انفراااد لنايل موتورز: أقوي وأدق تقرير مفصل عن مراحل شراء نيسان صني بالتقسيط ...!!!!

**mff_629** · 02-04-2011 04:42 PM

بسم الله ما شاء الله
حاجة حلوة أوي

**SonaSteel** · 02-04-2011 09:46 PM

المشاركة الأصلية كتبت بواسطة mff_629

بسم الله ما شاء الله
حاجة حلوة أوي

تسلم يا هندسة ..... جزاك الله خيرا
اقعد بالعافية

**SonaSteel** · 03-04-2011 10:58 AM

المشاركة الأصلية كتبت بواسطة ahmed_halim197

الله ينور يا ريس

وعليك ياكبير
اقعد بالعافية

**SonaSteel** · 03-04-2011 01:20 PM

المشاركة الأصلية كتبت بواسطة mohammedabdallh

طيب انت مقولتش هى بكام كاش وجبتها قسط بكام ودفعت كام مقدم وقسط كام كل شهر

بس كده .......... من عونيا الجوووووووز

هل المفروض كاش ب87000 .... كاملة مانويل بالAbs
وأ/أحمد تي في جابلي عرض خصم عليها ب86000 + البارك سينسور + الدواسات
ودفعت 40% من ثمن العربية حوالي 34500 جنيه ... وكان تمويل البنك ليا 51500 جنيه
ونسبة البنك كانت 9.5% ... علي الخمس سنين 47.5%
يعني اجمالي المبلغ اللي هاسده للبنك 75962.5جنيه /60 شهر = 1267 ج/شهر تقريبا
وعندك التأمين الاجباري بنسبة 3.2% من قيمة العربية ككل = 2752 جنية + مصاريف ادارية = 3009 تقربا
ده اول سنه بعد كده في التجديد سعر العربية بينزل 10% كقيمة سوقية +10% عدم حدوث مطالبة (الحمد لله )
ولو في اس سؤال تاني انا تحت أمركوااا
أقعدوا بالعافية

**SonaSteel** · 03-04-2011 03:06 PM

المشاركة الأصلية كتبت بواسطة shikh_khaled

السلام عليكم ورحمة الله وبركاته

بشمهندس حسين ,

أسأل الله أن يرزقك خيرها وخير ما جبلت عليه وأن يكفيك شرها وشر ما جبلت عليه

وأن يجعلها عونا لك على طاعته

وأن يجنبك معصيته راضيا أو مجبرا

[mark=#ad0202]وصل اللهم وسلم على الحبيب محمد [/mark]

وعليكم السلام ورحمة الله وبركاته
جزاك الله خيرا اخي وشيخي الحبيب شيخ خالد .... والله إني احبك في الله ... ومتابع موضوعاتك ودروس التجويد اللي حضرتك بتعلمها .... ربنا يجزيك عنا كل خير وجعله الله في ميزان حسناتك
واني لزدت شرفا بمشاركة حضرتك لي....... وأسألك الدعاء لي بالزوجة والذرية الصالحة
أمين يارب العالمين
شاكر مرور حضرتك جدا والسلام عليكم ورحمة الله وبركاته

**SonaSteel** · 12-04-2011 02:09 AM

المشاركة الأصلية كتبت بواسطة Mohamed_Hosny

ألف مبروك أخي العزيز على السيارة وربنا يبارك ليك فيها ويكفيك شرها وشر الطريق . أنا عارف أن التهنئة دي متأخرة شوية خصوصاً أن الموضوع تاريخ الانشاء بتاعه من شهر 12 من سنة 2010 .

الله يبارك فيك ويجزاك كل خير على الشرح المفصل ده . وانا كنت عايز أقول أني أنا خلال الايام اللي جايه أن شاء الله بإذن الله هستلم العربية النيسان صني بتاعتي أن شاء الله أتوماتيك وهي Ex Saloon . أنا جايبها بالتقسيط بس خايف شوية عشان مش عارف أعمل check على ايه ولا ايه أول لما استلم العربية وكمان اللي مخوفني أكتر أن بعد أستقراري وراحتي لقرار شراء نيسان صني وبعد ما خلصت كل الاوراق وخلاص هستلم العربية لازال بعض الناس قاعدين يضايقوا فيا يقولوا ليا بقه حد يشتري عربية تجميع مصري ويقولوا ليا أنتا مش شايف اللي حصل في اليابان هتلاقي أسعار قطع الغيار مولعة .. الخ الخ أنا مقتنع بقراري ده وخلاص هستلم العربية لكن عارف أخي العزيز اللي بيضايقني أيه ان الناس بكلامهم ده بيقللوا من فرحة الواحد باستلام العربية الجديدة .

كمان انا قلقان من الفتيس الاوتوماتيك ده لأني أول مرة اشتري عربية اتوماتيك ومتعود على المانيوال انا بعرف اسوق العربيات الاتوماتيك لكن انا بخاف من الصيانة بتاعته واعطاله بس .

أنصحني أخي الفاضل وقولي أعمل ايه وانا على بعد أيام قليلة ان شاء الله من استلام العربية .

السلام عليكم
ا/محمد ... كيف حالك؟؟
الف الف الف مبارك عليك يارب ..... ربنا يرزقك خيرها ويكفيك شرها وتتمتع بيها في الدنيا وتكون سبب لرضا الله عز وجل عليك
بص انت مش توكلت علي الله وربنا ييسرلك الخير وهاتستلم قريب ..... خلاااااااص سيبك بقي من كلام الناس اللي فعلا لا بيقدم ولا بيأخر
يعني انا ممكن اقولك كلمة واحده ممكن تطمنك
ماشاء الله لا قوة الا بالله ...... محدش اشتري صني وندم عليها لحظة
والله يا اخي الكريم العربية ديه الوحيده اللي تمنها فيها وتحس انك واخد حقك تالت ومتلت ... وتحس انك مش مضححوك عليك زي انواع تانية بيبعولك شكل وخلاص
كل العيوب بتاع الصني ديه مش موجوده ... ولا قدر الله لو وجدت التوكيل بيحلها
ده كفاية ان توكيل نيسان ماشاء الله ........ احسن توكيل في مصر من كل حاجة .... ماشاء الله وبشهادة الناس كلها
وكل مدي بتعرف قد ايه العربية ديه محترمة ... وازاي مفكرتش فيها قبل كده
انت شوف دلوقتي انتشاراها بقي عامل ازاي .... بقيت اكتر من التاكسيات
انا بركن جنب صني كل يوم ... عند البيت وعن الشغل وشارعنا سبحان الله في اسبوع واحد بقي فيه حوالي 5 عربيات صني
وقطع غيارها واحد صديقي سال ليا صاحب محل قطع غيرا ياباني معروف عليها .... قاله العربية ديه محترمة جدا وقطع غيارها معمرة عن اللانسر وهو نفسه صاحب المحل عنده صني مش جايب لانسر
عندك مواضيع مثبته لاسعار قطع الغيار بره وجوه التوكيل وقارن اسعارها بالكوري ... هتلاقي فروق بسسيطة
واسمها في الاول والاخر ياباني .. ماتور محترم جدا من احسن وافضل المواتير ومعرف بقوه والات الجر بتاعته .. ده غير مواتير نيسان ليها دوره تبريد محترمة متخليش العربية تسخن خااالص
والعفشة الياباني للشوارع بتاعتنا ديه ... ومعمرة جدا بفضل الله
والتقفيل جمييييييييييييييييييييل .... ماشاء الله
انا ركبت افيو وابترا وماتريكس ... تابلوه الصني لايعلي عليه ماشاء الله بصرف النظر عن التكنولوجيا اللي فيه
بس كخامات محترمة جدا
ومتنساش وسائل الامان وفرامل محترمة ماشاء الله ... وصاج صاج .. مش ورق مقوى وخلاص
وبالنسبة للاوتوماتيك بتعها عادي جدا وميزته انه مش معقد وناس كتيرة شغاله فيه دلوقتي ... انت ملكش دعوه بكلام الناس
وبرده اعرف انك هتاخد عربية علي قد فلوسها ... يعني علشان لو لقيت لاقدر الله حاجة متشيلش في نفسك
مفيش حاجة كاملة ... الكمال لله وحده
وبالنسبة للاستلام
لو هتستلم من مزوع معتمد ... يبقي متقلقش خااااااااااالص هما هايسلموك كل حاجة وركز بس علي ضمان العربية
ولو من معرض عادي .. كان ا/أحمد تي في عامل موضوع محترم جدااااااااا عن الاستلام والتليين مفيد جدا جدا جدا
وان شاء الله تستلم علي خير ... ومتحرمناش من البشري الجميلة والمشاركات الطيبة
واحنا كلنا معاك متقلقش لو عوزت اي حاجة احنا تحت امرك
http://www.nilemotors.net/Nile/212403-a-3.html
اقعد بالعافية

-

الموضوع: انفراااد لنايل موتورز: أقوي وأدق تقرير مفصل عن مراحل شراء نيسان صني بالتقسيط ...!!!!

LinkBack

أدوات الموضوع

عرض

-

-

-

-

-

المواضيع المتشابهه

انفراد لنايل موتورز ... أقوي تقرير لـــ... _تويوتا أفنسيس_ (تقرير مصور)

انفراااد لنايل موتورز: أقوي وأدق تقرير مفصل عن مراحل شراء نيسان صني بالتقسيط ...!!!!

انفراااد لنايل موتورز: أقوي وأدق تقرير مفصل عن مراحل شراء نيسان صني بالتقسيط ...!!!!

الكلمات الدلالية لهذا الموضوع

المفضلات

المفضلات

ضوابط المشاركة