مؤتمر الدعوة السلفية المليوني بمسجد عمرو بن العاص

**kar!m** · 29-03-2011 10:27 AM

أنا قابلت ناس كتير لما يسمع ده الشيخ فلان بيقول كذا يرد يقول "أنا أى حد بدقن مبسمعوش"

يا ريت الناس تسمع و تشوف الناس دى بتقول ايه قبل ما تحكم عليهم؟

و يا ريت عموما منحكمش على حد الا لما نسمع منه بنفسنا .. و منعممش على فئة معينة بسبب تصرف عمله واحد له نفس الهيئة.

و يا ريت كمان نحط فى الاعتبار ان ممكن أكون أنا اللى غلط و صاحب الفكرة التانية اللى أنا مش متقبلها هو اللى صح.

و يا ريت كمان لما أعوز أعرف حاجه فى دينى أروح لحد عنده علم أسأله زى ما بدور على أحسن ميكانيكى لعربيتى و أحسن دكتور لنفسى.

**أحمد علاء** · 29-03-2011 10:44 AM

جزاكم الله خيرا يا أبا الوليد

عموما المؤتمر ده فرصة كويسة جدا للسماع مباشرة من المشايخ خاصة في عرض وجهة نظر الدعوة السلفية في الأحداث الجارية والنظرة لمستقبل الأمة.

احب اضيف فقط ان جميع المشايخ المحاضرين في هذا المؤتمر هم أطباء ومعظمهم فيما أعلم من خريجي جامعة الإسكندرية

ردا على الأكاذيب الإعلامية المنتشرة أدعو الجميع لقراءة هذا البيان وهو من موقع صوت السلف على الإنترنت

الدعوة السلفية تستنكر الأكاذيب الإعلامية ضدها

أسأل الله ان يهدينا جميعا إلى ما يحب ويرضى

**m3_dolphen** · 29-03-2011 11:47 PM

المشاركة الأصلية كتبت بواسطة medo84eg

يا جماعه
انا ارجوكم
كل واحد في نفسه شيء عن السلفيه
سواء مؤيد
سواء معارض
او لو غير مسلم و عاوز يعرف يعني ايه سلفيين ( بس مش عارف هل في مكان مخصص ينفع يتواجده فيه و لا لا )
الكل يروح و يسمع
و لو شيء معجبكش اسال بنفسك
متظنش و خلاص
علشان ممكن يكون انسان حقاني بس اسلوبه وحش
يبقي اتحمل اسلوبه و اعصر علي نفسي لمونه و اصبر لاني اعرف انه حقاني
و ممكن يوصل لواحد حاجه يفهمها غلط بسبب اسلوب مش دقيق
فيسال و يرد عليه الشيخ في ساعتها
اتمني الكل يشارك
علشان نبقي كلنا علي ارض صلبه
و تبقي عارف ايه اللي بيفكروا فيه السلفيين
و اسف للاطاله

المشكلة ان المعترضين يتكلموا بدون أدلة او انهم ياخدوا فرصة فى متابعة من يعارضه او حتى توجيه سؤال اليه .

**otefa** · 30-03-2011 12:01 AM

المشاركة الأصلية كتبت بواسطة m3_dolphen

أستاذى الفاضل سؤالك جميل .... فى حاجة متعارف عليها بين العلماء والمشايخ اسمها الإجازة .

الإجازة بتكون عبارة عن ان مثلا طالب علم فى علم زى علم الحديث مثلا يبتدى يدرس علم الحديث على يد احد المشايخ أو العلماء يبتدى أولا يحفظ المتن ( نص الحديث ) مثلا يبتدى بكتاب زى كتاب رياض الصالحين ويخلصه حفظ ثم يبدأ يدخل على الكتب الستة ( البخارى ومسلم والترمذى وأبوداوود والنسائى وابن ماجة ) يحفظ الأسانيد ثم المتون ويبتدى يسمع اللى حفظه على شيخ او اكثر ثم يشهد له الشيخ بأنه اتم حفظ هذه الكتب فيطلق على طالب العلم هذا ( حاصل على اجازة فى الكتب الستة) وهكذا يتدرج فى العلم وممكن يدرس اكتر من علم وياخد أكثر من اجازة الى أن يصل الى المرتبة التى يشهد له شيوخه فيه بالعلم ... وأزيدك توضيحا ان أردت

محمد باشا هل في جهة رسمية بالدولة زي الأزهر على سبيل المثال تقيم وتجيز لشيوخ السلفية ولا الموضوع بيمشي أزاي ياريت توضح؟

**m3_dolphen** · 30-03-2011 12:36 AM

بص يا باشمهندس ... مفيش جهة رسمية مختصة بكده لكن الموضوع بيكون كالآتى ...

مثال للتوضيح .. ذهب طالب علم ليحفظ القرآن على يد أحد المشايخ ليحصل على الإجازة فى الحفظ والتجويد ..الشيخ أساسا حاصل على الإجازة من شيخ آخر اكبر منه سنا وهكذا حتى ينتهى الإسناد الى النبى صلى الله عليه وسلم عن جبريل عليه السلام عن رب العزة تبارك وتعالى ... أى أن التوثيق يكون بشهادة العلماء الثقات جيلا بعد جيل .. وعايز أقول ان علم الجرح والتعديل هو العلم المختص بذلك ( توثيق العلماء والشهادة لهم )وهناك علماء صنفوا آلاف الكتب والمجلدات فى هذا العلم مثلا كتاب ( سير أعلام النبلاء للإمام الذهبى ) ومن علماء الجرح والتعديل أيضا الامام احمد بن حنبل ويحيى بن معين وأبو حاتم الرازى .. وهناك الكثير والكثير ولكن احببت الاختصار قدر الامكان ... وأزيدك ان أردت ..

**otefa** · 30-03-2011 12:40 AM

تمام طيب مافيش أي تواصل بصورة ما مع الأزهر الشريف كندوات متخصصة للأستنارة المتبادلة من الفريقين!

**m3_dolphen** · 30-03-2011 01:39 AM

المشكلة تكمن هنا فى أن النظام البائد احدث فرقة بين الأزهر و العلماء من خارج الازهر بجعل الازهر مؤسسة حكومية تأخذ اوامرها من النظام البائد

**MEDO84EG** · 06-04-2011 12:00 PM

رأيكم ايه بعد المؤتمر

**alaa99991111** · 06-04-2011 12:02 PM

المشاركة الأصلية كتبت بواسطة tarek gen 2

يا رب يتصور و يتوثق عشان الكل يسمع كلامهم منهم مش من حد عنهم

+11111111111111111111111111111

الموضوع: مؤتمر الدعوة السلفية المليوني بمسجد عمرو بن العاص

LinkBack

أدوات الموضوع

عرض

-

-

-

-

-

-

-

-

المواضيع المتشابهه

بيان الدعوة السلفية عن احداث التحرير

الدعوة السلفية ......... و تداول السلطة و الديمقراطية و الاحزاب

بيان من الدعوة السلفية حول أحداث إمبابة

بيان الدعوة السلفية بخصوص مظاهرات الغدبسم الله الرحمن الرحيم تعلن ((الدعوة السلفية))

الشيخ محمد حسان خطيبا للجمعه غدا ان شاء الله 11 مارس 2011 بمسجد عمرو ابن العاص

الكلمات الدلالية لهذا الموضوع

المفضلات

المفضلات

ضوابط المشاركة