أوبلاوي يرغب بالإنضمام !

**AhmedBahgat** · 28-03-2011 08:53 PM

السلام عليكم ورحمة لله وبركاته

بما إني لإول مرة أشارك في قسم سكودا أحب أتعرف علي جميع السادة رواد القسم و أبدأ بنفسي

أحمد بهجت
26 سنة
مدير نيابة مرور إحدي المحافظات
مقيم بالقاهرة (الرحاب)

يسعدني و يشرفني الإنضمام لقسم سكودا

وبما إني عضو قديم في قسم أوبل و من عاشقي السيارات الألماني فقط و بما إن السيارة سكودا أوكتافيا أثبتت بجدارة إنها تستحق الإنضمام تحت جدول السيارات الألماني

قررت بمشيئة الله تعالي الدخول إلي عالم سكودا وشراء أوكتافيا فانتازيا

وبما إنه لا خاب من إستشار فقررت أشارككم الرأي و القرار

لا أخفي عليكم قررت بادئ الأمر أن أشتري فانتازيا مستعملة أول فئة بس بعد توغل أكتر الموضوع كبر معاية شوية شوية و إتجهت علي الفئة الثانية ثم فئة الإليجانس

وكنت بتفرج النهاردة علي واحدة إليجانس 2009 سيلفر عاملة 45000 كم جديدة مطلوب فيها 160,000

فجأة جه في بالي واحد صديق قديم شغال في الزيرو قلت أكلمة أشوفه برده و أخد رأيه

كلمته لقيت عنده 3 عربيات فانتازيا إليجانس (فتحة سقف) 2 إسود و واحدة سيلفر زيرو بس موديل 2010 بجواب المرور

بكام يا ريس قالي 182,000 جنية بيني و بينكو الموضوع كبر في دماغي وقلت الزيرو زيرو برده خصوصا إن الواحد محسوك

قلت لازم فورا أخد رأي حضراتكم خصوصا و إن قرار شرائي للفنتازيا كان متأخر و ملحقتش أدرس العربية كويس و فئاتها و أسعارها

أحب أعري رأيكم في القرار و في السعر و أي القرارين ترجحوا الزيرو ولا المستعمل
وأحب أسمع أي حاجة من حضراتكم سواء عن السيارة عامة أو عن أي خبايا ممكن أخد بالي منها أو كماليات أشوفها موجوده ولا لأ أي حاجة أنا منصت لحضراتكم

أه صحيح العربيات الزيرو خليجي و بضمان شركة إسمها Triple A

مرة أخرة يشرفني الإنضمان إليكم ومتشكر لحسن الإستماع

**AhmedBahgat** · 28-03-2011 09:09 PM

عايز أضيف بس إن العربيات دي عرفت إن مفهمش حساسات باركنج قدام

**kar!m** · 28-03-2011 10:06 PM

هتوحشنا و الله يا بهجت .. بس ربنا يوفقك و تجيب حاجة كويسة.
لو قلبت فى قسم اسكودا هتلاقى معلومات كتير عن العربية .

بس أنا الحاجة الوحيدة اللى أعرفها عنها ان واحد معرفة شغال فى العربيات اشترى واحدة مستعملة عشان يتاجر فيها و كان فيها فانوس مكسور و اشتراة ب 5000 جنية تقريبا .. و باعها.

**ntahssen** · 29-03-2011 07:10 PM

السلام عليكم ورحمه الله .
لو العربيه وكيل معاها ضمان ارتوك اوتو استخير ربنا عشان السعر كويس جدا والعربيه كويسه جدا بس المحافظه عليها.
لو خليجي بلاش علشان المبلغ كبير

**EngAhmedSayed** · 31-03-2011 09:59 AM

اولا اهلا بيك فى قسم سكودا - كاعضو - و كصديق - و كأخ - سكوداوى
ثانيا سكودا فانتازيا عربيه جميله و كويسه
ثالثا عاوزك تقرا موضيع الفنتازيا كلها و ممكن تتواصل مع الاعضاء اصحاب الفنتازيا هتستفاد منهم
العربيه ليس عليها غبار
و شرف لينا انو تكون حضرتك معانا
اهلا بيك مره تانيه