تكيف السياره

**heshamzaky** · 07-04-2011 12:03 AM

المشاركة الأصلية كتبت بواسطة funnymickey

هيا مدينه نصر دي مفيهاش صنايعي تكييف عدل يوحد ربنا
لازم الواحد يدب مشوار لعين شمس ولا العمرانيه ولا ارض اللواء عشان يظبط التكييف
:)

عاوزين حد في مدينه نصر كويس ياجدعان

صبحى باشا أزيك بص عاوز نصيحة أخوك أنا من سنتين عملت التكيف عند واحد فى مدينة نصر قريب من البيت عندى مكان ما قابلتك بص دة تلميذ و شغلة على أدة قوى و الى فى شارع الطاقة كلهم بيحورو فى الكلام أوعى يا ريس حا يسوحوك .
فية واحد تانى ورا المخابرات الى عند رابعة العدوية روحتلة كويس بس غالى و يعنى .
الراجل الى بقول علية بالرغم من شكل الورشة بتاعتة صدمانة و عدمانة بس كويس جدا بس مشوارة أسود يا ريس أنا كرهت حياتى من المشوار دة بس المحصلة النهائية أستاذ . أدخل على رابطة التمبرا و شوف الشغل الى أتعمل و أنت حا تقيم الشغل من الصور دة عملى ضفيرة العربية و العربية أنجيكشن و كلها بلاوى و عملها زى الجن

**FunnyMickey** · 07-04-2011 12:12 AM

هوا عادي ياباشا انا رحت عين شمس كتير بس المشوار من عندنا يهد الحيل كان نفسي اشوف حد في مدينه نصر
واللي ورا رابعه ده كذا واحد شاتمين فيه
غالي وكمان مش اد كده
واحد كان قايل في موضوع قبل كده انه خرم له ماسوره الفريون وهوا بيفك
عالعموم خير
حشوف موضوع عين شمس ده
اهو علي الاقل اقرب من ارض اللواء

**heshamzaky** · 07-04-2011 12:19 AM

المشاركة الأصلية كتبت بواسطة funnymickey

هوا عادي ياباشا انا رحت عين شمس كتير بس المشوار من عندنا يهد الحيل كان نفسي اشوف حد في مدينه نصر
واللي ورا رابعه ده كذا واحد شاتمين فيه
غالي وكمان مش اد كده
واحد كان قايل في موضوع قبل كده انه خرم له ماسوره الفريون وهوا بيفك
عالعموم خير
حشوف موضوع عين شمس ده
اهو علي الاقل اقرب من ارض اللواء

انت قصدك زيدان هو و لا مش هوة بص هو بياع يعنى ممكن يدخلك فى سربنتينة تلاجة و كلة مصلحة هههههههههههههه . الراجل التانى خد السربنتينة و لحمها و ظبط المسائل السبب انى روحتلة انة فاهم التمبرا جدا جدا و دى كهربا التكيف بتاعها فيلم هندى صعب جدا جدا جدا هو الى فك كل حاجة بأيدة من نص عربية من العزبة و أنا معاة و خدنا المسامير و الافيزات البلاستيك و ركبنا استنى حا أنزلك كام صورة على الماشى أنت حبيبى يا ريس ههههههههههههه

**heshamzaky** · 07-04-2011 12:32 AM

بص يا باشا الكشف على دورة التبريد يشمل حاجات كثيرة لازم يكبس كل جزء لوحدة لمعرفة مكان العيب من فين يعنى يكبس السربنتينة و يكشف على الخراطيم و يكبس التلاجة الى راكبة تحت التابلوة و يكبس الكومبريسور و يكشف على الابر الى فى خراطيم الشحن .
لو المشكلة من الكباس لازم يعملة حاجة أسمها طقم اصلاح يعنى بالبلدى بيغير شوية اويل سيلات كدة و يزيتة و بص الصور دى و أنت تعرف ازاى بيتنظف و يتروق

**heshamzaky** · 07-04-2011 12:42 AM

باقى الصور

ودة زيت الكباس

**Ros** · 07-04-2011 05:44 PM

المشاركة الأصلية كتبت بواسطة funnymickey

هيا مدينه نصر دي مفيهاش صنايعي تكييف عدل يوحد ربنا
لازم الواحد يدب مشوار لعين شمس ولا العمرانيه ولا ارض اللواء عشان يظبط التكييف
:)

عاوزين حد في مدينه نصر كويس ياجدعان

فين فى العمرانيه ؟!

**merosho** · 08-04-2011 03:03 AM

انا عندى واحدفى مصر الجديدة فى ترينف مممكن ادلك علاية كويس وحنين اوى فى فلوسة نمرتى اة لو عايز ترحلة كلمنى وانا اوصفللك 0105178725

**FunnyMickey** · 08-04-2011 05:09 AM

المشاركة الأصلية كتبت بواسطة ros

فين فى العمرانيه ؟!

اللي اسمه عاطف تكييف
ده عامل انقلاب في قسم اوبل :)
وقرب ياخد التوكيل من منصور من كتر مالاعضاء بتشكر فيه
اسأل طناني عليه
بس المشوار سحله بالنسبه لي ومعرفش اروحه اصلا