الموضوع: جوز كاوتش فى الجون

الحمد لله رب العالمين
بعد مداولات و نقاشات و اجتماعات استمرت اكثر من شهر
توكلت على الله انى اشترى جوز كاوتش و دة بسبب عدم رغبتى فى صرف تعريفة مخرومة على العربية مرة تانية
لكن اخويا الله يكرمة سمعنى كلام لا على البال و لا على الخاطر
و قالى الا الكاوتش
العربية تعطل ممكن تركنها لكن الكاوتش دة مصيبة
توكلت على الله و روحت على بتاع كاوتش جنبنا
الفردة 195/60/14
لقيت نوع تحفة اسمة يوكوهاما يابانى انتاج شهر 7 اللى فات
الفردة ممكن تكمل لحد 60 او 70 الف كم ان شاء الله
طرية فوق الخيال
المهم الفردة تعمل 415 جندى
بعد تقطيع مصارين الفردة عملت 390 جنية
الجوز بـ 780 جنية
بس استبيت المقاس بتاعى لحد 25 يوم لحد ما جت بضاعة
الملاحظ بقة على الفردة انها طرية فوق الوصف
يعنى و انا ماسكها سهل جدا انها تتتنى فى ايدى فعلا كانها زى حتة مطام صافى
على الارض حنينة اوى
فى الملفات كويسة برضوا
و بكرة بمشية الرحمن رايح مشوار 100 كم و اشوف الاخبار اية
و يا مسهل