بحب الجيش بس مش فاهم ايه اللي بيحصل

**النوبي** · 31-03-2011 06:13 PM

انا من مشجعي الجيش قلبا وقالبا والحمد لله ثقتي فيهم كبيره جدا بس مينفعش كل لما نعوز حاجه الناس تهدد بمليونيه علشان الجيش يتحرك ده مش كلام الجيش لازم خطواته تبقي اسرع من كده اولا لتهدئه الرآي العام وكمان علشان يكسبوا الناس في صفهم صح
علشان مش اي حد يرمي كله علي الجيش الناس تصدقه
الصراحه مش عارف الجيش اخد الخطوه دي بسبب المليونيه (رآيي الشخصي نعم 80%)
او جدولهم جه في الوقت ده (معتقدش 20%)
بس علي العموم نتمني الافضل للبلد
منع الشريف وسرور وعزمى من مغادرة البلاد والكشف عن أرصدتهم

قرر المستشار عاصم الجوهرى مساعد وزير العدل لشئون جهاز الكسب غير المشروع منع الدكتور أحمد فتحى سرور رئيس مجلس الشعب السابق وصفوت الشريف رئيس مجلس الشورى السابق والدكتور زكريا عزمى رئيس ديوان رئيس الجمهورية وزوجاتهم جميعا من مغادرة البلاد.

وأوضح المستشار الجوهرى أن هذا القرار يأتى فى ضوء ما أفادت به تحريات الأجهزة الرقابية المختلفة بشأن تضخم ثرواتهم، كما طلب المستشار الجوهرى من محكمة استئناف القاهرة بتحديد جلسة عاجلة لتأييد طلبه بالكشف عن سرية حسابات المسئولين الثلاثة المذكورين هم وزوجاتهم بمختلف البنوك داخل مصر.

كان جهاز الكسب غير المشروع قد تلقى سلسلة من البلاغات ضد المسئولين الثلاثة، حملت وقائع تشير إلى استخدامهم لنفوذهم السياسى فى الإثراء بصورة تحمل مخالفة للقانون، حيث طلب المستشار الجوهرى تحريات الجهات الرقابية المختصة بشأن تلك البلاغات، والتى سلمت إليه اليوم.

**تامر.محمد** · 31-03-2011 07:13 PM

انا زيك بالظبط , من اللي بيعملوه للأسف ما بقتش قادر اثق فيهم, و على احسن الظروف بقيت مقتنع ان الضغط ضروري

**tito_1980** · 31-03-2011 07:22 PM

الضغط مش ضروري , و الجيش بينفذ مطالب الشعب بس بياخد وقت طويل , لان الطلبات كتيره و كبيره .
يعني مثلا موضوع محاكمه الفاسدين , لازم مستندات و محاكمات و جلسات و بلاوي زرقه هتاخد وقت طويل .
مفيش حاجه بتيجي بالساهل او بسرعه .

**النوبي** · 31-03-2011 07:48 PM

المشاركة الأصلية كتبت بواسطة eng_ahmed_90

الضغط مش ضروري , و الجيش بينفذ مطالب الشعب بس بياخد وقت طويل , لان الطلبات كتيره و كبيره .
يعني مثلا موضوع محاكمه الفاسدين , لازم مستندات و محاكمات و جلسات و بلاوي زرقه هتاخد وقت طويل .
مفيش حاجه بتيجي بالساهل او بسرعه .

معاك في كل ده بس معلش الجيش خطواته بطيئه للغايه والناس دي محدش هيسال الجيش مسكهم ليه بل بالعكس دول فضايحهم ماليه الدنيا ومحاكمتهم مطلب شعبي

**beautiful0mind** · 31-03-2011 08:50 PM

المشاركة الأصلية كتبت بواسطة النوبي

معاك في كل ده بس معلش الجيش خطواته بطيئه للغايه والناس دي محدش هيسال الجيش مسكهم ليه بل بالعكس دول فضايحهم ماليه الدنيا ومحاكمتهم مطلب شعبي

لكن يانوبى القانون بيقول المتهم برئ حتى تثبت ادانته ............مع ان كلنا عارفين ان هم مدانين لكن لازم كلة بالقانون .........والجيش علية ضغوط كتير وعايز يردى كل الاطراف ..........فكر حط نفسك مكان واحد فيهم كل يوم يجيلة ورق بالكوم مطلوب تحقق فى غير الضغوط مننا

المشاركة الأصلية كتبت بواسطة otefa

ماهم ممنوعين من بدري مش فاكرين صفوت الشريف لما منعوه من أنه يروح حتى مارينا والكلام ده من أكثر من شهر.............يعني تحت السيطرة .
الموضوع هو الأعلان قانونيا وفق أكمال ملفاتهم علشان مايحصلش لوم من أي جهة داخلية أو دولية ...........منظمات حقوقية ووووو
ولا يجي محامي صغير يطلعهم براءه بناء على الطعن في أجراءات الأحتجاز

بظبط .....ياريت الناس تفهم الموضوع ده .......وان محامى معفن يقدر يخرجة منها ببساطة

وللعلم انا صحبى والده رتبه فالجيش والله الحديث على لسانه ان هم بيدورة عن اثبان لتهرب جمال من تأدية العسكرية يعنى هم عازين يوقعوهم على دغهم ...

**Abomar77** · 31-03-2011 10:14 PM

ايه يا رجالة هو مش في قانون طواريء وشغال لغاية دلوقتي .....

يعني مينفعش يجيبوهم يحجزوا عليهم بحجة الطواريء ديه ولما الواحد منهم يقع هتكتر سكاكينه وأكيد هيلاقوا عليه ألف حاجة تبيته في التخشيبة الى ما شاء الله

**ahmedjumpo** · 31-03-2011 11:40 PM

المشاركة الأصلية كتبت بواسطة eng_ahmed_90

الضغط مش ضروري , و الجيش بينفذ مطالب الشعب بس بياخد وقت طويل , لان الطلبات كتيره و كبيره .
يعني مثلا موضوع محاكمه الفاسدين , لازم مستندات و محاكمات و جلسات و بلاوي زرقه هتاخد وقت طويل .
مفيش حاجه بتيجي بالساهل او بسرعه .

يا استاذى العزيز المستندات المطلوبة للاسف تم ترك رؤوس الفساد ليحرقوها او ليفروموها وبالتالى من المسئول عن هذا مع العلم انه طبقا لقانون الطوارئ بسهولة كان يستطيع المجلس العسكرى التحفظ و تحديد اقامة رؤوس الفساد و قطع كل سبل الاتصال بهم ثم يتم التحفظ و مراجعة كل الاوراق و التى سيجدوا بها كل دلائل تورطهم و اضف الى ذلك ثرواتهم المتضخمة و التى ينطبق عليها قانون من اين لك هذا
و لكن بدلا من كل ذلك تم تركهم يتحركوا بحرية و يقوموا بأزالة كل ادلة الاتهام و تحت سمع و بصر المجلس العسكرى و لنا المثال فى زكريا عزمى الذى تواجد طوال الفترة الماضية رغم اعلان خبر فرمه لاوراق هامة قبل شهر و لم يتخذ ضده اى اجراء

-

-

الموضوع: بحب الجيش بس مش فاهم ايه اللي بيحصل

LinkBack

أدوات الموضوع

عرض

بحب الجيش بس مش فاهم ايه اللي بيحصل - انشر الموضوع فى :

-

-

-

-

-

المواضيع المتشابهه

عاجل: اية الى بيحصل فى مصر الجديدة و رمسيس حد يطمنا الجيش بيعمل اية

أيه اللي بيحصل ده!!

الكلمات الدلالية لهذا الموضوع

المفضلات

المفضلات

ضوابط المشاركة