تتلخص المشكله في بحلقه البنات في وجه العبد لله و انا ماشي في الشارع و طبعا قد تبدو للبعض انها مشكله تافهه او هبله بمعني اصح انا بدعي , لا يا حضرات لست انا هذا الشخص , الحقيقه انا لست علي هذه الدرجه من الوسامه عشان البنات تفضل تبحلق , يا ريتهم بيبصوا بقرف كنت قولت شكلي مقرف و يدعو لهذه النظره و لكن هيهات , انا شكلي عادي جدا , في ناس مقربين بيدعوا اني شبه كيانو ريفز الممثل الشهير بتاع ماتريكس , انا فعلا شبهه شويه بس عينيا اوسع منه , و وشي ارفع منه قليلا , و هو ابيض عني , و بعد هذا الوصف الدقيق اعتقد ان البعض برضه لسه لم يعرف ليه البنات بتفضل تبحلق , بجد انا بتضايق و انا ماشي في الشارع , و في بعض الاحيان بمشي مع اصدقاء ليا شديدوا الوسامه و برضه بيبصولي انا , مع العلم انا طبيعي 100 % يعني مثلا معنديش بشله في وشي او مناخيري بتلات فتحات ... حد عنده حل في المشكله دي ؟ لان شكلي قريب هنزل مقنع من بيتنا