الموضوع: زيوت كاسترول !

المشاركة الأصلية كتبت بواسطة prisoner

بسم الله الرحمن الرحيم

اولا انا واحد من الناس اللى استفدت بتجربة زيت كاسترول الماجنيتك ولسة مغير تانى امبارح بصراحة احسن من موبيل وفيسكو الحاجات دى كلها ده غير موضوع الحبيبات دى فعلا انا قريت عنها كتيير وموضوع البخر ده متخافش منه بس انا عايز اقول حاجة العبوة الذهبى الايدج بتمشى 15000 كيلو ومكتوب فى الموقع لغاية 25000 بس محدش طبعا فى مصر ينفع يعمل كده والماجنيتك الاخضر 10000 وانا كنت غيرته على 7000 وكان نازل نضيف الحمد لله ومش ناقص بس انا كنت خايف علشان اول مرة احطه يعنى باختصار اللى عايز تخليقى يحط الايدج اللى عايز نص تخليقى للمواتير اللى فات عليها 8-9-10 سنين مثلا يحط نص تخليقى الماجنيتك فى حاجة بقى اسمها ايدج سبورت ودى للمواتير اللى عاملة تعديلات جامده وتيربو وكده وبصراحة حاجة تحفة وبعدين فين البنزينة دى انا شفت طاقة واحدة بس على الدائرى انا كنت بشتريه من وكيله اسمه فاخورى بيشتغل فى قطع غيار الاوكتافيا والجولف فى جسر السويس وكان عنده سعر الايدج 260 جنيه والماجنيتك 185 لسة جايبه امبارح وبالتوفيق ان شاء الله انا عايز اقول حاجة كمان فرق معايا والله حسيت ان العربية فاقت.

انا بتكلم برده على بنزينة طاقة بتاعة الدائري
دخلت هناك وسألت عليه هناك
قلي ال 10000 ب 180 جنيه ولسة بيقلي ال 15000 وال 25000 قلتله لا كدة كتير
خلينا في ال 10000
بس الشكل العام كدة بيقول اني هجيب الاي دي جي ان شاء الله واحطه واخليه يعمل ال 15000 كم خصوصا ان الشركة قايلة على الويب سايت بتاعها انه يمشي 15000 كم ويفضل في الموتور صالح لمدة 12 شهر بدون اي مشاكل
انا كنت خايف اجيبه عشان مسافة 15000 كم كبيرة ومضمنش اني اخلصها بسرعة بس كدة شكلي جديا هجيبه

المشاركة الأصلية كتبت بواسطة د.أحمد عبد الرحمن

الف شكر للجميع انا فعلا حطيت كاسترول ايدج من اسبوعين وجايز يكون احسن

يا مسهل
ناس كتيرة جدا بتشكر فيه
وناس كتيرة انبسطت اول ما جه مصر
حتى مديري كان في السعودية فلما بقله ان كاسترول بقا في مصر قلي دا زيت ممتاز جدا

المشاركة الأصلية كتبت بواسطة mr_vampire

الف شكرا يادكتور. بس للاسف ملقتش اختيار لعربيتي ( اخر حاجة موجودة لانسر 1.3 موديل 2007).

طب بخبرتك كدة يادكتور او كرأي شخصي تنصحني بأيه؟؟؟؟ وبكرر تاني عربية موديل 2001 يعني 10 سنين طحن وماشية 180 الف كم.

توكل على الله وحط كاسترول ماجنيتيك 10000 كم ب 180 جنيه



*الجدير بالذكر اني بعد لفي كتير على موقع شل وموقع كاسترول لقيت ان الاتنين متفقين في حاجة حلوة اوي
ان تغيير الزيت لا يعتمد على المسافة اللي الزيت مشيها اطلاقا
وان اقل مسافة تعتبر للزيت هي 10000 كم بغض النظر عن نوعه
بل ان شل كمان عامله ريكومنديشن لحد 15000 كم كبداية انك تفكر تغير الزيت بتاع العربية
دا طبعا كلام انا قريته على مواقع كتيرة بس كنت مقلق منه بس بما ان صناع الزيوت نفسهم قالوا كدة يبقا مفيش حد هيعرف اكتر منهم
فباذن الله هجيب كاسترول اي دي جي واحطه في عربيتي وتكون التجربة الاولى وحسب العربية ما تحكم عليه هوافيكم بنتيجة التجربة

ومنتظرين برده تجارب الناس لو حد جرب يفيدنا بتجربته

المشاركة الأصلية كتبت بواسطة mr_vampire

عالبركة ان شاء الله. توكلت عليك يارب

يا مسهل

منتظرين تقريرك عن ماجنيتيك باذن الله
وانتظروا تقرير ال EDG مني باذن الله