سيارات بريليانس الجديدة ل 2011 - a4 بديلة السبلندور و اولsuv

**CryptonX** · 28-03-2011 05:08 PM

بريليانس تستعد لطرح سيارتين جديدتين بالكامل , و السيارتين سيعكسوا ملامح تصميمات بريليانس المقبلة داخليا و خارجيا .

الاولى هي بريليانس A4 ( معرفش ده الاسم النهائي ولا لأ )

و هي سيارة سيدان كومباكت , و سوف تقوم باستبدال الموديل BS4 او Splendor عتدنا .
و متوقع ان تستخدم محركات من 1500 الى 1800 و فتيس مانوال و فتيس اخر اوتوماتيك 4 و 6 سرعات

اما ال SUV فاسمها A3 ودي اول سيارة SUV من برليانس وهي في حجم ال BMW X1 و تعتمد على نفس المحركات و نسخة دفع رباعي .

**MOUSTAFA_SAAD** · 28-03-2011 05:48 PM

ده بى ام ياعم الحاج
تقليد رهيب

**الغزالى** · 28-03-2011 05:55 PM

الى بى ام تمتلك نسبة فى بريلنياس ,,, وبينهم شراكه فى تصميم العربيات فا بريليانس بتاخد تصميمات بى ام وتعدلها وتنزلها بأسمها زى نيسان رينو كدة والعربيه الاسكالا

**CryptonX** · 28-03-2011 08:48 PM

فيه فرق بين شبه و بين " نسخة "

بي ام دبليو لا تمتلك جزء من بريليلانس ولا حاجة .. ببساطة علشان اي شركة اجنبية تصنع سيارات في الصين الحكومة الصيني شارطة انها تخش شراكة في المصنع مع اي شركة محلية ... بنسبة 51% للاجنيبة وب 49% للمحلية .

وبالتالي بريليلانس و بي ام دبليو عاملين شركة مع بعض لتصنيع سيارات بي ام دبليو "فقط" في الصين للسوق الصيني .

اما سيارات بريليلانس دي حاجة تانية خالص ... الحاجة الوخيدة المكتسبة من بي ام دبليو هي " الخبرة" انما كل حاجة في السيارة متصممة عن طريق بريليلانس وليس بي ام دبليو .

وعلى فكرة من الاول كل سيارات بريليلانس بتتشبه شوية بي بي ام دبليو حتى ال frv و السبلندور و ده مش عيب طلاما هو مش تقليد اعمى .

**khaledazizeg** · 28-03-2011 08:48 PM

المشاركة الأصلية كتبت بواسطة mgazaly

الى بى ام تمتلك نسبة فى بريلنياس ,,, وبينهم شراكه فى تصميم العربيات فا بريليانس بتاخد تصميمات بى ام وتعدلها وتنزلها بأسمها زى نيسان رينو كدة والعربيه الاسكالا

كلام حضرتك مظبوط جدا

**khaledazizeg** · 28-03-2011 08:49 PM

المشاركة الأصلية كتبت بواسطة felix

اول عربية من ورا الفوانيس شبه الاودي a4
ومن قدام شبه سحبة فوانيس البي ام
والتانية شبه ال x1
ليه كده ده انا كنت بحترم الماركة دي

خلى بال حضرتك انها بتتصنع بنفس مصنع bmw فيعنى اكيد هما موافقين على كدة وعلى الاقل العربية بتتميز بأنها واخدة حاجات متميزة من سيارات محترمة

**CryptonX** · 28-03-2011 09:03 PM

المشاركة الأصلية كتبت بواسطة khaledazizeg

كلام حضرتك مظبوط جدا

المشاركة الأصلية كتبت بواسطة khaledazizeg

خلى بال حضرتك انها بتتصنع بنفس مصنع bmw فيعنى اكيد هما موافقين على كدة وعلى الاقل العربية بتتميز بأنها واخدة حاجات متميزة من سيارات محترمة

انا اسف يا جماعة الكلام ده مش مظبوط مع احترامي لك و انما هو كما وضحت .

بي ام دبليو ملهاش اي دعوة بسيارات بريللانس يعني لو عملوا طيارة ورق او ان شاء الله عملوا سيارة مايباخ .. كل علاقة بي ام دبليو ببريللانس هي بال joint venture الي بينتج سيارات بي ام دبليو

خطوط انتاج bmw ملهاش اي علاقة على فكرة بخطوط انتاج بريليلانس .. ممكن بريليانس تستخدم خط اتتاج قديم او حاجة من بي ام دبليو و لكن لا تتسطيع ان تصنع سيارتها في مصنع بي ام دبليو الصيني نهائيا .

و مفيش اي اجزاء مشتركة في السيارات نهائيا ... و ده مش قصدي بي اعيب سيارات بريليلانس و لكن بحب اوضح فقط .

بريليلانس تكتسب خبرة فقط من بي ام دبليو حيث ممكن المهندسين الصينين الي بيشرفور على بي ام دبليو مع الالمان مثلا يساعدوا في تصميم او خطوط انتاج بريليلانس و البريليلانس جالينا و السبلندور من تصميم ايطالي .