أنا شفت كوروللا 99 4 غيار بس!!

**TheMedjai** · 02-06-2007 02:22 PM

هي حالتها كويسة خالص فيها تكييف وسنتر ، بس بعد ما دفعت العربون اكتشفت انها 4 غيار فقط. واللي عرفته من مركز الخدمة إن فعلاً في حاجة اسمها كوروللا ستاندارد ، دي بتنزل بتكييف بس وبتبقى 4 سرعات، يعني السنتر مش أصلي.
فأنا عندي سؤالين:
1- يا ترى العربية اللي 4 سرعات مش بتبقى كويسة زي لو كانت خمسة؟
2- أنا هدفع فيها 53000 ، يا ترى ده سعر مبالغ فيه؟

**Abdallah** · 02-06-2007 03:42 PM

الى اعرفه ان من اول 93 كل الستاندرد 5 غيار لانى كان معايا ستاندرد فعلا وكانت 5 غيار وشفت لحد 92 فقط 4 غيار, معنى كلامك دة ان العربية متغيرلها فتيس ودة بنسبة 80% لان حتى ال 99 العيون الستاندرد بتنزل فعلا تكييف بس و5 غيار ودة كلام انا متأكد منه بنسبة 80%, ومتاخدش عربية راكبلها فتيس 4 سرعات لان الى يسترخص فى فتيس سترخص فى اى حاجة تانية واعتقد قصدى واضح....
53000 مش مبالغ فيه ولا حاجة بس انت ممكن تحط 3 كمان وتشوف حاجة كاملة مانوال, الموديل دة بالذات مرمى فى الاسواق لانه ملوش سوق زى الى قبل منه.
ملحوظة, النقلةو الخامسة بتريح عربيتك وموتورها وطبعا هيا هتبقى افضل كتير من ال 4 غيار والا مكانوش كلفوا نفسهم وعملوا ترسش زيادة للخامس.