طريقة تركيب أرضية جلد للسيارة و عوازل الصوت ( بنفسك )

**adhamhossam** · 02-08-2013 08:49 AM

المشاركة الأصلية كتبت بواسطة sam4ever2010

انا خلاص نويت الناهردة هنزل ان شاء الله اجيب الخامات وتقريباً هيه هيه نفس الخامات اللى عندك ياباشا انا قولت ازود متر جلد ارضيات بس عشان الشنطة بدل 3 متر اخليهم 4 متر ولا ايه مش عارف هيه العربية كلها طولها من الاول للأخر 3.60 متر خايف اجيب 3 متر يطلع محتاج حته تانى للشنطة العربية 128 ولا اجيب 3 متر بس كفاية ولا نقسم البلد نصين واجيب 3.5 متر

أعمل حساب الشنطة في المقاسات

و لو لقيت إن الخامات بعد التفيذ لم تكفي لعمل الشنطة لكنها تكفي للصالون ... يبقي هات للشنطة من تاني
بس المهم إن الصالون يبقي مرتاااااااااااح في الارضية بتاعته
و نصيحة هات خامة طرية .. بلاش الخامات الناشفة عشان بتتقطم و بتشقق من الشمس و التراب و العوامل الطبيعية

و تابعنا أول بأول
من الأفضل إنك تعمل موضوع جديد بنفسك
و تاخد المميزات عندي و المميزات عند الأستاذ عصام غنايم
و تعمل فكرة مزدوجة و مطورة

**Abo-Yousef** · 12-08-2013 02:26 PM

السلام عليكم ورحمة الله وبركاته

ادهم باشا كل سنة وانت طيب يا كبير نزلت قبل العيد وجبت الخامات الحمد لله ... اينعم حاسس انه اتضحك عليا فى الاسعار بس خلصت من هم وانزاح عليا وزيادة عالخامات جبت حاجة تانية برضه قولت افتكس واجرب اشتريت 2 متر عرض 1.20 تقريباً اسفنج حرارى من اللى بيركب فى اجناب البوتاجازات وبيتعزل بيه التكييفات المركزية عشان يمنع تسريب الحرارة للخارج وسعره 15 جنيه

ودى صورته

انا اساساً قبل ما اروح كنت طابع الموضوع بتاعك بالالوان وواخد الاسعار والصور وكله كله بس الاسعار اللى جبتها فرقت عن اسعارك شوية

1- 2 متر فوم 30 جنيه المتر ب 15
2- 1 متر لباد ( بطاطين الجيش ده

) ب 20 جنيه بيقولى ده احسن وطبقة بتاعتة اعلى
3- 3 متر جلد الارضيات عرض 2 متر حسبلى المتر ب 48 جنيه كان بيقولى 50 بس بصراحة شكله نظيف اوى هوا لا طرى اوى ولا ناشف اوى معقول قولتله فى واحد صاحبى شارى المتر ب 25 جنيه ورالى نوع شبه اللى انت جبته بس مش عارف نفس النوع ولا نوع أردئ أكيد نوع رديئ عن اللى انت جبته وراح قاطعه بإيده اتقطع معاه .
العمليه كلها كلفتنى 194 جنيه + 15 جنيه اسفنج حرارى يبقى الاجمالى 209 ولسه فاضل الكله عشان الزق بيها وكمان عاوز يوم من اوله لأخره اعيش فيه

وان شاء الله اول ما انفذ الموضوع هصور كل حاجة واعمل موضوع جديد اوريه فيه الناس كلها انا عملت ايه عشان كله يستفاد برضه .
وكل سنة وانت طيب يا ادهم باشا

**adhamhossam** · 12-08-2013 07:14 PM

المشاركة الأصلية كتبت بواسطة dr gogo

الله ينور وبجد كلنا اتعلمنا منك والف مبروك

الله يبارك فيك يا باشا و مشكووووووور عالمشاركة

**adhamhossam** · 12-08-2013 07:21 PM

المشاركة الأصلية كتبت بواسطة sam4ever2010

السلام عليكم ورحمة الله وبركاته

ادهم باشا كل سنة وانت طيب يا كبير نزلت قبل العيد وجبت الخامات الحمد لله ... اينعم حاسس انه اتضحك عليا فى الاسعار بس خلصت من هم وانزاح عليا وزيادة عالخامات جبت حاجة تانية برضه قولت افتكس واجرب اشتريت 2 متر عرض 1.20 تقريباً اسفنج حرارى من اللى بيركب فى اجناب البوتاجازات وبيتعزل بيه التكييفات المركزية عشان يمنع تسريب الحرارة للخارج وسعره 15 جنيه

ودى صورته

انا اساساً قبل ما اروح كنت طابع الموضوع بتاعك بالالوان وواخد الاسعار والصور وكله كله بس الاسعار اللى جبتها فرقت عن اسعارك شوية

1- 2 متر فوم 30 جنيه المتر ب 15
2- 1 متر لباد ( بطاطين الجيش ده

) ب 20 جنيه بيقولى ده احسن وطبقة بتاعتة اعلى
3- 3 متر جلد الارضيات عرض 2 متر حسبلى المتر ب 48 جنيه كان بيقولى 50 بس بصراحة شكله نظيف اوى هوا لا طرى اوى ولا ناشف اوى معقول قولتله فى واحد صاحبى شارى المتر ب 25 جنيه ورالى نوع شبه اللى انت جبته بس مش عارف نفس النوع ولا نوع أردئ أكيد نوع رديئ عن اللى انت جبته وراح قاطعه بإيده اتقطع معاه .
العمليه كلها كلفتنى 194 جنيه + 15 جنيه اسفنج حرارى يبقى الاجمالى 209 ولسه فاضل الكله عشان الزق بيها وكمان عاوز يوم من اوله لأخره اعيش فيه

وان شاء الله اول ما انفذ الموضوع هصور كل حاجة واعمل موضوع جديد اوريه فيه الناس كلها انا عملت ايه عشان كله يستفاد برضه .
وكل سنة وانت طيب يا ادهم باشا

تمام
ما شاء الله الأسعار ضربت أوي في العالي عن الأسعار الألي جبتها
بس خير مش مشكلة
ربنا يقويك و يعينك
و ألف مبرووووووووووووك مقدما علي الموضوع
و في إنتظار التنفيذ

**adhamhossam** · 16-08-2013 03:45 PM

المشاركة الأصلية كتبت بواسطة sam4ever2010

بقولك صحيح فرش الأرضية الجلد اللى جبته زى الفرش ده بالظبط ...

حلوة النقشة دي اوي
و جديدة كمان
و شكلها جميل

**adhamhossam** · 16-08-2013 03:49 PM

المشاركة الأصلية كتبت بواسطة sam4ever2010

على فكرة انت نستنى حاجة مهمة يابو ادهم انا لما قريت موضوعك مخدش بالى من حاجة كنت لازم اعملها ... انت كنت كاتب انك شلت اللباد القديم وغسلته فى الغسالة وخد وقته ونشف وحطيته تانى ... جميل الكلام ده ... انا بقى للأسف مفيش لباد اصلا تحت الموكيت ... والمفروض متهيألى العربية كلها تتفرش باللباد بعد الفوم ما يتلزق وفوق اللباد الفرش الجلد .. بالنسبة لصدر العربية ( تحت التابلوه ) هحط الفوم وبعدين ال hvac ( الصوف الحرارى ) وبعدين اللباد وبعدين الفرش الجلد ... يعنى انا كدة هحتاج بتاع 3 متر لباد تانى غير المتر اللى جبته ... ولا اييه ؟؟؟

فعلا تمام
كنت لقيت لباد قديم و غسلته
حاول تستخدم أي بطانية صوف قديمة مثلا
أستخدمها في التقطيع و الترقيع مكان الأماكن الناقصة و الأماكن فيي محتاجة لباد أكثر
انا عملت كدة برده
كان عندي بطانية قديمة و قصقصت منها أجزاء و إستعملتها
و مفيش مانع من وضع كذا طبقة فوق بعض في بعض الأماكن و ليس كلها
كما في الصورة كدة

حطيت الأول طبقة من البطانية القديمة و فوقها اللباد القديم و الجديد

-

-

-

الموضوع: طريقة تركيب أرضية جلد للسيارة و عوازل الصوت ( بنفسك )

LinkBack

أدوات الموضوع

عرض

-

-

-

-

-

-

المواضيع المتشابهه

لتاني مرة .. اجيب عوازل الصوت والحرارة منين؟؟

عوازل الصوت والحرارة

عوازل الصوت و الحراره

طريقة حسابية رائعة و سريعة جرب بنفسك

عوازل الصوت القيها فين؟

الكلمات الدلالية لهذا الموضوع

المفضلات

المفضلات

ضوابط المشاركة