الموضوع: نقطة ضعف فى تركيب انذار للوجان

ياجماعه انا اتصلت بالتوكيل انهارده والبهوات اخبرونى ان الهاف اوبشن مافيهاش زرار نورفى البيبان اللى ورا وتمن الزرار الواحد 154 جنيه وبرده المفتاح بيفتح السنتر كله للعربيه
بصراحه حركه زباله من التوكيل انه يلغى حاجه زى كده مش حتكلفه تلاته مليم لكن علشان اعملها انا حتكلفنى اكتر من 400 جنيه وكل يوم الواحد يكتشف فرق بين الهاف والفول اوبشن مش مستاهل انه يتشال زى لمبة حزام الامان وانذار تحذيرالاناره ولمبة درج التابلوه وكلها كلام فاضى يعنى كان اهون يدونى العربيه من غير كاسيت ولا انى اتعك العكه دية كلها
فى شوية حاجات متتنوره ومنها اللى هو ضرورى زى زرار النور
المهم سالت مدير المبيعات مفيش بديل ممكن اركبه علشات اشغل الانذار من عربيه تانيه قالى حقولك على حاجه ومتضحكشى قولتله قول
قالى هات زرار باب تلاجه ايديال وركبه وفعلا عملت كده وركبت فى البابين وكمان الكهربائى عملى زرار تانى جابه من عنده شكله بتاع عربيه تانيه وعمله دراع ربطه بمسمار من المسامير اللى طالعه من حوض العربيه علشان يشغل الانذار مع فتح الكابوت
وكده بقى العربيه تفتح الشنطه تواكواك
تفتح الباب الورانى تواكواك
تفتح الكبوت تواكواك
تحطها على وشها تواكواك
ياريت كل اللى معاه الهاف اوبشن يعمل الموضوع ده والله يخرب بيت الهاف اوبشن واللى اخترعوه

بجد ربنا يسترها ماعدش فيه أمان خالص

المشاركة الأصلية كتبت بواسطة ringoo

واك واك
ههههههههه على فكرة بقى انا حركب انذار بس عايزها تنو نو ههههههه
والله يا استاذ مصطفى ماتشغلش بالك بموضوع السرقة دة .. لان دة نصيب ولو مقدر للواحد حاجة حيشوفها حتى لو ركب 30 انذار
ربنا هو الحافظ .. وربنا يحفظها ويحفظك من كل شر .. قول آمين

والله الواحد بيعمل اللى عليه علشان ميبقاش مقصر فى حاجهه وطبعا ربنا هو الستار

المشاركة الأصلية كتبت بواسطة magd_helm

بجد ربنا يسترها ماعدش فيه أمان خالص

معاك حق والله

المشاركة الأصلية كتبت بواسطة د.أحمد عبد الرحمن

الف مبروك يا باشا

هي فعلا حركة نتانة من التوكيل مكانش ليها لازمة

والف مبروك على الاختراع الهايل,

طب ووصلت الانذار على الكبوت ازاي لان دي ناقصة عندي, الكهربائي اكيد وصل زرار تلاجة على الكبوت وبعدين السلك عداه على التابلوه وبعدين؟

يعني وصلة ب unit الانذار ولا بارضي الانذار؟

الله يبارك فيك يادكتوراحمد ومتزعلشى منى على سوء الفهم اللى حصل اصل انا عيبى انى باخد الكلام واجرى

الكهربائى جاب زرار من عنده ( شكله بتاع عربيه تانيه )غير زرار التلاجه لانه ماكنشى حينفع يتحط فى الكبوت غير لما يخرم وهو مرديش يخرم فيه وعمل له زى حامل وربطه بمسمار من المسامير اللى طالعه من سدر العربيه ووصله بصراحه مش عارف اذا كان بالارضى او بالunit مخدتش بالى بصراحه بس متهيالى انه بالارضى لانه مفكش المكان اللى موجود فيه الانذار تانى على مااعتقد بس المهم بالتجربه اشتغل تمام التمام

وياريت ياجماعه المشرف يحذف الموضوع بعد يومين زى ما الدكتوراحمد قال

ومش حنسى ابدا الحركه القرعه بتاعت التوكيل ده

المشاركة الأصلية كتبت بواسطة adnanantar

السلام عليكم
بخصوص موضوع الانذار فى الرينو لوجان ( فول اوبشن ) انا سألت فى التوكيل عن امكانية تركيب جهاز انذار وعلمت ان التوكيل مش بيركب اي اجهزة انذار وانه كمان لو ركبته برة التوكيل وعمل اى مشكله ممكن تخرج من الضمان .
بس فى حاجه فى الفول اوبشن لمبه حمراء بتنور وتطفى مع الكونتكت ودى علشان العربيه ما تتحركش من مكنها حتى لو تم فتح الباب ( كلام من التوكيل ) يعنى من غير سارينه .....

ده اسمه الايموبليزر وموجود عندى فى الهاف كمان