أول جين-2 بفتحة سقف Built-In في مصر - بالصور حصريا لنايل موتورز

**Abdelrahman.H** · 01-04-2011 01:47 AM

المشاركة الأصلية كتبت بواسطة myself112

بسم الله ما شاء الله ..... بجد انا مش عارف اقول ايه , غير انك بجد فناااااااااااااان , ودماغك بسم الله
ما شاء الله عالية اوى .....
بس حضرتك اخدت خطوة تقريبا مفيش حد ممكن يغامر ويعملها , يعنى قص سقف , ورش عربية , وحاجات كتير فى مصر تعتبر من المحرمات , يعنى احنا اهم حاجة عندنا ان العربية تبقى فبريكة و الكلام بتاع السوق المصرى , الى بيعتبر رش العربية جريمة .....
ربنا يباركلك فيها , وبسم الله ما شاء الله , حاجة تفرح والله ....

أنا أكتر واحد بيكره كلمة ( بلاش علشان لو جيت تبيع ) اللي بتتقال لكل واحد عايز يظبط عربيته .... أنا راكب العربية علشان أستمتع بيها و بأظبطها علشان أستمتع بيها أكتر ..... و لما آجي أبيعها ( وده بعد عمر طويل إن شاء الله ) ساعتها حيكون سعرها نازل أساسا فمش فارقة ....

يا باشا فكك من حوار فابريكة والكلام ده ... يا فرحتي لما تبقى العربية فابريكة بس كل حته فيها خبطة ولا تجاريح

المهم إني عارف إن عربيتي سليمه ومش عامله حوادث وكل شغل السمكرة والدوكو اللي فيها موثق بالصور

أنا لما كنت في ماليزيا من شهرين شفت الشباب هناك و محلات تعديل السيارات بيعملوا في العربية كل حاجة تتخيلها أو لا تتخيلها وبيستمتعوا بعربياتهم بجد و ماعندهمش موضوع ( بلاش علشان لو جيت تبيع ) .....

تقبل تحياتي

المشاركة الأصلية كتبت بواسطة Mahmoud_405

العربية بسم الله ماشاء الله جميلة بس بصراحة انا مش معاك في الي عملتوا لعب اوفر قوي في موضوع السقف ده لاكم في النهاية العربية بجد حلوة وانا معنديش القلب اني اعمل كده في عربيتي

الله يبارك فيك يا فندم

المشاركة الأصلية كتبت بواسطة osama.m

بسم الله ما شاء الله
احييك على زوقك بجد و شغل نضيف جدا جدا .. و العربية تحفة ربنا يباركلك فيها و يديك خيرها و يكفيك شرها

الله يبارك فيك يا فندم

المشاركة الأصلية كتبت بواسطة Nistelrooy

رووووووووووووعة قليلة عليها والله .. انتا دماغ عالية جدا وجامدة جدا :))

تبدل D: هتاخد موديل 2010 واخد 2006 lol

بسم الله ماشاء الله ربنا يبارك لك فيها .. دي وبتاعة الاسكندرية .. احسن 2 جين 2 في مصر كلها ..

الله يبارك فيك ........... أنا مستعد أبدل في حاله واحده بس ..... اللي هيا في الصوره دي و كمان تدفعلي الفرق

المشاركة الأصلية كتبت بواسطة felix

بسم الله ماشاء الله
بجد انت دماغك غريبة وقلبك ميت
ربنا يباركلك فيها ويكفيك شرها ويديك خيرها بس انا عايز افهم تاني هو خد قشرة سقف اللانوس وحطها على سف الجين 2 ولا قص سقف الجين 2 علشان يركب القشرة

الله يبارك فيك............هو قص سقف الجين 2 علشان يركب القشرة

**Abdelrahman.H** · 01-04-2011 02:13 AM

المشاركة الأصلية كتبت بواسطة heshamzaky

بسم الله ما شاء الله الله اكبر مبروك عليك شغل ممتاز بجد زى الفل . و معلش سؤال الفتحة دة كهرباء و لا مانيوال

الله يبارك فيك يا أستاذ هشام ..... كهرباء يا فندم .... حضرتك ما أخدتش بالك من الجزء ده

المهم قررت إني أقص في الصاج و أركب سقف عربيه تانيه و نزلت دورت في الحرفيين و لقيت إني ممكن آخد سقف صاج بتاع دايو لانوس كوري بالفتحة بتاعته كهرباء ( اللانوس في كوريا بتنزل بفتحة سقف ) ب 1000 جنيه و التركيب بقى حيبقى محتاج شغل سمكرة ودوكو ....

تقبل تحياتي

المشاركة الأصلية كتبت بواسطة ahmed_h_g

الله ينور عليك يا عبد الرحمن عالشغل الجامد
بسم الله ما شاء الله ربنا يباركلك فيها

الله ينور عليك يا عميد الويرا

مش ناوي تعملها في الويرا ؟؟؟ بيركبلها فتحة اللانسر ..... شوف الصور دي كده

المشاركة الأصلية كتبت بواسطة Peaceman

حقيقي برافو عليك .. العربية اتبدلت خالص و بصراحة يا عبدالرحمن ليك لمسة باينة جدا في العربية و دي حاجه انا قرأتها في طريقة التخطيط لفتحة السقف و الصور موضحة انك مش بتعدي حاجه فعلا لأني بحب تفاصيل التفاصيل و فعلا انت اهتميت اوي بالتفاصيل ديه
هو بس لو تقدر تصورلنا فتحة السقف من داخل العربية بعد الفينيش يبقي كده 100%
الف الف مبروك يا جميل و ربنا يديك خيرها علي طول
بيشوي نيسان

ربنا يبارك فيك يا بشوي .... الواحد لازم يقف على حاجته و إلا حتبوظ ....

أنا طلبت من الإداره تضيف صور و فيديو و نزلت فعلا في آخر المشاركه الأولى

المشاركة الأصلية كتبت بواسطة sedyrohy

بسم الله ما شاء الله

ربنا يباركلك فيها

عايزين نعرف زي ما بيشوي قالك الفتحه من الداخل عامله ازاي و الفرش ركبت الجديد ولا القديم

منتظرين تجاربك المفيده و الشيقه

تقبل مروري

الله يبارك في حضرتك ....أنا طلبت من الإداره تضيف صور و فيديو و نزلت فعلا في آخر المشاركه الأولى

المشاركة الأصلية كتبت بواسطة eslam_wega

تمام يا عبد الرحمن الله ينور
محتاج بس كوتش اعرض هيعمل شكل جامد وكمان فونيس وراء ليدات
عندى سوال الفونيس الامامية سعرها كام ومنين

الله يبارك فيك يا إسلام...... الخطوه الجايه إن شاء الله علشان أنا فلست خلاص

المشاركة الأصلية كتبت بواسطة HOSSAM99

السلام عليكم
أولا ألف مبروك علي التجديد والشغل الجديد والنهايه مرضيه بنسبة 90 % وما شاء الله لا قوة إلا بالله

لكن فيه حاجه أنا والله و أنا بتفرج علي الموضوع كان قلبي بيتقطع وكل اما تعدي صورة أقول خلاص هايغير رأيه ومش هاتنفع الفتحه

لكن أول ما أنت لاقيت فتحة اللانوس أنا زعلت وقلبي وجعني والصنايعي ماسك الصاروح وبيدبه في السقف

لكن في الآخر ألف مبروك

الله يبارك في حضرتك

**mahmoud_magdy** · 01-04-2011 02:28 AM

ما شاء الله
شغل قوي جدا عجبني بصراحه
ربنا يباركلك فيها يا فندم

**Abdelrahman.H** · 01-04-2011 02:41 AM

المشاركة الأصلية كتبت بواسطة hossam99

السلام عليكم
أولا ألف مبروك علي التجديد والشغل الجديد والنهايه مرضيه بنسبة 90 % وما شاء الله لا قوة إلا بالله

لكن فيه حاجه أنا والله و أنا بتفرج علي الموضوع كان قلبي بيتقطع وكل اما تعدي صورة أقول خلاص هايغير رأيه ومش هاتنفع الفتحه

لكن أول ما أنت لاقيت فتحة اللانوس أنا زعلت وقلبي وجعني والصنايعي ماسك الصاروح وبيدبه في السقف

لكن في الآخر ألف مبروك

المشاركة الأصلية كتبت بواسطة mohssenrashed

مبروك ي كبير و ربنا يباركلك فيها و الصراحة في ماليزيا عاملين شغل عالي اوي في العربيات البروتون انا كنت هناك من شهر.

بس انت معلم المعلمين ياهندسة.

المشاركة الأصلية كتبت بواسطة أبومريم

بسم الله ماشاء الله لا قوة إلا بالله
ألف مبروك يا معلم وربنا يحفظهالك

المشاركة الأصلية كتبت بواسطة raul_7

انت فناااااااااااااااااااان يا عبد الرحمن و الله ما شاء الله عليك ربنا يحفظهالك, بجد شغل عالمي.

الحاجة الوحيدة الي ملاحظها ان السبويلر مش مظبوط أوي زي الأصلي بتاع 2006... بس غير كده عالمي ما شاء الله عليك.

المشاركة الأصلية كتبت بواسطة kareemz

بسم الله ما شاء الله .. ربنا يبارك لك فيها و يحفظهالك.
شغل عالى و نضيف و مميز جدا.

الله يبارك في حضراتكم جميعااااااااااااا

**Abdelrahman.H** · 01-04-2011 02:47 AM

المشاركة الأصلية كتبت بواسطة prisoner

ماشاء الله لاقوة الا بالله ربنا يكفيك شرها ويديلك خيرها دماغ عالية وشغل عالى وذوق رفيع وراقى وكل الكلام الحلو يتقال لانك كسرت كل القواعد المخيفة ورشيت وعملت اللى فى دماغك وتولع التجار حاجة محترمة جدا وكمان شجعتنى انىاعمل شغل فايبر لانى كنت زيك كده بكره وبخاف منه علشان بشوفه بيتكر لكن الشغل اللى عندك بسيط قوى وتحفةوكمان قريب جدا من اللى انا عايز اعمله والاخ الكريم صبحى كان بيكلمنى على فتحة السقف وقلتوا لالالالالالالالالالالالال ا طبعا وكنت خايف ليعملها وبعد كده لما شفت اللى عندك بسم الله ماشاء الله شجعتنى وكمان هارش بقى لان عربيتى فابريقة وكنت عايز احافظ عليها بس هايبتدى يبان عليها التعب من بره وان شاء الله هاعملها قريب بس ضرورى جدا تقولنا التكلفة حتى لو على الخاص علشان الواحد يعرف رينج الاسعار كام يعنى ويعمل حسابه وانا ان شاء الله هاكلم الاستاذ كريم ولو عرفت اروح فى اقرب فرصة وكتر خيرك تحياتى

الله يبارك فيك يا فندم .....

الموضوع بالنسبه لك أسهل لأن عربيتك في منها أصلا بفتحة سقف .... التكلفة اللي بيتحكم فيها تمن سقف عربيتك ... و مصنعية السمكري و الدوكو .... يعني مش محكومه قوي بس تقدر تتكلم في حوالي 4000 إلى 5000 جنيه

**powerofhelll** · 01-04-2011 03:16 AM

بسم الله مشاء الله
توحفه ربنا يباركلك فيها و يحفظها من العين

**Abdelrahman.H** · 01-04-2011 03:26 AM

المشاركة الأصلية كتبت بواسطة ecybrarian

انا اسف معلش العشم والانبهار خلاني اشيل الكلفة وارفع الألقاب يا هندسة

يا فندم كلنا إخوات ما فيش ألقاب ولا حاجه

المشاركة الأصلية كتبت بواسطة mido_soliman

هوة دة الكلام اول موضوع يوحد ربنا من الثورة انا قلت المنتدى مات خلاص
مبروك يا عبد الرحمن وبجد شغل نضيف جدا وشكل العربية تحفة
بس كنا عايزين فيديو لطيف عن فتح وقفل فتحة السقف
وسؤال تانى معلش الفانوسين دول بمواتير ولا من غير وعاملين كام انا عارف انهم من ماليزيا
الكف بتاع المرايا لو كان ليدات كان بقا خرافى بصراحة بس انت ممكن تغير اللمبة اللى جواة وتحط لمبة بيضة مع الزينون او رينج العدسة حيبقى اشيك كتير
مبرووووووووووووووك
ملحوظة لو فى اى وقت ملقتش الكفر بتاع المرايات او فتحة السقف او الرمشين بتوع الفوانيس
اعرف انى انا اللى سرقتهم :)

معلمي .... الله يبارك فيك

الإشارات دي ليدات من جوه مش لمبه هالوجين وبالتالي مش بتتغير

يا باشا أنا حأوصلهم لحد عندك ....................... و أبلغ عنك

المشاركة الأصلية كتبت بواسطة funnymickey

علي يــــــــــــــــــــــــ ــــــــدي
:)

الف مبروك ياعبده
يااجمد مهندس في مصر
ربنا يبارك لك فيها يارب ويكفيك شرها

صبحي باشا .... ربنا يبارك فيك يا صاحبي وعقبالك

المشاركة الأصلية كتبت بواسطة a. Ibrahim

الف مبروك علي العربيه

بس قلبك جامد دبابه

الله يبارك فيك .... أنا قلبي في الحاجات دي ماااااات من زمااااااااااااااااااااااا اااااااان

المشاركة الأصلية كتبت بواسطة afr80

الف مبروك يا عبدو، والله جمده، ربنا يحفظهاك، و الله كان نفسي اشوفك فى مقابلة الصحراوي، انت من الشخصيات اللي الواحد يعتز بمعرفتها

ربنا يعزك و للأسف ظروفي منعتني من الحضور ... تتعوض قريبا إن شاء الله

المشاركة الأصلية كتبت بواسطة tarek gen 2

congratulation ......
It's very beautiful
our god save u and ur car :)

thnx dude

المشاركة الأصلية كتبت بواسطة gebreel

ما شاء الله لا قوة الا بالله

ربنا يباركلك فيها يا باشمهندس و يحفظهالك يا رب من كل شر

الله يبارك في حضرتك

**ahmedbasto** · 01-04-2011 03:38 AM

msa great work

**Abdelrahman.H** · 01-04-2011 03:46 AM

المشاركة الأصلية كتبت بواسطة ecybrarian

لا يا عبد الرحمن لأ..والله ما ينفع الكلام دا ابدا..انت وبعدين معاك بقى!!!! مش ناوي تبطل تعقدنا كل شوية بالمواضيع الابتكارية المتميزة بتاعتك دي بقى..انا خلاص اتعقدت..خلاص يا سيدي شهدنا لك انك اكثر الاعضاء تميزا من زماااااان..الله اكبر وما شاء الله في عربيتك ودماغك..وانا مصر بجد مش هزار اشوفك واتعرف عليك وبالمرة ابص بصة على الشغل الجامد جدا دا..ارجوك خد الموضوع دا بجدية

يا فندم ربنا يعزك و الشهاده دي كتيييييييييير قوي عليا ....

أنا يشرفني معرفتك و بجد مش هزار شوف الموعد اللي يناسبك و نتفق على الخاص

تقبل تحياتي

**Abdelrahman.H** · 01-04-2011 03:57 AM

المشاركة الأصلية كتبت بواسطة ahmed79

بسم الله ماشاء الله
استاذ الى عمل لك الشغل ربنا يبارك لك فيها

المشاركة الأصلية كتبت بواسطة prohossam

ما شاء الله

المشاركة الأصلية كتبت بواسطة nfs_206

بسم الله ما شاء الله لا قوه الا بالله
بسم الله ما شاء الله لا قوه الا بالله
بسم الله ما شاء الله لا قوه الا بالله
العربية تحفة ربنا يباركلك فيها و يديك خيرها و يكفيك شرها
بس يا قلبك يا اخي انك تلعب في السقف و تعمل كل ده
بس أحيييييييييك علي دماغك العاليه و اهتمامك بأدق التفاصيل

المشاركة الأصلية كتبت بواسطة WaleeD-ZidaN

ماشاء الله ربنا يباركلك فيها ياباشا و يديك خيرها و يكفيك شرها
بس انا عايز اعرف لو هيا كهرباء التوصيلات ازاي؟
و بتفتح بنفس اوضاع الفتحات الستوك ولا سلايد بس؟

الله يبارك فيك .... أنا طلبت من الإداره إضافة فيديو و صور و تم إضافتهم بالفعل في المشاركه الأولى

المشاركة الأصلية كتبت بواسطة eng_Amr

الف مبروك ياباشا وماشاء الله لا قوة الا بالله. وياريت صور تقفيل من جوة و بتفتح وبتقفل ازاى وكدة

واحييى فيك جراتك وعدم اهتمامك بالكلام بتاع مترشش السقف ولا الكبوت وخلى العربية فابريكة حتى لو متبهدلة المهم فابريكة.

واحب اقولك انى شوفت جين2 تانية بفتحت سقف من فترة كانت ركنة فضلت ادور على صاحبها بس مالقتوش.

ويارييت عنوان الراجل بتاع الفايبر.

الله يبارك فيك .... أنا طلبت من الإداره إضافة فيديو و صور و تم إضافتهم بالفعل في المشاركه الأولى
لو الجين- 2 الصفراء فهي بتاعة زميلنا في المنتدى أ/ أحمد إسماعيل و هو بالمناسبه جاري .. و لو الحمراء أو السوداء فدول أنا شفتهم مره واحده .... التلاته دول مركبين الفتحه الجاهزة ودي بتفتح لفوق مش لجوه العربيه و بتطلع مش مظبوطه ....
بسام فايبر له موضوع إعلاني في المنتدى
http://www.nilemotors.net/Nile/205069-a.html

المشاركة الأصلية كتبت بواسطة ringoo

ما شاء الله .. تحفة ... ربنا يباركلك فيها ويكفيك شرها

المشاركة الأصلية كتبت بواسطة elmadawy

بسم الله ماشاء الله ربنا يبارلك فيها

الله يبارك فيكم جميعااااااااااااااا

الموضوع: أول جين-2 بفتحة سقف Built-In في مصر - بالصور حصريا لنايل موتورز

LinkBack

أدوات الموضوع

عرض

-

-

-

-

-

-

-

-

-

-

المواضيع المتشابهه

طريقة تحويل لانوس من مانيوال إلى أوتوماتيك بالصور :::: حصريا لنايل موتورز

بالصور كل موديلات ابيز1 2012 حصريا لنايل موتورز

حصريا لنايل موتورز .. بالصور طريقة فك ردياتير التيدا

كورولا 2008 الياباني بالصور ((( حصريا لنايل موتورز )))

الكلمات الدلالية لهذا الموضوع

المفضلات

المفضلات

ضوابط المشاركة