طيب حد يقلي اية دة لأن انا ضغطي اترفع

**ahmedbatoos** · 05-04-2011 04:21 AM

ده اللى انا عاوز اوصله المنهج السلفى مش حكر لأحد

لا طبعا مش حكر لأحد الاسلام عمرة مكان حكر لأحد . .

وبنسبة للناس الي خايفة من حدود الجنائية . . فعلا والله كلام حضرتك سليم
بلاضافة انة اساسا مش عارف دينة او شروط اقامة الحدود

يعني مثلا حد الزنا . . . لازم شرط لية ان يكون في 4 شهود علي الزنا لو 3 مينفعش !!!!!! يعني الي يشفوة اربعة في وقت واحد دة يبقي كان بيزني في ميدان عام !! ويستاهل

حد السرقة !! هو الي هيسرقة جنية هيتقطع ايدة !! لا في حد ادني لحكم قطع اليد لقيمة المسروقات ودة بيحددة العلماء
وقبل الحد دة بيكون في سجن او جلد لا اعلم تحديدا . . ولو سرق قيمة معينة فيما اكبر بتتقطع ايدة

والاغرب ان الحدود الجنائية دية اصغر حدود في الاسلام !!!

احنا عندنا شريعة فيها اقتصاد واجتماع وسياسة و و و

يعني مثلا في عندنا في كلية تجارة مادة كاملة اسمها محاسبة زكاة !! من الشريعة الاسلامية نظام محكم طويل عريض من كل الجوانب للضرائب مثلا !! استراليا نفسها اخدت منة حاجات !!
عندنا مثلا درسنا نظام التكامل الاقتصادي و الاتحاد الجمركي وفقا للشريعة الاسلامية . . وشروطها وازاي تتحقق وحتي نسب الجمارك!! وكلة من الشريعة الاسلامية ووفقا للشريعة
في اقتصاد اسلامي وبنوك اسلامةي -واقصد البنك الاسلامي الحقيقي مش الي طالعين موضا !! - الي رئيس تحرير مجلس تشالنجرز اكبر مجلة اقتصادية في فرنسا قال دة نظام ينجد اوربا من الكارثة الي فيها !!!
واحنا ولا بننتبة لكل دة . . وكل كلامنا عن الشريعة الجنائية !!!!!!!!!!!!!!!!!

**SaberMan** · 05-04-2011 04:21 AM

أسال الله أن يهديك يا سكاى

**dr-mohamed** · 05-04-2011 04:22 AM

المشاركة الأصلية كتبت بواسطة dr-mohamed

لو تكلمنا من منظور ان الجماعة الاسلامية التي اغتالت السادات جماعة سلفية فان الكلام يكون صحيحا لو كنت تقصد ان كل المسلمين سلفيين وبما ان الجماعة الاسلامية مسلمين اذا هم سلفيين

المشاركة الأصلية كتبت بواسطة skybird

يا دكتور محمد لا تصدق الادعاء ان السلفيون هم المسلمين
ده كلام دعائي فقط
لو كان هما المسلمين زي حضرتك ما تقول غيروا اسمهم ليه للسلفيين هل اسم مسلمين مش عاجبهم ؟
السلفيون ليهم عقيده مختلفة تماما عن تصورك والمنتدى مش مجال لذكر عقيدتهم
(وصفت الدكتور سعاد صالح أستاذ الفقه المقارن بجامعة الأزهر السلفيين بأنهم خفافيش الظلام وأعداء الإسلام الذين لم يظهروا إلا بعد غياب المستنيرين من المسلمين الذين يتخرجون من الازهر الشريف،)

يا صديقي لم اقل ان السلفيون هم المسلمين
وانما قلت ان المسلمين كلهم سلفيين فمن منا لا يتبع السلف في السير على كتاب الله وسنة رسوله
اما الدكتورة سعاد فلها فتاوي كثيرة من زمن بعيد اختلف فيها معها ولا اتفق معها في كثير من ارائها مع احترامي لها ومنها كلام هذا

**ahmedbatoos** · 05-04-2011 04:31 AM

ظهرت النتيجة . . sky bird في النهاية هيكفر اصحاب الدعوة السلفية !!!

الائمة الاربعة . . والمسلمين كلهم منهج سلفي . . كلهم قايمين علي اساس قرأن وسنة بفهم وتطبيق سيدنا محمد وصحابتة !! هتكفر المسلمين كلهم !!!

ومفيش حد اسمة انا سلفي . . بلمعني الي حضرتك قصدة . . انا مسلم علي منهج السلف . . دة الي بيتقال ودة الي مقصود لما يقال انا سلفي . . ودة مظرهش غير بعد ظهور المذاهب العجيبة والفرق المبتدعة سواء شيعة ولا معتزلة ولا غيرهم

**SkyBird** · 05-04-2011 04:32 AM

خلاص انا سكت اهه
ربنا يهدينا جميعا لما يحب ويرضى
ومحدش يزعل مني ارجوكم

**ashrafakl** · 05-04-2011 07:28 AM

الاخ الكريم SkyBird

بعد اذنك ممكن تذكر اسماء قيادات الدعوة السلفية التي خالفت الجماعة الاسلامية؟
معلوماتي ان الدعوة السلفية جماعة حديثة لم يمض عليها سنوات قليلة تقريبا نشات 2006

وانا كتبت سابقا

معلومة نقلا عن الشيخ عبد المنعم الشحات تثبت ان الدعوة السلفية انفصلت منذ سنة 1977 اي قبل اغتيال السادات عن الجماعة الاسلامية
الدعوة السلفية كيان دعوي منظم، كانت بداياته باسم "المدرسة السلفية" التي تأسست سـنـ1977ــة عندما انفصلت عن ما عرف بـ"الجماعة الإسلامية" في كل جامعات مصر، عندما بدأ بعض أفراده في محاولة فرض كتب غير سلفية على المنهج العلمي للجماعة الإسلامية. وبعد انفصال المدرسة السلفية عن تيار الجماعة الإسلامية في الجامعات تحولت إلى "الدعوة السلفية" سنة 84-1985؛ وذلك لإثبات شمولية دعوتها

وهنا نص المقال كاملا من جريدة المصريون
http://www.almesryoon.com/news.aspx?id=53079
وهذه اخر مشاركة لي في هذا الموضوع لانة في نظري تحول الي جدل بدون فائدة
سبحانك اللهم وبحمدك ، أشهد أن لا إله إلا أنت أستغفرك وأتوب إليك