اقتباس المشاركة الأصلية كتبت بواسطة adhamhossam مشاهدة المشاركة
بص ياباشا العربية لما بتبقي عالفابريقة بتبقي كل حاجة راكبة تمام لكن بعد ما تفك و تغير و بالذات شغل السمكرة و الدوكو طبيعي إن مفيش اي حاجة بترجع لأصلها بالذات تركيب الحاجات مرة اخري و انا من طبعي أكتر إتنين صانايعية بكرههم في حياتي هما السمكري و البوهيجي ما باطيقهم نهائي و ربنا ما يحوجنا ليهم
المهم انت تفك عادي الفرش بتاع الأرضية و تعمل عازل الحرارة إللي هو عبارة عن فوم أبو وش سيلفر ممكن تعمله في الأرضية كلها و شامل الصدر إللي تحت التابلوه و ممكن تفك التابلوه و طبعا دة هيحتاج كهربائي ماينفعش لوحدك لأن في أسلاك لو فكتها ممكن تيجي تركبها غلط و لا حاجة لأن برده فك التابلوه مش سهل
و برده دي حاجة ترجع ليك زي مانت عايز
بس انا رايي لو التابلوه متركب كويس و مفيش فيه أي صوت رجه مع المطبات أو لخلخة يبقي بلاش تفكه
بعد ما تعمل الفوم بتاع الحرارة تحط اللباد و بعد كدة الأرضية سواء الموكيت أو الجلد زي ما تحب
بالنسبة لموضوع الأجازة ربنا يسهل ممكن أساعدك فيها مع إني مش محترف في أي عربية تانية غير عربيتي ( يعني أنا تخصص 127 ههههههه ) بس عادي نتعلم برده






بالنسبة لموضوع انك تحط عازل عند الموتور مفيش مشكلة ممكن بس اللباد لاء ماينفعش عند الموتور
كبعا هيه فتحه التكييف إللي مشكلة لازم تسدها طالما معندكش تكييف أو علي الأقل تبقي معزولة خالص عن صالون العربية

بجد شكرا ليك جدا لردك واسف للتاخبر بس كان عندي ظروف...المهم تمام كده مش لازم نفك التابلوه يبقي في الاجازه ان شاء الله هبتدي اشتغل ولو عزت حاجه هكلمك ان شاء الله وجزاك الله كل خير