اقتباس المشاركة الأصلية كتبت بواسطة timtim مشاهدة المشاركة
معلش يا باشا انا نسيت أضيف كلمة (على الأقل) بعد كلمة (اثنتان)
اتفضل يا باشا انت كدا معاك دكتوراه -ما شاء الله-
اقتباس المشاركة الأصلية كتبت بواسطة hussein مشاهدة المشاركة
انت تحكى بقى واحده واحده وبالتفصيل وكماول السطر كمان
وياريت تعمله كمان موضوع منفصل بس فى اسرع مايمكن :oc_sun1[1]:
اقتباس المشاركة الأصلية كتبت بواسطة nonetta مشاهدة المشاركة
يا جماعة حرام عليكم الظلم اللي انتوا فيه دة
يعني كل واحد معاه واحدة وبيدور عالتانية و اللي بيدور عالتالتة كمان
وناسيين ان في غيرهم مش عارفين يلاقوا الاولانية
ارحموا
وبعدين اللي قادر يتجوز واحدة تانية
يا سيدي ما تساهم في تزويج الشباب واهو ينوبك ثواب كمان
أنا جيت يا شباب وهقول حكايتى من الأول للأخر

بسم الله الرحمن الرحيم
الأولى مراتى أم العيال
لقيتها كويسه وبنت حلال ومحترمه فأتقدمتلها وتم المراد وأتجوزنا وعيشنا فتره كويسه مبسوطين والحمد لله
بعد كده قبل ما يعدى سنه تقريبا شفت التانيه وحبيتها لأن لقيتها جميله جدا جدا ورقيقه قوى وشبه الملايكه فعلا , وكنت بحاول أخلص شغلى بسرعه وأروحلها علشان بحس بمتعه كبيره ( بصراحه أكتر من مراتى ) وأنا بحضنها وعلى فكره مكانتش بتعرف تتكلم عربى لكن علمتها لغاية ما بقت ما شاء الله لبلب
بعد حوالى سنتين تقريبا ( من التانيه ) وقعت فى غرام التالته من أول نظره ومن أول همسه لأنى لقيتها زى التانيه بالضبط والصدفه أنها برضه مش بتعرف تتكلم عربى بس أنا كنت خدت خبره شويه من التانيه ( أنا ضعيف شويه فى اللغات ) فكان التفاهم بينا أسهل شويه لغاية ما علمتها العربى الحمد لله
نسيت أقول أن كل واحده فيهم عارفه التانيه ومكنتش متضايقه منها لأن الأولى تعرف ربنا كويس وأن الدين مش بيمنع كده والتانيه والتالته أنا اللى علمتهم على أيدى فزرعت بينهم حبهم لبعض من الأول
وكمان كلهم عايشين فى مكان واحد وبيحبوا بعض وبيحبونى ومفيش بينهم الغيره خالص الحمد لله
وكمان الأولى بتحمل أسمى بالتبعيه والتانيه والتالته أسمى ورا أسمهم على طول ( سبحان الله ) يعنى التلاته بيحملوا أسمى


بس يا جماعه هى دى حكايتى وسبب سعادتى الحمد لله وربنا يديمها عليا نعمه أنى مقتنع أن متعة أى شخص ( سواء كان ذكر أو أنثى على رأى القذافى )

أنه يشوف حياته قدامه ,
ويشوف متعته فى ولاده وسعادتهم ويشوفهم وهما بيكبروا قدامه
ويتمتع بنجاحه فى أحفاده

لو حد عنده متعه تانيه فى الحياه أحسن من كده يروح يتجوز تانى

أدعوا لي ولأنفسكم بدوام النعمه