ياجماعة ياريت اللى جرب فعلا ال abs ,ebdيقولى هل هما مهميين فى مصر للدرجة اللى تخلينى اغير رأى من عربية لعربية تانية اغلى منها ولا الموضوع مش مستاهل
ارجو الرد من الناس اللى جربت فعلا وياريت يقولنا لو فى موقف حصل معاه و الحاجات دى نفعتو ولا لأ
ياجماعة ياريت اللى جرب فعلا ال abs ,ebdيقولى هل هما مهميين فى مصر للدرجة اللى تخلينى اغير رأى من عربية لعربية تانية اغلى منها ولا الموضوع مش مستاهل
ارجو الرد من الناس اللى جربت فعلا وياريت يقولنا لو فى موقف حصل معاه و الحاجات دى نفعتو ولا لأ
بص يا حسين ..
لو بتعرض نفسك لمخاطر ... ومالكش فى الموضوع اوى ..يبقى اة هات عربية فيها
لوبتعرض نفسك لمخاطر ..... وليك فى الموضوع اوى ...... يبقى لا مش مستاهل
لو مابتعرضش نفسك لمخاطر .. وليك او مالكش فى الموضوع....يبقى لا مش مستاهل
'طبع مهمين واللي جرب عارف
بص يا اخي
العربيه بدل ما تقف في 15 متر مثلا بزحلقة وقوة اندفاع جامده جدا هتقف في 10 وبدون زحلقة ولا قوة اندفاع
يعني غير الفرق في المسافه
في فرق ان اللي فيها النظام ووقفت عند 10 متر لو خبطت عند نهاية الــ 10 متر مش هيبقى لها اي قوة اندفاع
اما اللي هتقف عند 15 بتبقى جايه بقوة اندفاع اعلى بكثير علشان العربيه متزحلقه
ده غير بقه مسألى تحكمك في الدركسيون يمينا وشمالا عند الضغط على الفرامل
والتوزيع الألكتروني على الأربع عجلات كل واحده على حده بحيث العربيه لا يحدث لها زحلقة ولا تجي يمني ولا شمال ولا تعوم في الطريق مع الضغط على الفرامل فجأة او في الشتاء او في وجود رمال كثيفة
يعني بصراحه أمان عالي جدا
بصؤراحة عوامل مهمة جدا
انا مجربتش air bag
بس سمعت انه انقذ ناس كتير من حوادث جامده اوى
بس abs يبان اوى لو ماشى فى طريق ممطر او عليه رمل او زيت
فى ظل الطرق السريعه بتاعتنا الجمليه الى مفيش ليها اى صيانه والسواقه العجيبه الى بنشوفها كتير مما يجعلك عرضه لاخطاء الغير فالاحسن انك تجيب عربيه فيها النظامين دول لو امكن لو ما امكنش خلاص مش مشكله
يعنى معنى كدا ان السواق الجيد يقدر يعوض عدم وجود ال abs???اقتباس:
لوبتعرض نفسك لمخاطر ..... وليك فى الموضوع اوى ...... يبقى لا مش مستاهل
مش بشكك فيك يا ابو عبدالله بس متأكد من المعلومة دى؟اقتباس:
العربيه بدل ما تقف في 15 متر مثلا بزحلقة وقوة اندفاع جامده جدا هتقف في 10 وبدون زحلقة ولا قوة اندفاع
^^^ الفكره صح بس الارقام حتختلف من عربيه و اخري
ميزه Abs الاساسيه هي قدرتك الكامله علي انك تلف المقود و انت دايس علي الفرامل
بص يا باشا دة فيسديو يوضح
دية عربية منغير ABS
http://www.youtube.com/watch?v=jU_nLSjSWNY
و دية نفس العربية بس ب ABS
شوف بقى الفرق انك تقدر تلف الدريكسيون
http://www.youtube.com/watch?v=O_uwFjEO5G0
و قولى رأيك
بص انا هشرحلك ويارب اقدر اوصل المعلومة
نظام EBD بيعمل توزيع الكتروني على الأربع عجلات كل واحده على حده
طيب ده ايه اللي بيتحكم في الموضوع ده
حساسات في كل عجله
بتعمل على استشعار زحلقة كل عجله او بمعنى اصح لو في عجل بيمشي وعجله وقفة للحظات
بيروح مخفف الفرامل من على العجله دي لوحدها بحيث اول ما تمشي عادي تاني مع باقي العجل بيوصلها الفرامل زيها زي اي عجله تانيه
الفكره ايه
ان العجل ميتزحلقشي
لأن حضرتك عارف ان العربيه العادية لما بتضغط على الفرامل فجأة ولو على سرعه كمان العربيه بتتزحلق وبالتالي مع سخونة الكاوتش والأسفلت بتبقى عمله زي السطح الأملس بالظبط
فده بيخلي العربيه تجري اكتر وتندفع بقوة اعلى لأن العربيه اللي بتتزحلق طبعا هتقطع مسافه اكبر من اللي مش بتتزحلق
فهيا دي الفكره بس
ان النظام ده بيساعد العربيه تقف بأقل ضغطه مع اقرب مسافه تقدر العربيه تقف بها بحيث ولا هيا تتزحلق فتقطع مسافه اكبر ولا هيا متضربشي خالص
طيب لو سمحت يا ابوعبد الله الabs ده ضروري للسرعات الاعلي من كام ولاضروري في كل السرعات
الف شكر يا ابو عبدالله شرح وافى ربنا يبارك فيك و فى عبدالله
فهد باشا مش هقول غير انك خلصت كل الكلام :) شكرا يا باشا
سيات لوفر رغم انى عارف امكانياتك الفنية القويه بس شكلك مش فاضى تشرحلى وجهة نظرك بس طبعا مشكور انك عبرتنى مرتين :)
بص نظام Abs
عمرك مع حتستخدمه بجد الا في المواقف الحرجة
علشان كده محدش يقدر قيمته الا اللي احتاجه و بشده في موقف حرج
و ده على فكرة مصمم للطرق السريعة مش جوا المدن
اي نعم هو بيدي ميزة في الملفات ماشي معاك بس هو ليه هدف اساسي
ممكن حد يقولك ما هو احنا عايشين طول عمرنا من غير النظام ده
اوكيه ماشي بس متنكرش ان النظام ده بيرفع من نسب النجاه من المواقف الحرجة
و خلي بالك انا بقول مواقف حرجة مش حوادث ربنا يحفظنا جميعا
حسين باشا .. مش قصدى والله طبعاً .. دة انت تأمر يا حسين باشا
بس الموضوع كبير و هابقى فية لوحدى كالعادة اللى هاقولك مالهومش لازمة
وخد عندك الشرح بالتفصيل الممل ..واوعى تزهق منى
بالنسبة لى ال air bag فادى مش مشكلة بقت موجودة فى اغلب العربيات الجديدة و مابتعليش السعر اوى
العناصر التانية
اولاً ال ABS
تعريف : منع التوقف التام للاربع عجلات مرة واحدة ..مما يعطى مسافة اقل للتوقف المفاجىء ..مع زمن اقل
(يعنى العربية مابتسحفش مسافة طويلة على الفاضى و من غير ما تقف )
ظروف الاستعمال :
1-سرعة عالية
2-وجود عوامل انزلاق على الطريق( رمال-مياة كثيفة-زيوت-ارضية ممسوحة -....) !
3-عدم توقع التوقف.... بالرغم من السرعة العالية !
4-ضغط الفرامل بكامل شوطها كلة ... بالرغم من معرفة ان دة هايخلى العربية تسحف !
5-عدم المقدرة على استعمال اى حلول اخرى (تفادى-نص دبرياج-تسقيط غيار -هاند براك-.... )
سوى الفرامل فقط !
6-عدم توجية عجلة القيادة بطريقة متوقعة لآداء العربية لحظة الفرامل القوية (تركها مستقيمة فقط) !
ثانياً ال EBD
تعريف :توزيع عنصر التوقف على الاربع عجلات واستشعار اى توقف لآى واحدة منهم .. لتُترك تتحرك قليلاً حتى لا تؤثر على توجية السيارة لحظة التوقف
ظروف الاستعمال :
1-سرعة عالية
2-وجود عوامل انزلاق على الطريق( رمال-مياة كثيفة-زيوت-ارضية ممسوحة -....)!
بلآضافة الى عدم استواء السطح الذى تمر فوقة السيارة (ارتفاعات -منخفضات-مطبات -عدم استواء بشكل عام ) !
3-حالات دوران شديد على سرعة عالية (ايضاً) !
3-عدم توقع التوقف.... بالرغم من انة قد يكون اثناء دوران !
4-ضغط الفرامل بكامل شوطها كلة ... بالرغم من معرفة ان دة هايخلى العربية تعوم اثناء المنحنيات القاصية !
5-عدم المقدرة على استعمال اى حلول اخرى (تفادى-نص دبرياج-تسقيط غيار -هاند براك-مور-آخد الدوران من ابعد نقطة .... )
سوى الفرامل فقط !
6-عدم توجية عجلة القيادة بطريقة متوقعة لآداء العربية لحظة الفرامل مع المنحنيات القاصية و مع عدم استواء الطريق ايضاً (تركها على زاوية دوران ثابتة ) !
لو جمعت يا حسين كل (ظروف الاستعمال ) السابقة
هايبقى قدامك اختيارين اللى انا قولتهم قبل كدة
1- سواق جيد
مابيحطش نفسة فى الظروف دى كلها و بيتوقع على الاقل اية اللى ممكن يحصل بعد 100 متر و بيعملة حساب .... ولو حط نفسة فى الظروف دى كلها ... هايبقى عارف يعمل اية كويس من غير اى انظمة مساعدة .
2-سواق غير جيد
اول حاجة غلط بيعملها (يدوس بنزين ) وخلاص هو دة كل اللى يعرفة
يمشى بسرعة عالية وفى (الظروف دى ) و ماعندوش اى توقع ممكن يحصل اية بعد 50 متر حتى
ولو حصل اى حاجة مابيعرفش يتصرف ... ويمسك فى اللى جنبة .
اضف لى دة كلة حاجتين مهمين
1-مين جايب عربية جديدة و تعبان فيها يمشى بالسرعة دى و فى الطرق دى تحت الظروف دى كلها !!!
2-فين الطرق اللى ممكن تسمح بالسرعات العالية دى هنا ..وحتى فى احسن طرق السفر ..الامر مابيسلمش من (واحد يعدى فجاءة-عربية نقل بتلف فى وشك-واحد ماشى على 40 فى الشمال -اتنين بيسابقوا بعض ياخدوك معاهم فى سكتهم -......)
واخيراً راييى الشخصى مع اهمية الانظمة دى و كل حاجة .. بس هى مناسبة لطرق بين جبال لبنان مثلاً
تجربة عربية فى مدينة روما الايطالية او فى اعلان عن عربية جديدة فى ال mbc action
لكن حرام يدفع 15 او 20 الف زيادة ...
عشان انزل بالعربية
بالليل و الدنيا ضلمة والنور مقطوع و الرمل فارش الطريق و لسة كانت ممطرة وعربية زيت مقلوبة على الطريق .. و كمان امشى فوق ال 100 ........عشان الحق برنامج البيت بيتك :D
طبعا مهمة و SEATLOVER جاب المفيد وزيااااااااااااااااااادة
seatlover
فعلا الف شكر علىالكلام الجامد دا اللى فعلا المفروض يبقى موضوع مستقل انا عارف انك مش بتتأخر على حد علشان كدا كنت مستنى منك كتير و انت ماشاء الله قلت اكتر من اللى انا توقعته ربنا يزيدك من علمه وميحرمناش من معلوماتك
لو انا مكانك
طبعا هيفرق معايا كتير
بعد ستر ربنا الانظمة دى مهمه جدا فى رأى
معلومة خاطئة
الصواب
تعريف ال ABS
م.ن.ق.و.لاقتباس:
An anti-lock braking system (ABS) (translated from German, Antiblockiersystem) is a system on motor vehicles which prevents the wheels from locking while braking. An anti-locking braking system allows the driver to maintain steering control under heavy braking by preventing a skid and allowing the wheel to continue to forward roll and create lateral control, as directed by driver steering inputs. Most commonly, braking distances are shortened (again, by allowing the driver to press the brake fully without skidding or loss of control).
abs بشتغل فقط مع الفرامل العنيفه
مسافه الفرامل بتقل جامد جدا مع الطرق المبلله او الرمليه
مع الاسفلت العادى مجربتش الحقيقه بس اعتقد ان المسافه برضو هتقل عن العربيه الى مفيهاش abs ,لان الabs بيمنع انزلاق العجل فتالى العربيه الى مفيهاش abs الكاوتش هتزحلق وهتحتاج فتره عقبال ما تقف .
هذا يتوقف كثيرا على مهارتك فى القيادة و طبيعة السيارة.
نظم منع الانزلاق تقوم على فكرة محاكاة ما يفعله السائق المحترف (بعد) و لا حظ (بعد) انزلاق سيارته, بمعنى أنها تتدخل فى حالة انزلاق السيارة, فمثلا عندما تنزلق احدى العجلات بفعل الانغلاق( بفضل الفرملة مثلا), يقوم هذا النظام بتحريرها من الفرملة, و هكذا تستعيد تلك العجلة ثبتها مرة أخرى مع الطريق, ثم يعاود كبح العجلة و هكذا داوليك فيزيد من قوة الفرامل, و لا يخفى عليك أنه يمكنك محاكاة عمل هذا النظام فى سيارة عادية, عبر الضغط على الفرامل بطريقة ترددية أو الضغط التصاعدى(و هى الطريقة التى أتبعها أنا) أى الضغط على الفرامل بخفة ثم زيادة الضغط تدريجيا و سوف تجد أن السيارة تتوقف بدون أى انزلاق, و سوف تكتشف أنها تتوقف فى مسافة أقصر من تلك فى حالة الضغط المفاجىء على المكابح.
و هذه مفيدة جدا خاصة فى سيارات الدفع الأمامى التى تنزلق عجلاتها الأمامية بمعدل أكبر فى حالة الكبح المفاجىء.
فى حالة المنحنيات, تتدخل هذه الأنظمة أيضا لحفظ الثبات اذا ما حدث انزلاق, فمثلا عندما تفقد احدى العجلات تماسكها مع الطريق بفعل التفافها حول نفسها تحت ضغط المحرك, يقوم النظام بتخفيف قوة المحرك التى تصل الى تلك العجلة, و بذلك تستعيد ثباتها مع الطريق, و هذا يصلح لسيارات الدفع الأمامى التى تعانى من انزلاق عجلاتها الأمامية دائما, و طبعا تعمل بطريقة عكسية فى حالة الكبح فى المنحنيات.
و لا يخفى عليك أنه يمكنك محاكاة عمل هذه الأنظمة فى المنحنيات عبر تخفيف الضغط على الوقود فى حالة تحسس أى انزلاق أمامى, أو تخفيف الضغط على المكابح فى حالة استشعار أى انغلاق للاطارات أثناء الانحناء.
و هو ما كنت أفعله فى بعض الأحيان مع سيارتى القديمة ال128.
عموما هذه الأنظمة مناسبة جدا لسيارات الدفع الأمامى أو السيارات المترفة التى تنزلق بمعدل أكبر من السيارات الصغيرة ذات النفس الرياضى.
و لا تثق فى هذه الأنظمة كثيرا, فهى لها حدودها التى لا تستطيع تجاوزها, ففى النهاية هى لا تفعل أكثر ما يفعله سائق محترف, و القيادة المتأنية السليمة هى السبيل الوحيد لتجنب الحوادث.
طبعا الايرباج مهمة فى حالة الحوادث لا قدر الله, و عموما وجود تلك الأنظمة سوف يفيد حتما فى بعض الحالات و لن يضر, لكن ليس بالقدر الذى تتخيله, و مثلا لا تزود به سيارات السباق حتى الأن, و بعض السيارات الرياضية, و حتى السيارات الرياضية المزودة به, توفر دائما خيار ايقافه عن العمل, لأن هذه الأنظمة تقلل كثيرا من متعة القيادة, و هذا شىء لابد و أن يؤخذ فى الاعتبار, فالبنسبة لى, و لأن القيادة تمثل لى نوعا من المتعة, فأنا لا أحب السيارة المدججة بمثل هذه الأنظمة.
مش ببص عليهم
لان من الاخر الاجهزه دي ما بيحتاجهاش غير السواق اللي علي قده
انما السائق المتمرس بيعرف يسيطر علي عربيته مش يخلي الالكتترونيات هيا اللي تسوق له.
ناس حلاقيهم بيقولو اصلك ما ركبتش عربيات فيها الكلام دا
لا ركبت عربيات كتير فيها abs.ebd.asc+t.esp.و غيرها من الانظمه المتحكمه بالتماسك و الثبات
و حسيت لما سوقتها فعلا ان الانظمه دي قللت الفرق بين السائق المتمرس و السائق العادي !!!!!!!!!!
أنتم اكيد بتهزروا
يا أخواني ايه اللي دخل السواقة في الأجهزة والنظم دي
يعني مثلا نظام الــ Abs انت عارفين بيعمل كام ضغطه في الثانيه الواحده على الفرامل
تقولي بقه انك كنت بتضغط وتخف وتضغط وتخف كام مره في الدقيقه
استحاله دي زي دي ابدا
دي امكانيات بشرية محدودة وليست مهارات سواق
ده أولا
اما ثانيا نظام Ebd التوزيع الألكتروني للفرامل على الأربع عجلات بحيث ان لو في واحده من الأربع عجلات هتتزحلق بيتم تخفيف الفرامل من عليها ولكن ليس تركها نهائيا وانما الضغط عليه بقدر ما يناسب باقي العجل اأخر
دي هتتعمل ازاي بقه من السواق الماهر
طيب سؤال واتحدى اي حد فيه لو شوماخر نفسه
لوالأسفلت عليه ميه واتت فجأة امامك شئ على مسافة 20 متر
وعربيه فيها الانظمة دي وسواق عادي
والعربيه التانيه فيها شوماخر
نفسي اعرف هيعمل ايه بسواقته في عربيه لما يضرب فرامل كطبيعة البشر في الفجأة انه يضغط بشده حتى لو افترضنا جدلا انه بيضرب براحه
المسافة بتاعته هتطول وهيخبط الكلا ده لو متزحلقشي اصلا وده شئ من الخيال
اما العربيه اللي فيها الأنظمة دي هيضرب فرامل بشده او براحه
هيا العربيه هتقف في المسافة والوقت المثالي المتناسب مع سرعتها ولا يمكن ان يضاهيها رجل بشريه ابدا الا ما رحم ربي
والله اعلم
أنتم اكيد بتهزروا
يا أخواني ايه اللي دخل السواقة في الأجهزة والنظم دي
مش لازم تتعمل بنفس فكره عمل الاجهزه يا ابو عبد الله.اقتباس:
يعني مثلا نظام الــ Abs انت عارفين بيعمل كام ضغطه في الثانيه الواحده على الفرامل
تقولي بقه انك كنت بتضغط وتخف وتضغط وتخف كام مره في الدقيقه
استحاله دي زي دي ابدا
دي امكانيات بشرية محدودة وليست مهارات سواق
ده أولا
اما ثانيا نظام Ebd التوزيع الألكتروني للفرامل على الأربع عجلات بحيث ان لو في واحده من الأربع عجلات هتتزحلق بيتم تخفيف الفرامل من عليها ولكن ليس تركها نهائيا وانما الضغط عليه بقدر ما يناسب باقي العجل اأخر
دي هتتعمل ازاي بقه من السواق الماهر
ممكن باستخدام الدركسيون و السيطره علي عربيته يفادي اي حاجه لو ربنا كاتب له انه يفاديها.
موقف زي دا حيبقي اصعب من ان واحد فجأه و علي بعد اقل من ال 20 متر و لقي موتوسيكل بيقع قدامه و مش علي ميه بقي لاء علي زيت و مغرق الارض كلهااقتباس:
لوالأسفلت عليه ميه واتت فجأة امامك شئ على مسافة 20 متر
وعربيه فيها الانظمة دي وسواق عادي
والعربيه التانيه فيها شوماخر
نفسي اعرف هيعمل ايه بسواقته في عربيه لما يضرب فرامل كطبيعة البشر في الفجأة انه يضغط بشده حتى لو افترضنا جدلا انه بيضرب براحه
المسافة بتاعته هتطول وهيخبط الكلا ده لو متزحلقشي اصلا وده شئ من الخيال
اما العربيه اللي فيها الأنظمة دي هيضرب فرامل بشده او براحه
هيا العربيه هتقف في المسافة والوقت المثالي المتناسب مع سرعتها ولا يمكن ان يضاهيها رجل بشريه ابدا الا ما رحم ربي
و بفضل الله انهيت الموضوع من غير خساير و كنت ماشي علي 80 كم /س!!!!!!!!!
طب حاله زي دي و معايا ABS هل كان حيفرق ؟
ابدا طبعا و لو كنت ضربت فرامل و ايا كانت قوه فرملتي و الاجهزه المتقدمه اللي فيها كان علي الاقل حتزحف و لو حاجه بسيطه.
مش معني كلامي اني ضد الاجهزه دي بس انا قصدي اني ممكن الاستغناء عنها من غير تأثير واضح علي السائق المتمرس
الواضح ان الناس اللى اخترعت الاجهزه دى ما عدتش على مصر بلد ال professional drivers عشان كده أعلى نسبة وفيات فى العالم
في حوادث السيارات هي في مصر
احنا اخرنا توك توك مش عربيات فيها ABS و مش عارف ايه
يا اخوان اول قواعد القيادة
ان تفترض خطأ و جهل الاخرين بالقياده والتعامل مع الطريق على هذا الاساس
وللا انا مفروض اني اسوق ولما تيجي الحادثه اقول للسواق التاني لف الدركسيون يمين و بعدين دوس على الفرامل 100 دوسه في الثانيه
وبعدين لف الدركسيون شمال
لازم الانسان يكون منطقي
مش كده وللا اييه
المتمرسين في القياده في كل حته مش في مصر بس كون ان حضرتك ما بتعرفش تعيش من غير الاجهزه دي ف دا مش عيب انك مش متمرس في القياده او سواقتك علي قدكاقتباس:
الواضح ان الناس اللى اخترعت الاجهزه دى ما عدتش على مصر بلد ال professional drivers عشان كده أعلى نسبة وفيات فى العالم
في حوادث السيارات هي في مصر
طب كويس ان حضرتك عارف القاعده دي و لو طبقتها مش حتحتاج للاجهزه دي خالص:)اقتباس:
يا اخوان اول قواعد القيادة
ان تفترض خطأ و جهل الاخرين بالقياده والتعامل مع الطريق على هذا الاساس
لا المفروض ان حضرتك نتيجه للقاعده اللي ذكرتها فوق تعرف تسيطر علي العربيه لوحدك في كل الظروف من غير مساعده السواق التانياقتباس:
وللا انا مفروض اني اسوق ولما تيجي الحادثه اقول للسواق التاني لف الدركسيون يمين و بعدين دوس على الفرامل 100 دوسه في الثانيه
وبعدين لف الدركسيون شمال
لازم الانسان يكون منطقي
هههههههههههههههه
دا بقي هو المنطق .
و برضه انا قولت اني مش معارض الاجهزه دي لكن بقول انها مش ضروري اوي بالنسبالي
يا حازومه
المشكلة انك مش هتقدر توصل للمسافة القياسية اللي النظام ده يقدر يوصلها للوقوف
عند ضرب الفرامل وعند وجود حاجه مفاجأه امامك على الطريق
دي مالهاش علاقة بالسواقة او بالحالات الفرديه
واحنا بنتكلم على الجميع وليس عن تجربتي الشخصيه اني بعرف اعمل كذا او لا اعرف اعمل كذا
ده غير مسالة ان نظام ABS بيجعلك انك تقدر تكسر الدركسيون وانت بتضرب فرامل لكي تتفادي اي شئ والعربيه لن تتزحلق من على الطريق
وده في العربيات العادية مش ممكن لأنك لو ضربت فرامل وكسرت الدركسيون فأكيد ان العربيه هتلف بك او على الأقل هتعرض منك على الطريق
ودي برضه مالهاش علاقة بالسواق
وممكن تشوفوا الفيديو ده وهو بيوضح ايه اللي بيحصل بالظبط
http://www.youtube.com/watch?v=LoJ3hVyVifc
يا جماعة دى كلها تكنولوجيا ..و التكنولوجيا نعمة ..وماحدش بيرفض النعمة
المهم اللى يقدر على تمنها .. و بعد ما يقدر على تمنها يبقى بيستخدمها قصاد الفلوس اللى حاطها فيها .. ويبقى مش كل مشكلتة مع ال Abs ان لمبتها بتنور على طول !
يا ابو عبد لله انا فاهم الكلام دا كله
انا مش معترض زي ما كررت بس برضه لو عاجبني عربيه و مكنش فيها الكلام دا حاجيبها برضه لانها مش شرط عندي.
انا الحمد لله الحمد لله بعرف اسيطر علي العربيه اللي راكبها كويس
و بستعمل الدركسيون علشان افادي اي حاجه قبل ما اضغط علي الفرامل.
بالنسبالي الفرامل دي اخر حاجه افكر فيها و الحمد لله ربنا بيسترها .
طبعا الاجهزه بتريح كتير و بتبقي دقيقه لكن بالنسبالي مش مهمه
لا يا سيدى سيطرتك على سيارتك تقترب كثيرا من عمل هذه الأنظمة, و ضغطة واحدة على الفرامل ثم تحريرها ثم معاودة الضغط مرة أخرى كافية جدا لاستعادة السيطرة على السيارة, و الضغط التصاعدى على المكابح يوازن تقريبا ضغط الاي بى اس.
فى حالة الانزلاق الأمامى الجانبى, يكفى تحفيف الضغط على الوقود لتستعيد السيطرة على السيارة.
فى حالة الانزلاق الخلفى فى سيارات الدفع الخلفى, و هو أخطر هذه الحالات و أصعبها فى السيطرة, يمكنك لف المقود عكس اتجاه الدوران, ثم معاودته مرة أخرى و سوف تجد أن السيارة استعادت توازنها.
و عموما يجب أن تعرف أن كل هذه الأجهزة لا تستطيع انقاذك فى معظم الحالات و لاسيما الحالة التعسيفية التى ذكرتها, و فى حالة الزيت, لا يمكنك الاعتماد على هذه الأجهزة بأى حال من الأحوال. و تذكر دائما أن توزيع الوزن و قساوة التعليق و تصميم الاطارات, أى قدرة السيارة على المحافظة على توزيع وزن مثالى فى مختلف الظروف أهم من جميع الأجهزة الالكترونية, فهذه الأجهزة كانت توضع للتغطية على عيوب السيارة فى الثبات , و لكنها الأن أصبحت توضع من أجل المنافسة, حتى و لو كانت السيارة لا تحتاج الى مثل هذه الأنظمة.
يمكنك مثلا أن تجرب الكبح بسيارة دفع خلفى لتعرف أن لا فائدة حقيقية من الايه بى اس.
أن شاء الله هحاول اوصل طبعا رسالت حضرتك للمسئولين والخبراء اللي عملو النظام ده
لأن كده يبقى الناس بيضحك عليها بأنظمة بتاخد فلوس وخلاص وعاملين عليها هوليله على الفاضي
والمسألة في النهاية انك تضغط فرامل وتخفف وتكسر الدركسيون والموضوع منتهي
والله انا معرفش ان الحياه سهله كده الا دلوقتي
ربنا معانا والله بجد
ولك الله يا مصر
انا اضم صوتي لصوت الاخ ابو عبد الله و إن شاء الله يوصل صوتي للمسؤولين و يتم مراعاة ذلك في قانون المرور الجديد
واقترح ان التكاتك (جمع توك توك) والسيارات التى تباع في مصر يتم توفيرها بدون اجهزه الكترونيه على الاطلاق وذلك كاختيارoption لل professional drivers اللى ما فيش زيهم الا في مصر
ولك الله يامصر
اجهزة ا بى اس او ما ظهرت ظهرت فى سيارت مرسيدس , و اعتقد مرسيدس يعنى معندهاش عيوب فى الثبات عشان تغطيها , و بعدين انت لية بتقلل من اهمية التكنولويجيا , اكيد الا بى اس ساهم فى تحكم اكبر فى السيارة مافيش شك فى كدة , دة مش معنة ان هذة الاجهزة سوفت تلغى عمل السائق المحترف او ستعمل فى كل المواقف , العلم و تكنولويجا دائما فى تطور , و حضرتك بوص على مودلات مرسيدس الجديدة و شوف كمية الاجهزة و كمية التحكم اللى بتضاف كل سنة , دى مش تكنولوجيا جديدة و خلاص دى تكنولوجيا بتساهم اكيد فى تحكم اكبر و ثبات اكبر .
و لو فى تنكونوليجا جديدة بتساهم فى ثبات اعلى و امان اعلى لية كل الشركات متنزلهاش فى مودلاتها دة مش عيب ,كل دى اضفات مفيدة للسائق مش مجرد منافسة و خلاص , و شوف حضرتك اختراع زى الوسائد الهوائية ساهم فى الامان ازى واصبح بيركب فى كل ركن فى السيارة .
و برضو دى رغبة المستهلكين و لولا المنافسة محدش كان اهتم بتطوير هذة الانظمة واضافتها ..
اكيد السيارت الحديثة اكثر امنا و اكثر سباتا و اكثر قدرة و كل دة نتيجة التطوير و العلم .
كلها انظمة ابتكرها الفرنجه لعنهم الله ..
لا اعتقد ان شخص بيواجه موقف فجائي او على وشك انه يعمل حادثة هايبقى بيتمتع بالثبات الانفعالي انه يدوس ويحرر ويلف المقود ثم يسستعدله..الثواني محسوبة و بتفرق
الانظمة دي زيها زي الباور..ممكن القيادة من غيرها ولكنها موجودة لمساعدة السائق وجعل مهمته اسهل و اقل في الزمن
و دا مدح و لا تريقه ؟؟؟؟؟؟؟؟؟؟اقتباس:
اقتباس:
أرسل أصلا بواسطة hazem_khidr http://www.nilemotors.net/Nile/image...s/viewpost.gif
مش ببص عليهم
لان من الاخر الاجهزه دي ما بيحتاجهاش غير السواق اللي علي قده
انما السائق المتمرس بيعرف يسيطر علي عربيته مش يخلي الالكتترونيات هيا اللي تسوق له
يا جامد.....يا مقطع الاسفلت ;)
طب اخر موقف حصل انهارده
ماشي في امان الله و فجأه لقيت واحد قدامي !!!!!!!!!!
ايه اللي عملته ؟؟؟؟
جيت شمالي جه شمال اخدت يمين راح واخد يمين!!!
روحت خاطف شمال تاني و يدوب فاديته من جنب الاكصدام بفضل ربنا الحمد لله.
طب حتي لو كان معايا Abs , Ebd
هل كان حتقدر توقف عربيه ماشيه بسرعه 50 او 60 في مسافه لا تزيد عن 10 متر؟؟؟؟؟
استحاله طبعا .
خلاصه الكلام
الاجهزه دي معموله للمساعده فقط و عمرها ما تقدر تنقذك في موقف
و برضه حقولها و اللي يتريق يتريق لو انت سواق متمرس و عارف عجل عربيتك رايح فين بالضبط مش حتحتاج ليهم بعون الله.
و برضه علشان محدش يهاجمني
للمره المليون بقول انها اجهزه مهمه لكن مش بالاهميه اللي تخليني افضل عربيه عن التانيه لمجرد انها مزوده بالاجهزه دي
قرأت كل المشاركات فى هذا الموضوع لانه يهمنى جدا ان اجد الاجابه على السؤال المطروح فيه
اشكرك جدا على مشاركاتك التى تشتمل على الشرح الوافى والتى من خلالها تبين لى ان هذا النظام
وجوده بالسياره مهم بدرجه كبيره سواء للسائق العادى او السائق المتمرس لانه لا احد يضمن أخطاء الغير
ولا أحد يضمن حسن التصرف فى المواقف الفجائيه على الطريق فوجود هذا النظام يوفر بفضل الله اولا جزءا كبيرا من الأمان على الطريق
فشكرا جزيلا لمخترعى هذا النظام وكل من يبتكر من أجل البشريه .
وجزاك الله كل الخير اخى أبوعبد الله وكان الله فى عونك