هيونداي وزيوت كاسترول !

**Ashraf_Ibrahim** · 31-03-2011 04:26 AM

شباب هيونداي
اخباركم ايه؟
نأمل انكم بخير
في الحقيقة بكل بساطة انا بستعمل زيت شل هيلكس الترا وبغيره على 10000 كم
والزيت دا ممتاز جدا
ولكن قريت عن زيوت كاسترول
واللي قريته عنها دخل دماغي برده
اضافة لأن سعرها منافس جدا لشل
فعايز اعرف دلوقتي حد من هيونداي استعمل كاسترول؟
واستعمل مين فيهم وكانت ايه النتيجة؟!
من حيث كمية البخر وصوت الموتور والاداء وكدة ؟!
شاكرين مهللين يا شباب

**beshomilan** · 31-03-2011 12:59 PM

انا شايف الشل افضل بلا منازع وخللى حضرتك فيه طالما مريحك حتى لو بزياده بس عشان التجارب دى ساعات بتكون تكلفة فلوس عالفاضى
وربنا يوفقك للافضل لعربيتك انشاء الله

**omarmakeen** · 31-03-2011 04:25 PM

متابع باهتمام

**samirsaid1** · 31-03-2011 04:49 PM

انا بغير بموبيل وان وصوت الموتور بقى عالى من بعد ماغيرت لية بس مش هاغيرة دلوقتى دول 250 جنية

بس فية ناس بتشكر فى زيت كاسترول ماجنيتيك ان شاء الله هاغير لية المرة اللى جية

والحياة تجارب

**Ashraf_Ibrahim** · 01-04-2011 11:20 PM

المشاركة الأصلية كتبت بواسطة samirsaid1

انا بغير بموبيل وان وصوت الموتور بقى عالى من بعد ماغيرت لية بس مش هاغيرة دلوقتى دول 250 جنية

بس فية ناس بتشكر فى زيت كاسترول ماجنيتيك ان شاء الله هاغير لية المرة اللى جية

والحياة تجارب

منتظرينك مع كاسترول تقلنا ايه النتيجة
بس نصيحة اخوية نزل موبيل ومتمشيش عليه كتير معلش هما ال 250 بيوجعوا انا عارف بس عشان موتور عربيتك

المشاركة الأصلية كتبت بواسطة omarmakeen

متابع باهتمام

تسلم يا جميل

المشاركة الأصلية كتبت بواسطة beshomilan

انا شايف الشل افضل بلا منازع وخللى حضرتك فيه طالما مريحك حتى لو بزياده بس عشان التجارب دى ساعات بتكون تكلفة فلوس عالفاضى
وربنا يوفقك للافضل لعربيتك ان شاء الله

الشل جميل فعلا
وقريت كمان على موقع شل ان الزيت مبيتغيرش طبقا للكيلومترات
وانا بنزل الزيت نضيف تقريبا
فبفكر احط شل الترا واغيره على 15000 كم مثلا
لما نشوف ان شاء الله
ويمكن احط كاسترول الله اعلم

المشاركة الأصلية كتبت بواسطة bio_mz

متابع بإهتمام

تسلم يا جميل

**Ashraf_Ibrahim** · 02-04-2011 02:17 AM

المشاركة الأصلية كتبت بواسطة theprofessiona

انا مفروض اعمل صيانة 10000 الاسبوع الجاي ... بس هحط شل لانه مريحني. بالمناسبه, كل الزيوت سواء شل او موبيل او وطنيه بيتصنعوا في مصنع واحد في مصر وكل واحد له خط انتاج,الاختلاف بس في التركيبه التخليقيه اللي بتيجي للمنتج من برا عدا ذللك مكونات الزيوت واحده. يعني احمد زي الحج احمد.

مع كاسترول الوضع مختلف
لأنه مش مصري
دا تعبئة اماراتيه يا عزيزي
الجدير بالذكر ان شل وكاسترول كمواقع انترنت اتفقوا على ان تغيير الزيت غير مرتبط بالمسافة وان المسافة اللي تبدأ تفكر فيها بتغيير الزيت هي من 10000 كم ل 15000 كم

انا كشفت على عربيتي على موقع كاسترول -صناعة انجليزية اساسا وتعبئة اماراتيه-
رشحلي زيت كاسترول اي دي جي ودا بيعمل تقريبا 280 جنيه وكاتبتحتيه انه يمشي 15000 كم ويفضل في الموتور لحد 12 شهر بدون مشاكل

اعتقد العرض مغري ان الواحد يجرب حاجة زي كاسترول :b4_033:

**Ashraf_Ibrahim** · 02-04-2011 07:52 PM

المشاركة الأصلية كتبت بواسطة samirsaid1

معنى الكلام دة ان فعلا موبيل وان هو اللى معلى صوت الموتور لانى فعلا ملاحظ كدة ومخلية خشن

للأسف فيه شكاوى كتير من موبيل بصورة عامة واكتر الشكاوى الشائعة ان معدل البخر بتاعه عالي فعشان كدة بقلك غيره احسن !

*ان شاء الله عزمت اني هحط كاسترول edg الذهبي
عملت سيرش على عربيتي على موقع كاسترول
ورشحلي الزيت دا
وقلي ان اقصى مسافة يمشيها هي 15000 كم
واقصى مدة زمنية يعدها جوا الموتور هي 12 شهر
واعتقد ان فترة 12 شهر مناسبة جدا لمسافة 15000 كم
لو اثبت كفاءته معايا هيكون زيت موفر جدا يا شباب
يا مسهل هنخوض التجربة وكله على الله اولا واخيرا