علبة الدركسيون اللي حتجبها استيراد غير العلبة اللي نازله لينا وده فيها مشاكلها فمش منطقي اني اشتريها استيراد

اللي تشتريه استيراد حاجه ميكونش عليها شغل زي باب مثلا اي حاجه ميكانيكية او بتستهلك لا انصح بها اطلاقا

يبفي مفيش قدامنا غير التوكيل نضغط عليهم

واقترح ان يكون القرار كالاتي

يلتزم توكيل ديهاتسو مصر

بأستبدال علبة الدركسيون في موديلات سيريون من 2007 الي 2011 والتي ثبت وجود بها عيوب في تصنيعها

علي السيارات المستودرة والمباعة بمعرفة الشركة بعد ان انهت فترة ضمانها او السيارات الساري ضمانها

وذلك دون التقيد بالصيانات الدوريه

علي ان يكون التغيير بحد اقصي 30 يوم من تاريخ اعتماد التغيير من قبل الشركة او من ينوب عنها في كافة انحاء الجمهورية

ويدونا صورة مختومة منه نحطها مع ضمان العربية

اعتقد ده حيدي مصداقيه واقبال علي شراء السيارة اكتر طبعا بالتزامن مع ان اليابان تجد حلول للمشكلة

عن طريق تطويرها او استبدالها بنوع ميكانيكي للقضاء نهائيا علي المشكلة