إعادة تركيب مصابيح الشبورة في سبارك (بالصور)

الحمد لله استطعت ان اركب مصابيح الشبورة بالظبط OEM retrofit وإليكم الخطوات

المطلوب:
- دراع النور Light switch 96540684 سعر تقريبا 187 جنيه
- ريلاي 96590287 Relay سعره 24 جنيه
- مصابيح الشبورة سعره 320 جنيه للواحد في التوكيل وسعره 150 إلى 200 جنيه للجوز (شمال ويمين) خارج التوكيل
- فيوز صغير Fuse 10A
- 3 متر سلك 2 مللي لون اصفر (للفردة الحية)
- 1 متر سلك 2 مللي لون اسود (للفردة الأرضية)
- كليبسات نتاية وترامل حلقية (مدورة)
- شريط لحام او Heat shrink
- مسامير بورمة مش عارف مقاسها كام بس هي نفس مقاس مسامير التابلوه

الأدوات:
- آفوميتير
- مفتاح 10 - مفتاح 7 - قشارة سلك - زردية - قصافة - طقم مفكات صليبة Philips (يعني عدة كهربا كاملة)

داخل الصالون

تركيب دراع النور:
دي صورة الدراع قبل التركيب
http://img196.imageshack.us/img196/8...matizfog01.jpg

ودي صورة الدراع إللي راكب
http://img62.imageshack.us/img62/772...matizfog02.jpg

اولا: فك الـ 3 مسامير في اسفل الغطا البلاستيك المحيط بالقطمة
http://img810.imageshack.us/img810/1...matizfog18.jpg

ثانيا: اسحب الغطا البلاستيك الاسفل لتحت والاعلى لفوق لفك الغطا كاملا
دي الصورة بعد الفك
http://img831.imageshack.us/img831/9...matizfog03.jpg

ثالثا: فك دراع النور عن طريق الضغط على الشفه العليا والسلفى ثم سحب الدراع للخارج مع الضغط على الشفتين..ثم فك السوكت الأبيض الصغير المتصل بالسلك الرمادي

رابعا: لتركيب الدراع الجديد قم بعكس كل الخطوات السابقة وتأكد من أن مؤشر الشبورة مضاء في التابلو
http://img231.imageshack.us/img231/6...matizfog05.jpg
http://img607.imageshack.us/img607/9...matizfog06.jpg

وبكدا الصالون خلص:::

بعد إذنكم ماحدش يعلق لسه التقرير ما خلصش

=====

فك مكان مصابيح الشبورة

هناك اكثر من طريقة للوصول إلى مكان مصابيح الشبورة لكني اكتب هنا اطول الخطوات لكنها الاسهل عند الفك والتركيب
اولا: ارفع العربية على كوريك العجل
ثانيا: فك العجل
ثالثا: فك الكارتيرة خلف الأكصدام تحت الرفرف
رابعا: فك الفوانس الأمامية
كدا تعرف تشتغل بنفس وبدون معوقات
هاتلاقي مكان الشبورة مغطى بغطاء مربوط بثلاثة مسامير بورمة بدون سن مدبب..وهنا تقع يظهر لماذا سنحتاج إلى مسامير زيادة (مسمارين على الأقل) لأن المصباح الواحد يحتاج إلى اربعة مسامير وليس ثلاثة لتركيبه كما يظهر في الصور
صورة الغطاء بعد الفك
http://img19.imageshack.us/img19/755...matizfog13.jpg
وصورة مصباح الشبورة (منقوله)
http://img156.imageshack.us/img156/4...matizfog14.gif

اخيرا: الأفضل عدم تركيب المصابيح في الأكصدام حتى الانتهاء من عمل الضفيرة

:::
بعد إذنكم ماحدش يعلق لسه التقرير ما خلصش

تنفيذ الدائرة زي الكتاب ما بيقول

صورة الدائرة الكهربائية كما يجب ان تكون (الفابريقة)
http://img585.imageshack.us/img585/2...vymatizfog.png

ملحوظة الريلاي لازم تجيبه من التوكيل لأنه مختلف تماما عن الريلهات العادية ودي صورته
http://img101.imageshack.us/img101/5...matizfog07.jpg

صورة علبة الفيوزات ويظهر مكان فاضي لريلاي الشبورة الأمامية
http://img3.imageshack.us/img3/9331/chevymatizfog08.jpg

من صورة علبة الفيوزات يجب التأكد بالآفو من التالي:
- اولا: الفتحة المكتوب عليها 30 متصلة بمكان الفيوز المكتوب عليه 10
- ثانيا: الفتحتين 86 و85 فيهم تيار مع تشغيل نور الشبورة من دراع النور
- ثالثا: اختبار الفتحة 87 قصة كبيرة لكن مهمة للتركيب فيما بعد (انظر خطوات تركيب الضفيرة)

تركيب الضفيرة:
- اولا: فك علبة الفيوزات عن طريق الكليبسات التي عليها دوائر زرقاء في الصورة السابقة.
صورة علبة الفيوزات من اسفل بعد الفك والسهم يشير إلى مكان توصيل سلك الفردة الحية لمصابيح الشبورة. الفيشة البني هي الكونيكتور رقم C103 في الدائرة الكهربائية اعلاه
http://img585.imageshack.us/img585/6...matizfog09.jpg

- ثانيا: فك الفيشة البني بمفتاح (لقمة) مقاس 7 ويظهر في الصورة الفتحة رقم 26 التي يجب ان يركب فيها الكليبس الموصل للسلك الأصفر لمصابيح الشبورة (الفردة الحية)
http://img18.imageshack.us/img18/649...matizfog10.jpg

-ثالثا: اغلب الكليبسات في السوق حجمها اكبر من ان تدخل في الفيشة البني، لذلك يجب تصغير حجمها بالضغط عليها لتهيئتها للدخول في الفيشة. يظهر في الصورة الحجم الكبير للكليبسة
http://img203.imageshack.us/img203/2...matizfog11.jpg

- رابعا: تركيب السلك الأسود بالوصلات الأرضية G101 وG102. يقع G101 خلف الفانوس الأمامي الشمال وG102 خلف الفانوس الأمامي يمين. الصور تبين G102 داخل الدائرة الزرقاء خلف الفانوس الامامي يمين (معذرة في خطأ مكتوب G101 بس هوG102، على العموم الأتنين في نفس المكان خلف الفوانيس)
http://img856.imageshack.us/img856/9...matizfog12.jpg

- خامسا: التأكد من ان سلوك الضفيرة مثبتة وواصله للمصابيح كالأتي قبل تركيب المصابيح
- سلك اسود من خلف الفانوسين (من G101، G102) إلى فتحتي مصابيح الضباب
- سلك اصفر من علبة الفيوزات إلى فتحتي مصابيح الضباب
http://img843.imageshack.us/img843/4...matizfog15.jpg

سادسا: توصيل السلوك بالمصابيح ثم تركيب مصابيح الشبورة بأربعة مسامير للمصباح الواحد في الأكصدام وتوصيلهما بضفيرة السلك
http://img703.imageshack.us/img703/4...matizfog17.jpg

سابعا: اختبار مصابيح الشبورة :
- تركيب الفيشة البني C103 في ضهر علبة الفيوزات والتأكد من تثبيها جيدا
- تركيب الريلاي
- تركيب الفيوز (احذر تركيب الفيوز قبل التأكد من ان كل السلوك معزولة ومثبة في مكانها وياريت لو تقيس التوصيلات بالآفو قبلا)
- ادخل صالون العربية وجرب تفتح نور الصالون
- ادعو لي :-))
http://img684.imageshack.us/img684/3...matizfog16.jpg

ثامنا: واخيرا قفل بقى الشغل والفوانيس واي حاجة شكلها مش تمام او مش مظبوط. وتذكر تقفيل الشغل اهم حاجة وهو دليل الفهم والنضافة والنظام

اقتباس:

---

- ادخل صالون العربية وجرب تفتح نور الصالون

---

ههههههههههه
طبعا اقصد نور الشبورة..:-))))))

الله ينور يا هشام باشا شغلك دائما متميز

اية الجمال دة
تعالى نعمل مشروع انا وانت يا دكتور
انت تهندس و انا الم الفلوس :-)
حبيبى يا دكتور هشام
دائما مميز
و يجعلة عامر

اقتباس:

---

المشاركة الأصلية كتبت بواسطة zalabany

الله ينور يا هشام باشا شغلك دائما متميز

---

حبيبي والله يا زلباني باشا..دايما رافع من معنوياتي

اقتباس:

---

المشاركة الأصلية كتبت بواسطة aymanmaly

اية الجمال دة
تعالى نعمل مشروع انا وانت يا دكتور
انت تهندس و انا الم الفلوس :-)
حبيبى يا دكتور هشام
دائما مميز
و يجعلة عامر

---

وانا موافق :-)))) بس طبعا على اساس إنك ناوي تقسم..ولا ايه :-))))))

100 ميه الشغل ده و صور جميلة
تسلم ايدك يا استاذ هشام

انت كده هتخليني افكر ادلع العربية

يا دكتور مش حاقولك غير ....انك راجل عالمي .....ما شاء الله

ما شاء اللة شغل جميل و مضبوط ما اعتقدش التوكيل حتى ممكن يعملها بالنضافة دى

اقتباس:

---

المشاركة الأصلية كتبت بواسطة ecybrarian

ههههههههههه
طبعا اقصد نور الشبورة..:-))))))

---

ولا يهمك هو الشغل لازم في الآخر تكتشف فيه غلطه بسيطه

لكن السؤال هي السلوك شكلها باين مهي في طريقها من لبة الفيوزات للفوانيس ولا هي متجمعه

وعلي فكره الكهربا صعبه جدا والدواير مش أي حد ينفذها عن نفسي مفهمتش غير أنه فيه فانوسين شبوره ركبوا ودراع نور جديد
لكن طبعا مقدر المجهود
وتقبل مروري

الله ينور يادكتور وفعلا شغل زى المنجة العويسي
بس انا عايز اسال هو اساس لمبة الشبورة ف التابلوة بتبقي موجودة حتى لو العربية مفيهاش شبورة

اقتباس:

---

المشاركة الأصلية كتبت بواسطة ahmedaglan

الله ينور يادكتور وفعلا شغل زى المنجة العويسي
بس انا عايز اسال هو اساس لمبة الشبورة ف التابلوة بتبقي موجودة حتى لو العربية مفيهاش شبورة

---

+111 كنت هسأل نفس السؤال

اقتباس:

---

المشاركة الأصلية كتبت بواسطة mohssenrashed

+111 كنت هسأل نفس السؤال

---

ياباشا مش هتفرق انا وانت واحد
اصل انا كمان عايز اركب شبورة لشيكنيلي وعايز اتاكد من المعلومة دى اذا كان الاوبترا فيها لمبة في التابلوة ولا لا:16:

اقتباس:

---

المشاركة الأصلية كتبت بواسطة bluemaneg

100 ميه الشغل ده و صور جميلة
تسلم ايدك يا استاذ هشام

انت كده هتخليني افكر ادلع العربية

---

اقتباس:

---

المشاركة الأصلية كتبت بواسطة fawzyyyy

يا دكتور مش حاقولك غير ....انك راجل عالمي .....ما شاء الله

---

اقتباس:

---

المشاركة الأصلية كتبت بواسطة mohbasyouni

ما شاء الله شغل جميل و مضبوط ما اعتقدش التوكيل حتى ممكن يعملها بالنضافة دى

---

اقتباس:

---

المشاركة الأصلية كتبت بواسطة hossam99

ولا يهمك هو الشغل لازم في الآخر تكتشف فيه غلطه بسيطه

لكن السؤال هي السلوك شكلها باين مهي في طريقها من لبة الفيوزات للفوانيس ولا هي متجمعه

وعلي فكره الكهربا صعبه جدا والدواير مش أي حد ينفذها عن نفسي مفهمتش غير أنه فيه فانوسين شبوره ركبوا ودراع نور جديد
لكن طبعا مقدر المجهود
وتقبل مروري

---

الحمد لله إن الموضع عاجبكم وشاكر جدا لتشجيعكم..الحقيقة انا جمعت السلك كله على تجميعات سلك الفوانيس من غلبة الفيوزات إلى الفانوس الشمال ثم من تحت الاكصدام حتى الفانوس اليمين

اقتباس:

---

المشاركة الأصلية كتبت بواسطة ahmedaglan

الله ينور يادكتور وفعلا شغل زى المنجة العويسي
بس انا عايز اسال هو اساس لمبة الشبورة ف التابلوة بتبقي موجودة حتى لو العربية مفيهاش شبورة

---

اقتباس:

---

المشاركة الأصلية كتبت بواسطة mohssenrashed

+111 كنت هسأل نفس السؤال

---

اقتباس:

---

المشاركة الأصلية كتبت بواسطة ahmedaglan

ياباشا مش هتفرق انا وانت واحد
اصل انا كمان عايز اركب شبورة لشيكنيلي وعايز اتاكد من المعلومة دى اذا كان الاوبترا فيها لمبة في التابلوة ولا لا:16:

---

أنا في الحقيقة ماعرفش الأوبترا نظامها ايه..لازم ابص على service manual بتاع العربية الأول علشان ارد على حضراتكم..لكن في سبارك الموضوع واصل (الضفيرة من دراع النور للمبة التابلو ولعلبة الفيوزات واصلة والحمد لله..المشكلة كانت عدم وجود ضفيرة من علبة الفيوزات إلى مصابيح الشبورة)

الغريب إني لقيت ضفيرة من فوانيس العربية إلى لمبات الاشارات إللي المفروض تكون موجودة في الرفرفين الاماميين..بس العربية بتنزل من اشارت في الرفارف!!!!!!!!

حاجة تانية مهمة جدا نسيت اقولها..بلاش تبهدلوا نفسكم زي ما انا عملت واغسلوا موتور (حوض) قبل ما تشتغلوا في العربية
:-))))))

و الله من قبل ماشوف مين اللي كاتب الموضوع كنت متوقع انو يكون حضرتك يا هشام باشا =)

الف مبروك و عقبال الايرباج و السماعات و نور الشنطة

اقتباس:

---

المشاركة الأصلية كتبت بواسطة gebreel

و الله من قبل ماشوف مين اللي كاتب الموضوع كنت متوقع انو يكون حضرتك يا هشام باشا =)

الف مبروك و عقبال الايرباج و السماعات و نور الشنطة

---

حبيبي يا هندسة والله. انت اول واحد اتكلمت معاه في المشروعات دي... عموما:
دول موضوعين السماعات : http://www.nilemotors.net/Nile/192146-4x6.html
http://www.nilemotors.net/Nile/197538-a.html

ودا موضوع لمبة الشنطة: http://www.nilemotors.net/Nile/197844-a.html

موضوع الايرباج شكله مش هاينفع علشان ظروف الاستيراد في مصر..بس انت نسيت موضوع سبويلر ولا ايه :-))))) يارت تبلغ احمد تحياتي وتنقل له الموضوعات دي يمكن يهتم يعملها في عربيته

اقتباس:

---

المشاركة الأصلية كتبت بواسطة ecybrarian

أنا في الحقيقة ماعرفش الأوبترا نظامها ايه..لازم ابص على service manual بتاع العربية الأول علشان ارد على حضراتكم..لكن في سبارك الموضوع واصل (الضفيرة من دراع النور للمبة التابلو ولعلبة الفيوزات واصلة والحمد لله..المشكلة كانت عدم وجود ضفيرة من علبة الفيوزات إلى مصابيح الشبورة)

الغريب إني لقيت ضفيرة من فوانيس العربية إلى لمبات الاشارات إللي المفروض تكون موجودة في الرفرفين الاماميين..بس العربية بتنزل من اشارت في الرفارف!!!!!!!!

حاجة تانية مهمة جدا نسيت اقولها..بلاش تبهدلوا نفسكم زي ما انا عملت واغسلوا موتور (حوض) قبل ما تشتغلوا في العربية
:-))))))

---

مشكور جدا يادكتور :16:
وياريت تتاكدى من موضوع لمبة التابلوة ف الاوبترا وانا عمتا مش ناوى اعمل زى محضرتك عملت واعمل الموضوع دة بنفسي علشان انا قلبي مش جامد ف الحاجات دى وانشاء الله هركبهم ف التوكيل وامري الي الله
او افتح مركز صيانة انا وانت ويبقي زيتنا في دقيقنا:16:
وزى مقال عمدتنا انا ابقي الم الفلوس
هههههه

اقتباس:

---

المشاركة الأصلية كتبت بواسطة ecybrarian

حبيبي يا هندسة والله. انت اول واحد اتكلمت معاه في المشروعات دي... عموما:
دول موضوعين السماعات : http://www.nilemotors.net/nile/192146-4x6.html
http://www.nilemotors.net/nile/197538-a.html

ودا موضوع لمبة الشنطة: http://www.nilemotors.net/nile/197844-a.html

موضوع الايرباج شكله مش هاينفع علشان ظروف الاستيراد في مصر..بس انت نسيت موضوع سبويلر ولا ايه :-))))) يارت تبلغ احمد تحياتي وتنقل له الموضوعات دي يمكن يهتم يعملها في عربيته

---

ما شاء الله ما شاء الله

ايه المفاجأات دي ربنا يباركلك فيها يا رب بس ايه السبارك هتاكل الجو من ميجو ولا ايه =)

السبويلر شوف بتاع الفيبر اللي عامل اعلان على المنتدى هنا كان احمد عبد الرحمن من بروتون راح عمل بودي كيت السبورت من كساحات و عتب و سبويلر بتاع الجن تو عندو و بيقول شغلوا رائع و ان شاء الله السلام يوصل و المواضيع كمان =)

الف مبروك
ماشاء الله على الشغل الجامد يا دكتور

متميز دايماً يا دكتور ، الله ينور عليك وتسلم إيدك على التركيب وعلى التقرير المتميز .

مشكوووووور والله يعطيك الف عافيه :Ka_che1[1]:

اقتباس:

---

المشاركة الأصلية كتبت بواسطة miss_mona

الف مبروك
ماشاء الله على الشغل الجامد يا دكتور

---

اقتباس:

---

المشاركة الأصلية كتبت بواسطة bassem raafat

متميز دايماً يا دكتور ، الله ينور عليك وتسلم إيدك على التركيب وعلى التقرير المتميز .

---

اقتباس:

---

المشاركة الأصلية كتبت بواسطة magid1010

مشكوووووور والله يعطيك الف عافيه :ka_che1[1]:

---

بارك الله فيكم جميعا..وشاكر لكم جميعا على تشجيعكم

[frame="1 80"]أنا فرحان إن سيارتي سبارك بتقاريرك يا دكتور بجد مش هفكر أبيعها إلا لما تقرر أنت ذلك[/frame]

الله ينور

تسلم ايدك موضوع هايل

الله ينور يا دكتور .... ربنا يباركلك بس ممكن طلب أنا معايا سبارك 2008 مفيهاش شبورة ... أنا أشتريت فوانيس الشبورة والكتاوت بس لا حظت ان الكلبس فى الفيشة رقم 30 موجود بالفعل عندى بس مش عارف رايح فين ممكن تفاصيل أكتر وشكراً