الموضوع: سؤال لاصحاب الكيا سيراتو الكوبيه

كل الناس اللي باعتها كسر زيرو و انا اعرفهم يغني شكوتهم كانت العفشة الناشفة ...... انا عن نفسي عايز اجيبها برضه و مش فارقة معايا حكاية ااعفشة .... انا مقلق بس من حكاية سهولة الدخول و الخروج و خصوصا ان الكرسي اليمين بس هو اللي قابل للطي ... الشمال لأ

انا شايف عن نفسى لواحد عنده اسره متنفعوش اى عربيه كوبيه مش كيا بس ديه عربيات سبور لخروجات معينه او لفئه عمريه معينه او لناس عندها عربيتين مش تبقا العربيه الاساسيه ليها

المشاركة الأصلية كتبت بواسطة shod90

مفيهاش حاجة غير عفشتها ناشفة بس .. و بالنسبة لللاطفال بتهيألى هى كويسة جدا لأن مفيش باب هيتفتح ولا شباك يتفتح و بالنسبة لسهولة دخول الكنبة انا شايف انها عادية بس المستفز انك لو 2 راكبين عادى قدام و واحد تانى هيركب بعدين هبقى مستفزة عشان اللى جمب السواق هينزل و يتنى الكرسى و يخش الكنبة و بعد كدا يرجع تانى اللى كان جمبك يركب هههههه .. دى مشكلتها غير كدا و الله العربية دى زى الفل :)

انابشكر حضرتك على ردك بس انا كان ليا استفسار هل العفشة زى السيدان ولا انشف وهل فى سخونية من ناحية الكونصول اللى فى النص ؟
وياترى استهلاك البنزين اخباره ايه ؟ السرعة القصوى , الثبات , التكيف , الفرامل , العزل

واسف على الاطالة

فعلا سياره جميله بس عايزن نشوف حد معاه يقولنا تجربته معاها

المشاركة الأصلية كتبت بواسطة shod90

هى هى نفس العفشة .. الكوبية اوطى من السيدان ب 1 سم بس !
مفيش اى سخونة خاااااالص من الكونصول لا اللى فى النص ولا فى اى حتة
بالنسبة للسرعة القصوى انا اخر حاجة جبتها 190 و مجبتش بعدها حاجة اعلى عشان مش بسافر كتير فا مفيش اى طريق اعرف اجيب علية اكتر من كدا
الثبات لحد 170 زى الفل بعد كدا انت و نصيبك بقى ههههههه على حسب الطريق لو وحش ايقى قابلنى يقى هههه لو حلو زود اكتر فى السرعة و ميهمكش
التكيف جامد جدا بصراحة مفيش كلام علية
الفرامل حاجة زى الفل و abs مش بيشتغل الا فى اوقات اللزوم مش عمال على بطال
العزل حلو مش وحش يعنى تقدر تقول 8/10
و التكيف 9/10 لو مش مفيم لو مفيم 10/10
الثبات 8/10
الفرامل 9/10
و اى استفسار انا تحت امرك :)))

كلامك هنا منطقى جدا ياشادى لان حتى فى السيدان نفس التقييم ده صح