| تسجيل عضوية جديدة | استرجاع كلمة المرور ؟
Follow us on Twitter Follow us on Facebook Watch us on YouTube
صفحة 3 من 3 الأولىالأولى 1 2 3
النتائج 21 إلى 28 من 28

  1. #21

    الصورة الرمزية windofchange

    رقم العضوية : 22731

    تاريخ التسجيل : 20Oct2008

    المشاركات : 3,291

    النوع : ذكر

    الاقامة : القاهرة

    السيارة: الحمدلله حمداطيبا كثيرا مباركا فيه

    السيارة[2]: Seat IBIZA 99 6K 1.6

    دراجة بخارية: لا

    الحالة : windofchange غير متواجد حالياً

    افتراضي -

    hasad">

    بن خالي اشتري زاستافا 1100 ب5000 جنيه زي ال128 بس شنطتها هاتشباك وواسعة زي بتاعت ال128 هو بيقوللي اوسع من بتاعت ال128 جابها بس مشكلتها فالشاسيه كان في شغل لحامات ورا وادام بس شغاله وبتعدي ال100 عادي وموتورها 55 حصان حلو وشغال يعني

    " اللهم إنا نجعلك في نحورهم ، ونعوذ بك اللهم من شرورهم "


  2. #22

    الصورة الرمزية 133 lover

    رقم العضوية : 133575

    تاريخ التسجيل : 16Jan2013

    المشاركات : 55

    النوع : ذكر

    الاقامة : مصر

    السيارة: سيات

    السيارة[2]: سيات

    الحالة : 133 lover غير متواجد حالياً

    Exclamation -

    بعد قراءة كافة التعليقات و بعد قراءة كل الحلول الممكنة لهذه السيارة و انا الحمد لله أحد ملاكها فلى شهادة أريد ان اسجلها أمانة فى رقبتى طب و الله العظيم و الله العظيم السيات 133 من أجمل السيارات هى بس المشكلة انك لو بتشتريها و شايف حالتها واقعة قوى أوعى تشتريها و لو اللى بيبيعها حيديلك فلوس زيادة عليها . لأنها حتبقى مكلفة جدا فى الحالة دى .
    الأفضل تتبع الأرشادات فى شراء أى سيارة مستعملة ده لو سيادتك عندك الخبرة قوى انك تعاين لوحدك سيارة و تقدر تقف على مدى حالتها و صلاحيتها من عدمه . أما لو سيادتك ما تعرفش يبقى من الأفضل انك تسحب فى أيدك بشمهندس ميكانيكا محترم و يكشف لك عليها و يقدر يقولك الحالة شكلها ايه .
    الحاجة التانية : لازم تشوف الأماكن او محلات قطع الغيار الأصلية و هى الحمد لله متوفرة بس ابعد عن الأنتاج المصرى فى قطع الغيار و الأنتاج الصينى لأن الأتنين للأسف نظام مشى حالك على ما تفرج ههههه .
    يبقى قطع الغيار اما انها تكون أيطالى أو بولندى أو تركى .
    فيه مشكلة كنت عايز أناقشها معاكم و هى موضوع السخونة اللى وجدت الأكثرية هنا بتشتكى منها . هذه السيارة بالذات مش سيارة ثلث نقل و لا ثمن نقل ولا ميكروباص و توك توك . و كمان مش سيارة سباق . و مش عايز اقول انها للأسف بتاخد كل مطب او مقب و ما أكثرها فى بلدنا الجميلة و الصدمة ترن فى صاجها ياوعدى عليه .
    و غتاتة بعض الناس الهايفة اللى كانت تستمنى تشتريها ايام ما كانت فى سنة 1981 تباع بسعر 2900 أو 3100 جنيه تقوم الناس دى تستهزأ بيك و بالعربية و تقول لك ابعد ياض باللعبة اللى انت راكبها .
    و تسمع سواق تاكسى يقولك أجرى بعيد بالتوك توك ده .
    وو احد تانى يقولك أركبها و امشى بيها فوق الرصيف .
    وواحد آخر يقولك اعملها ميدالية و حطها فى سلسلة المفاتيح .
    وواحدة ست تقولك أجرى بعيد بصفيحة الزبالة اللى أنت راكبها مع انى و الله صاين هذه السيارة كأنها أبنتى و تتربى فى عزى ههههههه .
    المهم انا مستحمل كل ده لأنى بأحب هذه السيارة بجد هى سيارة محسودة .
    حتقولولى محسودة ازاى اقولكم .
    لما تركبها و تلاقى واحد سمسار سيارات يقوم يوقفك و يقولك تبيع و يقعد يحسس على جسم السيارة عشان يشوف الدوكو بتاعها شكله ايه و كل ده من غير ما تأذن له ده لو حالتها كويسة و يقوم يقولك قبل ما تقوله انك مش ناوى على بيع أصلا يقولك اشتريها ب 1800 جنيه تقولوا يا سيدى مش بايع يجرى و يتشعلق بيك كما لو كانت هذه السيارة عجبة أو تحفة . و كانه كده بيقولك انا عايزها كعربية حالتها كويسة تغور من وجهك .
    عامة أى سيارة ضريبة ركوبها و قيادتها هى الأعطال و لو كان هناك بعض الأستهتار و الرعونة فى القيادة فمعلش السيارة حتعمل معاك السليمة و اللى مش سليمة و حتبهدلك و تتطير النوم من عينيك .
    أتمنى من كافة السادة الزوار أى مشاركة او تعقيب أو تعليق على مشاركتى هذه .
    محب سيات 133


  3. #23

    الصورة الرمزية mayofzee

    رقم العضوية : 133648

    تاريخ التسجيل : 17Jan2013

    المشاركات : 7

    النوع : ذكر

    الاقامة : alex

    السيارة: no

    السيارة[2]: no

    الحالة : mayofzee غير متواجد حالياً

    افتراضي -

    اقتباس المشاركة الأصلية كتبت بواسطة sab3aawy مشاهدة المشاركة
    امتلكت 4واحدات من هذة السيارة فى حياتى، وتعتبر اكتر ماركة سيارة اشتريتها، الاولى عام 1995 وبعتها اول عام 1997 وكانت افضلهم، الثانية كانت عام 2001 واستمر ت معى عدة شهور وبعتها فى آخر 2001
    الثالثة كانت عام 3003 وبرضه عدة شهور ثم بعتها فى آخر 2003
    الرابعة فى 2005 وبعتها فى 2007
    الأولى كانت ممتازة
    الثانية والثالثة كانوا معقولين وان كانت اعطالهم كثيرة
    الرابعة توبتنى عن انى افكر ان الماركة دى موجودة اصلا على وجه الأرض

    العربية دى ليها ميزات وليها عيوب

    ميزات: ثابته على الأرض ، شاسيهها متين جدا ، صالون مساحته معقولة بالنسبة لحجم السيارة، قطع غيار الموتور متوافرة وبكثرة وكل قطع غيار ال 127 بتركب على موتورها،
    عيوب: السخونة المفرطة التى تقصف عمر المحرك بسرعة، نسب تخفيض الجيربوكس بتخلى العربية متجريش برغم ان موتورها قدرته الحصانية معقولة، الجيربوكس بتاعها اعطالة كثيرة جدا وقطع غياره من الصعب جدا العثور عليها زمفيش فتيس غير بتاعها بيركب عليها، المارش بتاعها بيبوظ بسرعة جدا، كاربراتيرها مشاكله كتير ،مشاكل الفلانشات ، القدم الشديد للسيارة يجعلها عرضة لمشاكل غير متوقعة(احد اصدقائى وقع بيه كرسى السائق وهو ماشى بالعربية ولقى نفسه فى الشارع تحت لعربية بسبب البارومة ، وربنا ستر انه لحق فرمل)

    تعديلات تصلح لها: تركيب موتور 127، تركيب مارش 127، تركيب كاربراتير 127 (مع تعديل بسيط فى كل من الموتور والمارش علشان موتورها بيلف عكس اتجاه موتور ال127)، ميت ألف تعديل لنظام التبريد وكلها بلا فائدة، تعديل نظام جر السيارة الى كبالن

    بمنتهىالامانة ومع كل احترامى وتقديرى للى راكبين هذة السيارة، اللى راكبها اهو عارف بيتعامل معاها ازاى، لكن لو حد بيفكر يشترى يدور على اختيارات اخرى، لأن تكاليف صيانة هذة السيارة مرعبة وقطع غيارها فيما عدا الموتور صعب العثور عليها، انا اخر سيارة سيات جبتها اقسم بالله صرفت عليها فى سنة ونص اكتر من ضعف مجموع اللى صرفته على صيانة صنى 2007 لمدة 3 سنوات +اللى صرفته كورولا 2010 لمدة سنة ونص، (مجموع صانات الصنى +بطارية جافة خلال 3 سنوات 1500 جنيه، مجموع صيانات الكورولا فى سنة ونص +بطارية جافة 1500 جنيه، المجموع 3 آلاف جنيه) العربية السيات 133 انا صرفت عليها 6 آلاف جنيه،عملت لها عمرة موتور(بسبب السخونة)، غيرت الفتيس مرتين، عدلتها كبالن، عدلت نظام التبريد عملته كهرباء وركبت لها مروحة اللادا، ورغم ذلك مافيش مشوار كانت بتكمله للآخر وتتفنن فى ابتكار اعطال لا يمكن تخطر للأنسان على بال ، اول مرة فى حياتى اشوف عربية الأكس بتاعها بيخرج من مكان بياته فىالكوبلن(حصلت معايا فى عربيتين سيات 133)، المارشات دى كانت بتستهلكهم زى البنزين والزيت، كنت كل شهرين او تلاتة اجيب مارش، اول وآخر عربية ااشوفها فى حياتى بدال الدبرياج بتاعها بيفوت فى الأكس بتاعه(حصلت معايا فى عربيتين سيات) ولما الحم البدال فى الأكس بتاعه تقوم الأرضية تضرب تحت منه وآجى ادوس دبرياج ينزل بالأرضية والعربية متفصلش ، ومرة الضفيرة بتاعتها ولعت وانا ماشى فوق كوبرى وكانت لما تخلص كل الأعطال اللى تخطر على بال واللى ما تخطرش فردة كاوتش تضرب ولازم تضرب فوق كوبرى او نفق، يعنى كان العادى بتاعى مع أى عربية انى انزل من البيت ، اروح بيها مشوارى وارجع بيها، مع ال سيات 133 كان العادى انى انزل من البيت ، اخرج بيها، ارجع من غيرها
    هههههههههههههههههههه والله حضرتك فصلتني ضحك على الاعطال اللي بتحصل فالعربية دي خصوصا الحتة بتاعت صاحبك اللي الكرسي وقع بيه دي مع العلم اني كنت ناوي اشتري حتة 133 بدل زل المواصلات بس كدة هفكر تاني


  4. #24

    الصورة الرمزية mman2005

    رقم العضوية : 64527

    تاريخ التسجيل : 08Mar2010

    المشاركات : 17

    النوع : ذكر

    الاقامة : القاهرة

    السيارة: لا يوجد

    السيارة[2]: لا يوجد

    الحالة : mman2005 غير متواجد حالياً

    افتراضي -

    موضوع جميل بس متوقف بقاله فترة يا ريت ينشط تانى أنا بقى ياجماعة حاطط كل فلوسى فى مشروع ومش معايا حاليا إلا 4000 جنيه وقدامى سيات ب 3500 صاحبها بيقول أن حالتها كويسة، أنا عايز عربية مؤقتة سنة ولا إثنين لحد ما ربنا يفرجها ومشوارى مش كثيرة يعنى بروح شغلى وبرجع والمشوار من البيت لشغلى حوالى 12 كيلوا يعنى حوالى نصف ساعة بالعربية، ولو رحت للحاجة الوالدة المشوار بين بيتى للحاجة 4 كيلو.
    والسؤال هنا لخبراء السيات هل العربية السيات تقدر على مشوايرى الصغيرة دى وترحمنى من قرف المواصلات لحد ما ربنا يفرجها خصوصاً أننا داخلين على فصل الصيف والحر والواحد متخوف من السيات، يعنى لو تبريد السيات كويس وفتحت الشنطة بتاعة الموتور علشات التهوية أقدر أروح شغلى وأرجع بالسيات، ولا هتخلينى كل شوية أصرف عليها فلوس على الفاضى.. وشكراً لصحاب الموضوع الجميل.


  5. #25

    الصورة الرمزية abdo7000

    رقم العضوية : 118308

    تاريخ التسجيل : 27Dec2011

    المشاركات : 397

    النوع : ذكر

    الاقامة : المهندسين

    السيارة: فيات

    السيارة[2]: مازدا

    دراجة بخارية: سوزوكي

    الحالة : abdo7000 غير متواجد حالياً

    افتراضي -

    متابع معاكم


  6. #26

    الصورة الرمزية ashraf_sms

    رقم العضوية : 121356

    تاريخ التسجيل : 05Mar2012

    المشاركات : 896

    النوع : ذكر

    الاقامة : الجيزة - فيصل

    السيارة: فيات 128 زستافا

    السيارة[2]: كانت شاهين

    دراجة بخارية: لا لا لا

    الحالة : ashraf_sms غير متواجد حالياً

    افتراضي -

    اقتباس المشاركة الأصلية كتبت بواسطة mman2005 مشاهدة المشاركة
    موضوع جميل بس متوقف بقاله فترة يا ريت ينشط تانى أنا بقى ياجماعة حاطط كل فلوسى فى مشروع ومش معايا حاليا إلا 4000 جنيه وقدامى سيات ب 3500 صاحبها بيقول أن حالتها كويسة، أنا عايز عربية مؤقتة سنة ولا إثنين لحد ما ربنا يفرجها ومشوارى مش كثيرة يعنى بروح شغلى وبرجع والمشوار من البيت لشغلى حوالى 12 كيلوا يعنى حوالى نصف ساعة بالعربية، ولو رحت للحاجة الوالدة المشوار بين بيتى للحاجة 4 كيلو.
    والسؤال هنا لخبراء السيات هل العربية السيات تقدر على مشوايرى الصغيرة دى وترحمنى من قرف المواصلات لحد ما ربنا يفرجها خصوصاً أننا داخلين على فصل الصيف والحر والواحد متخوف من السيات، يعنى لو تبريد السيات كويس وفتحت الشنطة بتاعة الموتور علشات التهوية أقدر أروح شغلى وأرجع بالسيات، ولا هتخلينى كل شوية أصرف عليها فلوس على الفاضى.. وشكراً لصحاب الموضوع الجميل.
    السلام عليكم اخي انت تقريبا بتتكلم عني ههههههههه
    اقصد يعني ان ظروفي زي ظروفك بالظبط انا كان معايا شاهين وبعتها
    وبفكر دلوقتي اجيب سيات ومعييش غير 4000 جنيه برده وتعبت جدا من المواصلات والقرف بتاعها خصوصا اني كان معايا عربية وواخد عليها
    بس ناس كتير اوي مخوفاني منها ومش عارف اعمل ايه
    خايف برده اجيبها تكرهني ف العربيات كلها ياريت لو حد ليه عندي حل كويس يقولي

    [shfaf2]http://modgym.files.wordpress.com/2008/04/fiat-tipo-tuning2.jpg[/shfaf2]


  7. #27

    الصورة الرمزية samehvan

    رقم العضوية : 172534

    تاريخ التسجيل : 01Mar2015

    المشاركات : 1

    النوع : ذكر

    الاقامة : بنها-مصر

    السيارة: لا يوجد

    السيارة[2]: سيات 133

    الحالة : samehvan غير متواجد حالياً

    افتراضي -

    الموضوع قديم بس حبيت اقول إنها عربية مظلومة
    السيات زي أي عربية تانية ، إهمالها يدمرها ورعايتها يخليها عروسة
    انا لسه شاريها من كام شهر
    أول ما جبتها قلت حاجة رخيصة أتعلم فيها القيادة والميكانيكا ، وأهو لو إتخبطت ولا حصل حاجة مزعلش عليها
    بس والله بزعل لو الكاوتش إتخرم ولا او حتى المرايات فوتت
    فعلا عربية محبوبة جدا لكل اللي بيشتريها

    موضوع الحرارة أنا كنت قلقان منه جدا بس للأمانة العربية مبتسخنش إلا لمشكلة في أي حاجة تانية غير إنه عيب أصيل فيها
    يعني لما حرارتها كانت عليت أول مرة كانت في بدايات شهر 5 قلت ده الطبيعي وهتبدأ تخنقني بس لاحظت إني لما غيرت الأبلاتين علشان كان مقفول والميكانيكي ظبط حساس البنزين وبك الهواء السخونية راحت وبقت زي الفل
    تاني مرة ألاحظ الحرارة الشديدة اللي تخلى العربية تفصل كانت من كام يوم يعني في أول شهر ستة كده
    وطبعا أنا لسه جديد في العربيات ومش فاهم قوي المفروض أعمل إيه وأنظف إيه والكلام ده بس لاحظت كمية كبيرة من الأتربة على فتحة الكربراتير وحوالين صواميل سلك البنزين لما نظفتهم كويس العربية بقت تمام ومفيش حرارة

    مع العلم إن شغلي يبعد حوالي 18 كيلو عن سكنى الحالي وكل أسبوع بروح بيها البلد مشوار حوالي 35 كيلو رايح و 35 كيلو راجع
    العيوب الوحيدة اللى أنا شايفها في العربية دي إنها محتاجه متابعة بإستمرار
    ولو أي حاجة عطلت فيها او إتربت العربية زي ما يكون بتتبرجل وتخبط عطل في أي حتة


  8. #28

    الصورة الرمزية Abo_Mazen

    رقم العضوية : 103297

    تاريخ التسجيل : 12Jun2011

    المشاركات : 4,030

    النوع : ذكر

    الاقامة : Alexandria

    السيارة: 2008 suzuki alto

    السيارة[2]: fiat 128

    الحالة : Abo_Mazen غير متواجد حالياً

    افتراضي -

    hasad">

    أنا شايف إن أحسن حل للعربية دي إنك تشتري خمس ست عربيات منها ..عشان لو واحده عطلت تقضي مشاويرك بالتانيه على الأولى ما تتصلح أو ممكن تركنها شوية ..يعني أنا لاحظت إن متوسط سعرها تقريبا 4000 تلاف جنيه ..يعني أنا ممكن بأربعين الف أجيب عشر عربيات ..أركب بقى واحد ورا التانيه ..أهو أخف شوية التحميل بدل ما أقعد أركب في عربية واحده كل يوم ..

    --------

    m_m_sh_a سابقا



 
صفحة 3 من 3 الأولىالأولى 1 2 3

المواضيع المتشابهه

  1. كل سنه و انتوا طيبين يا نمور كيا .
    بواسطة moha4tec في المنتدى كـــــيا
    مشاركات: 21
    آخر مشاركة: 29-10-2012, 01:29 PM
  2. لو انتوا مكاني هتعملوا ايه ؟
    بواسطة Ramyhamdy في المنتدى المنتــــــدى العـــــــــــام للسيــارات
    مشاركات: 39
    آخر مشاركة: 11-02-2012, 11:46 AM
  3. كل ثورة و انتوا طيبين
    بواسطة som3aa في المنتدى المنتــــــدى الاجتمــاعى
    مشاركات: 43
    آخر مشاركة: 19-05-2011, 12:10 AM
  4. يا مرسيدساويه ....انتوا فين ؟!!
    بواسطة OmaR_FekrY في المنتدى مــــرسيدس
    مشاركات: 12
    آخر مشاركة: 21-04-2011, 07:50 PM

الكلمات الدلالية لهذا الموضوع

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

Content Relevant URLs by vBSEO 3.6.0 PL2