الشعب يريد اسقاط المشير
المشير ومبارك ايد واحدة
عصام شرف خان الأمانة
دي الشعارات الجديد اللى سمعتها النهاردة في ميدان التحرير .
لفت نظري ان فيه 4 منصات في الميدان وكل واحد عايز يتكلم بيتكلم
اصدقائي جالهم حالة استياء مكملناش ربع ساعة ومشينا.
عرض للطباعة
الشعب يريد اسقاط المشير
المشير ومبارك ايد واحدة
عصام شرف خان الأمانة
دي الشعارات الجديد اللى سمعتها النهاردة في ميدان التحرير .
لفت نظري ان فيه 4 منصات في الميدان وكل واحد عايز يتكلم بيتكلم
اصدقائي جالهم حالة استياء مكملناش ربع ساعة ومشينا.
اول شعارين مش غلط اوي ....واتناقشنا امبارح
بس مش وقته خالص خالص خالص للصبح
التالت ده استهبال و عاطفيه .......
بص انا ممكن اجيب مايك ب 100 جنيه و امشي اطلب سندوتش فول
محدش هيكلمني في الميدان .......
انزل الميدان اقف بدون هتافات ما عدا اللي يعجبك او تلاقيه هو ده المطلب الشعبي فعلا
هو ده مش بس اللى ضايقنا كان فيه يفط يتطالب بوجود دستور جديد للبلاد ومجلس رئاسي ولا كأن فيه استفتاء نزيه حصل.
الشاهد ان بقي فيه نظام املائات علي الناس تعمل ايه ومتعملش ايه والوحدة بتاعت ايام الثورة معدتش موجودة زي الأول والتفرق هو المظهر السائد في الميدان.
كان بيتقال شعارات كتير والمشير مكانش سبب المظاهره اصلا... وان كان زى ما شيتوس ذكر الموضوع فى ان برضه ...
حصل ايجابيات كتير وحضرتك ناقل سلبيات بس ليه ...ممكن حد يقولك الاخوان والسلفيين لم يشتركوا النهارده وهتسمع اسباب كتير نتيجه عدم مشاركتهم صدقنى....
اتمنى الى يحب بنقل ينقلنا الصوره كامله ايجابيات وسلبيات مش كلام معين يظلم بيه حد..والكلام عام وليس شخصى للاستاذ محمد صاحب الموضوع
نظرية استخدام نفس تكتيك الهجوم لقلب المائدة. كيف سقط المخلوع .عن طريق المظاهرات. إلي ماذا تهدف المظاهرات. إلي الحرية. هل الحرية قاصرة علي شخص ما أم انها متاحة للجميع. متاحة للجميع إذا كل شخص حر في شعاراته. أنت تتظاهر ضد مبارك إذا لا يجوز لك ان تمنعني من التظاهر لأجل مبارك. (هذا ماحدث عند مسجد مصطفي محمود ). المظاهرات الفئوية . أخيرا محاولة تقسيم المظاهرة الواحدة عن طريق تنوع الشعارات المستفرة والأعمال المخربة وذلك لاثارة الرأي العام وهو القوة الداعمة للثوار ضد المتظاهرين.
بص يا فندم ... فعلا في ناس طالبت بمجلس رئاسي ودستور جديد ... ورغم اني قلت "لا" للتعديلات الدستورية لكني كنت مستاء جداً من الطلبات دي ... لأن الشعب اختار وخلاص ... حتى لو اختلفت مع اختيار الأغلبية لكن كان في آلية لأخذ الآراء والشعب اختار ... ماينفعش اعمل مظاهرة اطالب بعكس ما اختارة الشعب.
المظاهرات وظيفتها ابداء الرأي (الذي غالبا يعتبره المتظاهرين هو رأي الأغلبية) في حالة وجود آليات رسمية لفرض الرأي أو ابداءه مثل الاستفتاءات والانتخابات. يعني مش هيعملوا استفتاء عشان يحاكموا الثلاثي (صفوت - زكريا - سرور) ... والمتظاهرين عندهم قناعة ان أغلبية الشعب عايز الثلاثي يتحاسب.
بالنسبة للمنصات فهي كانت فعلاً فوضى والمتحدثين كانوا سيئين.
واحد طلع على المنصة يقول لا اخوان ولا ائتلاف ولا لمن ترك الميدان لمكاسب سياسية!
"هم لا يمثلوا الثورة ولا يجب ان يتحدثوا باسمنا ... احنا اللي نتكلم" ... طيب مين سعادتك برضو عشان تتكلم؟!
قمة في الغباء ... اتطلع على المنصة وماتتكلمش عن خصومات سياسية وماتهجمش حد غير قوى النظام البائد.
اطلب طلبات مفهاش خلاف.
اطلب محاكمة مبارك وجمال وزكريا وصفوت وسرور وسليمان ... الخ
اطلب حل الحزب الوطني.
اطلب حل المجالس المحلية
اطلب اقالة المحافظين
اطلب تطهير الاعلام
اطلب استردا الأموال.
وحد الصف مش تفرقه.
متحدثين المنصة المفروض يمثلوا النخب ... والنخب تركت الميدان.
فتحدث من لا يجيد فن الخطابة ولا يعرف كيف يوحد الصفوف.
ده يعيب النخبة التي تركت الميدان ولا يعيب الآلاف من الجماهير التي مازات واعية وتطالب بسرعة محاسبة الفاسدين
عمال أفكر ... اذا الاخوان كانوا منظمين منصة كان الوضع بقى ايه ... كانت المنصة بقت منظمة والخطاب الموجة منها مختلف تماما ... لكن للاسف الاخوان انسحبوا
طيب شباب الائتلاف اللي دعوا للمظاهرة ... ليه منظموش منصة برضو بخطاب موحد ومنظم؟
ربنا يسترها
و المطالب تبقة فى اللذيد و متبهوقش منهم
الاعتدال يا جماعة
مشاهدات خاصة :
غير ملحوظ وجود امنى بالميدان ..... فقط تواجد رمزى أمام بوابة المتحف المصرى
نفس الوجوه المتطلعه للحريه والعداله ... وتتمنى غد أفضل.
هتافات ولافتات متفرقه تعبر عن رؤية اصحابها وتهم آخرين .
لافته كبيره بعنوان ( جامعة حره ) يسير خلفها مجموعة من البنات محاطين بزملائهم الشباب بشكل مريح للنظر .
وفود وجماعات وأسر وأفراد متتاليه تدخل الى الميدان من كل اتجاه .
قوائم من المطالبات مختلفة العبارات ولكن بنفس المضمون .
منصات متعدده و المطالب والهتافات شبه واحده فى مضمونها .
مجموعة ملتفة حول ( حمدين صباحى ) و أخرى تتحدث مع ( لواء جيش ).
من الطرائف : قدوم مجموعة 20 - 30 شخص ( غير مؤكد هويتهم سواء ليبيين أو مصريين ) داخلين للميدان من عند المتحف يحملون رايات خضراء ويهتفون بالتأييد للقذافى .
قذفهم السكان الأصليين لميدان التحرير بالهتافات المضاده للعقيد و بالحريه لليبيا ....... دقائق معدودة ثم تقهقروا ( مهرولين ) باتجاه ميدان عبد المنعم رياض ثم تبخروا واختفت الرايات الخضراء.
لا حول ولا قوة الا بالله
لما قلت ان اشتراك الاخوان هو فعلا اللى ممكن يقلبها مليونية وان عدم مشاركة الاخوان سيجعلها هزيلة الناس هاجمتني وفيه ناس رفضت الاعتراف بضعف القدارات التنظيمية لكل المتواجدين على الساحة حاليا باستثناء الاخوان والسلفيين والكنيسة
نتموذج اخر لديكتاتورية الاقلية التي تريد فرض رايها على الجميع
دول طلبة كلية اعلام لانهم اعلنوا من قبل مشاركتهم في المليونية وموضوعهم سبق شرحه كثيرا هنا وهم اقلية في الكلية لكن يرغبون في فرض رغبتهم على الاغلبية تماما كما يعتبر البعض ان من ينزلون التحرير الان هم الكتلة الفاعلة والواعية وانهم يمثلون راي الاغلبية وحين يكون راي الاغلبية مفاجئا لهم وعكس رغباتهم يبداون في كيل الاتهامات للاغلبية
هل اكثر من نص مليون متظاهر تسميها هزيلة رغم حرب الشائعات قبلها
هذه المظاهرة اكبر دليل ان الاخوان سيظلون تابعين لشباب الثورة وانهم اخطأوا خطأ استراتيجي كعادتهم في الانفصال عن الشعب
انا مش عايز اقلبها حرب اعداد
بس من المستحيل ان يحشد الاخوان 20% من هذا العدد اصلا
اقول هذا والله وانا حزين على سياسة الاخوان لاني واحد من الناس ما صدقت الاخوان ينضموا للشعب ايام ثورة يناير وقلت خلاص عهد جديد للاخوان يبدأ بعد القهر اللي شافوة ولكن للاسف في اول مفترق طرق ذهبوا لوحدهم بعيدا
دكتور محمد
هل تفاجئت ؟
http://1.1.1.3/bmi/www.aljazeera.net...51732_1_34.jpg
أنا شخصياً مختلف مع اللي ردوا على حضرتك بالكلام ده. فعلا الاخوان عندهم اكبر قدرة تنظيمية (ومؤخراً السلفيين) وده يجب الاعتراف به واحترامه. وفعلاً كانت هتقلب مليونية لو الاخوان تبنوا الدعوة للمظاهرة. يلام على قيادات الاخوان انصرافهم عن المطالب العامة. وبلام على أعضاء الجماعة عدم مشاركتهم كأفراد ... مش لازم يبقى في موقف رسمي للجماعة عشان انضم شخصياً لمظاهرة مطالبها يكاد يكون متفق عليها.
لسة واخد بالي من كلمة "هزيلة" ... لأ يا دكتور هي مش مظاهرة هزيلة ... دي مظاهرة كبيرة وكان ممكن تبقى أضخم لو الاخوان شاركوا.
مش قوي كده يا دكتور ... دي مجرد يافطة مكتوب عليها جامعة حرة ... يعني ماقلوش اقالة فلان أو علان ... ومش بالضرورة يكونوا طلبة اعلام.اقتباس:
نتموذج اخر لديكتاتورية الاقلية التي تريد فرض رايها على الجميع
دول طلبة كلية اعلام لانهم اعلنوا من قبل مشاركتهم في المليونية وموضوعهم سبق شرحه كثيرا هنا وهم اقلية في الكلية لكن يرغبون في فرض رغبتهم على الاغلبية تماما كما يعتبر البعض ان من ينزلون التحرير الان هم الكتلة الفاعلة والواعية وانهم يمثلون راي الاغلبية وحين يكون راي الاغلبية مفاجئا لهم وعكس رغباتهم يبداون في كيل الاتهامات للاغلبية
بصراحة اه
لان رقم اكثر من نصف مليون لم اعرفه الا الان
طبعا منزلتش لان عندي شغل ولاني مش موافق على المظاهرة
ولما رجعت من شغلي شفت البي بي سي وهي على كلامكم وكلام الاغلبية من اكثر القنوات حيادية التقرير بتاعها بيقول الالاف
لما انت قلت اكثر من نص مليون دورت في مصراوي واليوم السابع والمصريون لم اجد اي ذكر لرقم النصف مليون اكبر رقم فيها كان 80 الف او عشرات الالاف لكن مائة الف دي مقريتهاش
وكلامك عن ان الاخوان سيظلون تابعين لشباب الثورة غير صحيح بالمرة
اما انهم اخطاوا خطا استراتيجي في الانفصال عن الشعب فمش عارف والله مين اللى منفصل عن الشعب ومش عايزين نتكلم في حاجات فاتت المهم الجاي والشعب هو اللى يقول من الاقرب له
وكلامك بردو عن ان من المستحيل ان يحشد الاخوان 20% من هذه الاعداد اللى المفروض على كلامك انت فقط نصف مليون يعني الاخوان غير قادرين على حشد 100 الف اعتقد انه استمرار لعدم تقدير الاخوان التقدير الحقيقي واسوا شئ الا تعرف القدرات الحقيقية لخصمك فتستهين به وتفاجا كما حدث من قبل
لا لا لا يا طائر السماء ... مع اني ثورجي زيك حتى النخاخ لكن اختلف معاك في نقتطين
أولا: العدد ... ماكنش العدد نص مليون ... في تقديري العدد كان 200 ألف مع الأخذ في الاعتبار ان تقديري للميدان وهو مكتظ عن آخرة هو 600 ألف فقط.
ثانيا: الاخوان عندهم قدرة على حشد قد العدد اللي كان موجود النهاردة وبالتالي مضاعفة عدد الموجودين في المظاهرة
بس في النهاية المظاهرة ناجحة جداً مع الوضع في الاعتبار ان أغلبية الشعب عاد لسلبيته ومع عدم تبني الاخوان ولا النخب للمظاهرة.
http://yfrog.com/h38a3sbj
دول مش 80 ألف ... مع العلم ان في منصة على اليميم مش واضحة في الصورة (قدام كنتاكي) فيه قدامها تجمهر (ولو انه أقل من التجمهر على الشمل قدام هارديز).
الجو كان حر جداً وطول اليوم كان في أعداد بتخرج وأعداد مقابلها بتتدخل الميدان.
اللي خدم في الجيش يعرف المشير كويس راجل.................. ولا بلاش
للاسف طول ما هو في الصورة انا مش مطمن
عجبنى قوى الراى الى بيقول ان عشان الاخوان مشركوش بقى العدد شوية الاف بس و كأن الاخوان فقط هما اصحاب الملايين
حاجة بتفكرنى بكلام التلفزيون اثثناء الثورة الللى بيقولك على المتظاهرين فى التحرير دول لا يمثلو الشعب
الفكرة ان الاخوان خلاص باعو القضية و قلقنين من العدد الهائل بتاع امبارح انا شخصيا لا استبعد يبعتو ناس تضرب المتظاهرين الجمعة القادمة و يظهرو بقى على حقيقتهم
الحمد للة ان فى قيادات بدائت تنسحب من الجماعة و كلة حيتكشف قريبا
كلامك صح , ليه أتفرقوا
أكبر عدد تجمع فى وقت واحد كان فى ميدان التحرير 85 - 90 ألف شخص , فى جهات أجهزتها بتعرف تحسب كويس
ده رقم صحيح ومش مهم أقول مصدره ولو مش مصدقه أعتبرهم مليون
أنت قلت فى مفترق طرق ذهب الأخوان لوحدهم
مين قال أن اللى راح شمال صح واللى راح يمين غلط
الأخوان لو عايزين يجمعوا مليون فى 24 ساعه هيعملوها
كل المخالف لرأى الأغلبيه يبقى باع القضيه , ظلمناك يا عمر سليمان لما أتكلمت عن الديمقراطيه
العدد الهائل بتاع أمبارح ..... برضه لو مش مصدق أعتبرهم مليون
هو الاخوان بقو اغلبية دلوقتى ..انت قررت كدة من نفسك حتى قبل انتخابات مجلس الشعب و الشورى ..دى حاجة ظريفة خالص امال فى الانتخابات بجد ناويين يعملو اية ..
و بعدين مين قال ان المظاهرة لازم تمثل الاغلبية ..المظاهرة كانت تمثل المطالبين بمطالب محددة وكلها مطالب شعبية
يترى الاخوان مش عجبهم المطالب ولا مش عجبهم انهم مش طرف اساسى فيها ..
على فكرة المنصة كانت تنظمها جيد جدا ,, و فى ناس من النخبة اتكلمو زى الاستاذ محمد عبد القدوس مثلا
و كمان مش ضرورى النخبة بس هى اللى تتكلم بس ..اى حد عندة راى مع مطالب الثورة و محب ليها يتكلم براحة .
بافتراض صحة كلامك فالاخوان مثل اي جماعة او حزب يحدث فيه انقسامات وتخرج منه جماعات ولو راجعت التاريخ ستجد ان الكثير من الجماعات خرجت من تحت عباءة الاخوان ولم يؤثر ذلك في قدرة الاخوان التنظيمية او تواجدهم الشعبي
ويكفيهم ان اقل فصيل خرج منهم اكبر من اي تيار معارض لهم
يا ريتهم اغلبية يا استاذ عادل المشكلة انهم اقلية وعايزين يفرضوا رايهم على الاغلبية
ومين قال اننا ظلمنا عمر سليمان في هذه الجزئية الكثيرين ايدوه بعدها والبعض وضع عبارته في توقيعه الشخصي فعلا هو عارف اكتر في الجزئية دي
أولا :-الناس مش عايزه تفهم ان ميدان التحرير حاليا أصبح مزار للشعب المصري يعني فيه عدد كبير من الناس اللي بتروح دي عايزه تروح الميدان تتفرج وتقزقز لب وتقضي يوم جميل وشكرا علي كده ولا في دماغها مطالب ولا غيره
ثانيا ياريت اللي بيهاجم الاخوان او غيرهم من الاسلاميين لو عنده دليل يسيء لهم او ضدهم يقلنا عشان نبقي علي نور لأن الأيام دي مهمة جدا في تحديد مصير مصر ولذلك لابد من معرفة كل شيء علي حقيقته حتي لا ننخدع في أحد ولكن تكون معلومات صحيحة ومقنعه
وشكرا
و دة يزعلك فى اية لما البلد كلها تبقى مفكرين هو حد يتمنى اجمل من كدة ..وتفرق فى اية هو مين و بيفكر ازى ..ما يفكر زى ما هو عاوز و يقول اللى هو عاوزة ...ولا عاوز نعمل زى الحزب السابق نعمل ملف لكل واحد فى امن الدولة و نراقب بيقول اية و بيتكلم مع مين عن مين و دولة بوليسية الكل مراقب فيها و محدد اقامتة بشكل غير مباشر
اظن انت بتتكلم اهة فى المنتدى اكبر من المنصة اللى فى التحرير و احنا منعرفش انت مين ولا بتفكر ازى و رغم ذلك بنسمعك عادى و بنرد عليك لما يلزم الامر ..
مش فاهم اية المشكلة ان كل واحد يعبر عن راية فى المنصة او فى اى حتة ..ولا هى حرية الراى مباحة لبعض الناس فقط و غيريهم لأ ..اية المنطق العجيب دة ..
اظن يعنى اللى بيتكلم على المنصة بيكلم ناس عندها عقول و ادمغة و تقدر تستوعب كل الكلام وتفرق بين الصح و الغلط و مش محتاجة واصى عليها و على عقولها و على تفكيرها من احد ..
..الكلام دة كان فى العهد البائد و كل دة حيتغير بالتدريج و الناس مع الوقت حتستوعب يعنى اية حرية الراى و حرية التعبير و ان كل واحد يعبر بطريقة بدون وصاية من احد مادام لا يخرج عن القوانين او يحرض على اعمال متنافية مع الاخلاق والاداب العامة
..هى فترة انتقالية كام سنة كدة و تخرج الناس من القومقوم بتاع الحزب السابق و تتنفس هواء الحرية و يفهمو معنها فعلا و يمرسوها على الارض فى التحرير و فى الصحافة و فى القنوات و فى كل منبر متاح ..
انا متفهم تخوف البعض من حرية الراى و حرية الفكر لانهم عاشو سنوات من القمع والكبت للراى على يد النظام البائد ..
دى الحقيقه
يعنى قول اللى مش ناوى التظاهر يمشى هتلاقى الواقفين ما يكملوش كام ألف ( أقل من العشره )
زى أيام مظاهرات بنحبك ونموت فيك بتاعت ميدان مصطفى محمود اللى عاملين الهيصه حوالى 50 - 60 واحد ومئات واقفين يتفرجوا
سؤال عادى
هو البرادعى كان فى التحرير أمبارح
ومشى الساعه كام
دى معلومه خاصه بى ومالهاش دعوه بمؤيدى ورافضى البرادعى
ايوة كنت امبارح موجود بعد صلاة الجمعة على طول ..و بقولك الاستاذ محمد عبد القدوس اتكلم ,و لا دة مش من النخبة فى رايك...عموما براحتك كل واحد عندة النخبة الخاصية بية ..
و انا محضرتش وجود البرادعى و لا اعلم اذا كان حضر ولا .و بعدين كل واحد راح الميدان فى توقيت مختلف و فى مكان مختلف ..وارد يكون فى منصات اخرى لم اراها و راها غيرى ..هذا لا يتناقض مع راى الى راح فى توقت مختلف او شاف عدم تنظيم فى وقت من الاوقات او شاف ناس تانية بتتكلم..
اكيد يعنى انا مش موجود فى الميدان من 9 صباح ل 5 مساء و مش موجود فى كل مكان فى الميدان فى نفس التوقيت عشان احضر و اشوف كل حاجة بتحصل فية ..
على فكرة اللى كان بينظم المنصة الكبيرة عند هارديز هو نفسة منظم الجمعات السابقة مش فاكر اسمة بس كان بيتشغل فى قناة الجزيرة ..دة بقى علامة ممزية للثورة
ربنا يحفظ مصر
و يبعد عننا التفرق
شوية تعليقات
1) الإخوان و السلفيين مش هما بس إلي قالو نعم ناس كتير من الشعب المصري قالو نعم و أعرف مسحيين قالوا نعم
2) 77 % دي كانت نتيجة الإستفتاء على التعديلات الدستورية ....... دة معناه إن الأغلبية موافقة على التعديلات الدستورية فقط لاغير ...... مش عشان إنت قلت نعم يبقى رأيك بعد كدة على طول الخط ...... هو دة رأي الأغلبية ...... فيه ناس كتير من اصدقائي و أهلي و زمايلي قالوا نعم و نزله المظاهرة
3) أنا موافق على إن الاخوان عندهم قدرات تنظيمية متميزة ...... بس أسف جداً الاخوان لو عايزين يعملوا مليونية fee 24 ساعة ...... دي مبالغة جداً ...... لو كانوا يعرفوا يجمعوا الملايين من قبل الثورة كانوا عملوها
4) المظاهرة مكنتش التحرير بس ...... في مدن كتير في مصر انطلقت منها المظاهرات ....... الأعداد في اسكندرية هنا كانت كبيرة فعلاً
5) المظاهرة دي ولا كانت من أنصار البرادعي بس ولا أنصار عمرو موسى بس ....... في جمع إبراهيم كان فيه سلفيين و كان فيه اخوان و كان فيه شباب و كان في منقبات ...... كان فيه كل أطياف المجتمع
6) احنا ليه فاصلين مابين ائتلاف شباب الثورة و الاخوان ....... إلي أعرفه و متأكد منو ...... إن الاخوان ممثلين في الائتلاف و خرج منهم ناس كتير امبارح و شباب ذي الفل ....... للأسف قيادة الاخوان بردو لسه بتلعب اللعبة اياها ....... مصدرة الشباب في وش المدفع ....... و مستخبية
قريب قوى هنلاقى يفط مكتوب عليها الشعب يريد رحيل الشعب لانه كانمع مبارك ايد واحدة لمدة 30 سنة
الله ينور يا هوبيكو ..اتفق معاك تمام
فى نقطة الاخيرة بس انا كنت فاهم زيك كدة ان الاخوان حاجة واحدة .انما على ارض الواقع جماعة الاخوان لم تشارك امس و دى بتمثل الجماعة الاصلية التى تدعى ان عندها القدرات الخارقة على حشد الناس .
انما الاخون اللى شاركو امس هما شباب الاخوان وليسو ممثلين للجماعة و تقريبا مختلفين فى افكراهم عن الجماعة الاصلية و هؤلاء الشباب مع الثورة من اليوم الاول ..و قريبا يمكن يعملو حزب اخر منفصل تمام عن الجماعة و دة ضد رغبة القيادات فى الجماعة الام اللى عاوزة حزب واحد فقط هو اللى يمثلها
..عشان كدة الجماعة ترفض اى احزاب اخرى تخرج من رحم الاخوان او من اعضاء سابقين فى الجماعة غير الحزب الخاص بيها ...يرفضون تمام من يقوم بالانفصال عنهم و يعتبرونة معادى لهم ..لية بقى عشان انفصال احد القيادات حيجزب معاة عدد من الاخوان المؤييد لة و كدة تفقد الجماعة جزء من القوة التصويتية لها فى الانتخابات و بالتالى احلامهم فى الوصول لمجلس الشعب او غيرها تكون مهددة ..
و عندك مثال حزب الوسط اللى احد قياداتة عصام سلطان كان من الجماعة سابقا و لكن انفصل عنها و عمل حزب الوسط ..انقلبت الجماعة علية و مش بس كدة دى تعاونت كمان مع الحزب السابق لمنع اقامة الحزب كلة ..
شوف المقطع دة عشان تفهم الجماعة ازى بتتعامل مع اعضائها السابقين ...طبعا الحوار دة قبل الثورة ..و هناك تنبء باحدث الثورة كمان
[youtube]http://www.youtube.com/watch?v=j4o6riStX04[/youtube]
شكراً يا باشا ...... بس هي دي الحقيقة ....... أنا كل ما شوف مواقفهم افتكر كلام بلال فضل
إذا كانت الجماعة عاجزة عن الحوار مع شبابها الذين أكسبوها وجها مشرقا كان غائبا عنها منذ اشتراكها فى حرب ١٩٤٨ عندما خرجت من عباءة القصر وتحالفت مع القوى الوطنية فى وجه المحتل، فكيف ستكون طريقة حوارها مع المعارضين أو المختلفين أو حتى مع الذين ينتظرون بشغف عرض الجزء الثانى من مسلسل الجماعة؟
على الرغم من ثقتى إن الإخوان بدأو يفقدوا الأن تأييد العامة لهم ... إلى حد كبير ...
واضح إنهم عايزين يوصلوا للسلطة و يسيطروا عليها لوحدهم ..
و يبقى معملناش حاجة .. من حكم فردى دكتاتورى لحكم فردى دكتاتورى .. و هيعملوا أمن دولة تانى .
اخي الكريم الصوره دي اكبر دليل علي لن العدد لم يتجاوز ال80 الف باي حاله من الاحوال
وصدقني انا اعرف عن ما اتحدث
ادخل علي برنامج جوجل ايرث وقم بحساب المساحه التي تظهر امامك وضع في المتر المربع 4 افراد وهو عدد كبير جدا في المتر المربع وستجد ان ما يظهر امامك في الصوره لن يعبر حاجز ال50 الف
بص تعالي نحسبها بالصور والارقام
اجمالي المساحه الظاهره في الصوره حوالي
18354 متر مربع جبتها منين اقولك
بص علي الصوره التاليه
الخط الابيض اللي في النص هو دا المقياس اللي تم التنسيب ليه 70 متر ودي من جوجال ايرث
نحطها علي الاتوكاد ونبدا في تحديد الاماكن الي تظهر في الصوره ونحلل بالارقام والمساحات
مع الاخذ في الاعتبار ان الكثفات الظاهره في الصوره لاترقي باي حاله من الاحوال الي كثافه اربعه اشخاص لكل متر مربع
ولكن هنفترض ارقم دا ونضربه في 80 % علي احسن ااحاول لمحاكات ما هو ظاهر
مع الاخذ في الاعتبار ان اعتبرت الميدان اللي في الوسط ممتليء عن اخره وهو امر اخر غير واقعي
انا للاسف مش عارف ارفع الصوره
انا هارفعها علي بالليل انشاء الله
انا كمان فيه حاجات ما عجبتنيش في النص
بس عموما نتمنى ان الحاجات اللي عليها الاتفاق تتحقق
اخوان ايه الى يجمعوا مليون فى 24 ساعه... كأن الاخوان لو لم يشتركوا فى اى حدث يبقى مش نافع...
الاخوان قيادتها من يوم ما اتعملت الجماعه وهما ماشيين بمبدأ مصلحتى فوق كل شىء... فى اعضاء كتير منضمين على اساس انها جماعه اسلاميه لكن فارق كبير بين اعضاء وقيادات كل همها السلطه ومصلحه الجماعه...
فضلوا مصلحتهم على مصلحه البلد عشان يوصلوا للحكم.. والديمقراطيه الى بيدعوها مش قادرين يطبقوها داخل الجماعه اصلا لا فى حوارهم مع الشباب ولا فى مبدأ قول امين للى المرشد يقوله...
الى عايز يقنع نفسه بكلام زى ديمقراطيه الاخوان المبهره والحوا الراقى داخل الجماعه وانهم بيفضلوا مصلحه البلد فوق كل اعتبار هو حر....
يارب ماحد يقولى بس انت بتهاجم الاسلام ولو انها حصلت قبل كدا...
وبالمثل يتفهم الكثيرين حالة الفوضي التي نعيشها التي جعلت كل من يفهم ومن لا يفهم يتكلم في كل شئ ويفتي في كل شئ ويطالب بالحجر على من يريد ويري نفسه الوحيد الذي يفهم
يعني قيادة الاخوان مصدرة الشباب في وش المدفع ومستخبية وفيه ناس كتير من الاخوان كانوا موجودين امبارح كمان ؟؟؟؟؟؟؟؟؟؟؟؟
يعني حتى ال80 الف كما قلتم وهافترض انه رقم صحيح كان فيه الكثير من الاخوان ؟
امال لو الاخوان منعوا شبابهم من المشاركة العدد كان ممكن يوصل لكام ؟؟؟؟؟؟؟؟
وايه الغريب في ده ؟؟؟؟؟
اي حزب او جماعة ينفصل عنها بعض اعضائها تعتبره معادي لها وممكن كمان تدخل معاه في صراعات وعندك حزب الغد اتقسم ما بين ايمن نور ومش فاكر التاني اسمه ايه والوفد بين نعمان جمعة والبدوي والناصري فيه انقسامات والتجمع نفس الشئ وكل المنقسمين بيهاجموا الحزب والحزب بيهاجم المنقسمين
يعني طبيعي بالنسبة لاي حزب او جماعة يبقي فيه انقسامات وغريب بالنسبة للاخوان ؟؟؟؟؟؟؟؟؟
وبلاش كلام عن عصام سلطان علشان مش عايز اخد ذنوب
لو حسابات حضرتك صح يبقى العدد الحقيقى تعدى ال500 الف لسبب بسيط ان معظم الناس بتقعد حوالى ساعه فى الميدان, ولو كنا بنحسب عدد 6 ساعات بس يبقى اجمالى العدد 480 الف , والتظاهر ابتدى من الساعه 11 صباحا الى ما بعد الثامنه مساءا مع مراعاه ان العدد يقل ويكثر مع الوقت فانه من المتوقع ان يتجاوز عدد المشاركين ال500 الف بكثير
وانا اعتبر ان هذا انجاز ضخم حيث انه قد تم ضد رغبه المجلس العسكرى و الحكومه و التيارات الاسلاميه وعلى رأسها الاخوان حتى انه بعض أئممه المساجد طلبوا من المصليين عدم الذهاب.
وبأذن الله تزداد الاعداد فى الجمع القادمه حتى يتم تحقيق مطالب الثوره وياريت يثبت الاخوان على موقفهم وما يشركوش فى المظاهرات القادمه علشان لما العدد يزيد بأذن الله ما يجويش وينسبوا ده ليهم
هو جماعة الاخوان وجهها كان غير مشرق من سنة 48 ؟؟؟؟؟؟؟؟؟
وقوي وطنية ايه اللى كانت موجودة وقتها ؟ الوفد الذي جاء للحكم على دبابات الانجليز سنة 42 ؟ ام باقي الاحزاب ضعيفة الشعبية كالسعديين وغيرهم ؟؟؟؟
غريبة جدا مع ان الجماعة هي الجهة المنظمة الوحيدة الى عانت من الاضطهاد في كل فترات الحكم في الجمهورية الاولي
وواضح ان ناسك كتير كل معلوماتها عن الاخوان مستمدة من مسلسل الجماعة لوحيد حامد
نتكلم جد يا سيفو هو كل الموجودين على الساحة لو ان لديهم القدرة على السيطرة على السلطة وحدهم هايترددوا ؟؟؟؟؟؟؟؟؟؟؟؟؟
هو المعادين للاخوان او السلفيين لو وجدوا لديهم الشعبية والقدرة على التمسك بالحكم بديكتاتورية هايترددوا ويقولوا لا علشان الديمقراطية ؟؟؟؟؟؟؟؟؟؟؟؟؟
يعني هما اللى كل شوية عايزين يعملوا مظاهرة علشان مطالب هم فق المصممين على حدوثها فورا بيفضلوا مصلحة البلد ؟
ولا الى خرجوا بعد الاستفتاء يسفهوا من الاغلبية او بيطالبوا مرة اخري بما رفضته الاغلبية خايفين على مصلحة البلد ؟؟؟؟؟؟؟؟؟؟
مصلحة البلد اصبحت شماعة لكل شخص يضع اهدافه ويقول دي مصلحة البلد
بالحسبة دي يبقي لما كان بيتعمل مليونية ويشارك فيها الاخوان والناس هنا تطلع تقول كان فيه مليون او 2 مليون نقدر نقول ان كان بيشترك فيها 10 مليون مثلا
شفت الفرق بين مشاركة الاخوان او عدم مشاركتهم ؟؟؟؟؟؟؟؟
نوحد طريقة الحساب في الحالتين علشان بردو نعرف الحجم الحقيقي للجميع
ويا ريت الاخوان لا يشاركوا فعلا في الجمع القادمة ويا ريت من يدعون لها يستمروا في الدعوة لها علشان نشوف العدد هايزيد ولا هايقل