تكيف السياره

**FunnyMickey** · 08-04-2011 05:13 AM

المشاركة الأصلية كتبت بواسطة heshamzaky

انت قصدك زيدان هو و لا مش هوة بص هو بياع يعنى ممكن يدخلك فى سربنتينة تلاجة و كلة مصلحة هههههههههههههه . الراجل التانى خد السربنتينة و لحمها و ظبط المسائل السبب انى روحتلة انة فاهم التمبرا جدا جدا و دى كهربا التكيف بتاعها فيلم هندى صعب جدا جدا جدا هو الى فك كل حاجة بأيدة من نص عربية من العزبة و أنا معاة و خدنا المسامير و الافيزات البلاستيك و ركبنا استنى حا أنزلك كام صورة على الماشى أنت حبيبى يا ريس ههههههههههههه

ياهشام باشا انا لسه مغير كباس السنه اللي فاتت وكان بيعمل معايا ايام الحر اوي اللي كانت بتعدي علينا دي حاجه غريبه
يفصل والاقي هوا سخن طلع
وميشتغلش الا اما اكبس بنزين جامد اوي الاقيه جاب تاني
من ساعه ما الشتا دخل بقي وانا مشغلتوش جه يوم حر بشغله لقيته قاطع النفس

المشاركة الأصلية كتبت بواسطة l0new0lf

طيب يمشى معاك عابدين؟
:0

اخري اتنين وعابدين والله مقدرش انزل عن كده

والله ما عارف اقولك ايه كاسيت وتكييف
معندكش عروسه بقي تبقي زبطتني من كله
ابعتلي رقمك ياباشا لو الراجل ده كويس اعدي عليك بكره بعد الشغل لو وقتك يسمح

**heshamzaky** · 08-04-2011 12:46 PM

المشاركة الأصلية كتبت بواسطة funnymickey

ياهشام باشا انا لسه مغير كباس السنه اللي فاتت وكان بيعمل معايا ايام الحر اوي اللي كانت بتعدي علينا دي حاجه غريبه
يفصل والاقي هوا سخن طلع
وميشتغلش الا اما اكبس بنزين جامد اوي الاقيه جاب تاني
من ساعه ما الشتا دخل بقي وانا مشغلتوش جه يوم حر بشغله لقيته قاطع النفس

ا

صبحى باشا أزيك . بص موضوع دورة التبريد بتاعت التكيف لازم يتكشف عليها من أولها لآخرها بما فيها الكهرباء بتاعتها علشان الغلطة بتكلفك تمن شحنة فريون

**FunnyMickey** · 08-04-2011 12:49 PM

ماهي المشكله في مين بقي اللي يعمل كده من غير ما يطلع عليا مصلحه ويخليني اشحن من غير لازمه

**heshamzaky** · 08-04-2011 12:55 PM

المشاركة الأصلية كتبت بواسطة funnymickey

ماهي المشكله في مين بقي اللي يعمل كده من غير ما يطلع عليا مصلحه ويخليني اشحن من غير لازمه

لآ الموضوع مش هزار لو هو كشف و قالك تمام و شحن و بعدين الشحن سرب بيبقى ملزوم يشحنلك مرة أخرى من غير و لا مليم طبعا لانها تبقى غلطتة مش هو الفنى الى كشف . أنا مرة شحنت مرتين بتمن شحنة واحدة بسبب غباء الصنايعى و طبعا شحن المرة التانية ببلاش دة فى مدينة نصر , لعلمك الشحن مش بيكلفة كدة لان الاسطوانة نسبيا رخيصة يعنى الراجل بيبقى كسبان كسبان

**FunnyMickey** · 11-04-2011 04:14 PM

دلوقتي انا قدامي 4 اماكن عاوز ترشيح لافضلهم

محمد العاقل الحرفيين
المطراوي شارع دمشق
المراكبي جسر السويس
مقار مدينه نصر

ها
اروح لمين بقي
الاربعه دول الناس كلها بتشكر فيهم عالنت مش هنا بس علي كل المواقع

**FunnyMickey** · 12-04-2011 12:17 PM

رحت انهارده لمقار وانا رايح الشغل بصفته اقرب واحد ليا
بص عالكباس وقاللي شغل
وبعدين قاللي الكباس مش شغال هوا بيشغل التكييف بس مبيلفش عشان يدي هوا ساقع
المهم جاب عصايه كده
وضربها في جمب البكره بتاعت الكباس اشتغل
:)

راح قاللي بقي ده عاوز يطلع بره يتنضف
ونده عالمهندس اللي جوه اداني تكلفه

شحن 160 جنيه
فك وتركيب الكباس 50 جنيه
ابره 35
زيت 30
الاجمالي 275 جنيه

:)
ايه رأيكم بقي كده
التكييف شغال اصلا دلوقتي وهوا قاللي حيشتغل معاك وممكن يفصل
الفصل ده بقي ان الكباس عاوز يتنضف

**heshamzaky** · 12-04-2011 01:05 PM

صبحى باشا أزيك بص عارف الراجل الى كنت بقولك علية أحمد زميلنا فى رابطة التمبرا راح عندة و دى المشاركة الى كتبها

المشاركة الأصلية كتبت بواسطة ahmed79

حاضر ياباشا
هو اشتغل فيها من ساعت منتا كلمتنى عنده واحد اسمه هانى مسك العربيه من ساعت موصلت لحد المغرب مبطلش شغل
اول حاجه كبس هواء وكشف على الخرطيم (بالماء وبرل ) لقه تنفيس من الربط الى فى الكمبروسر فك الخرطوم وركب له حشو وكبس تانى جرب لقاه منع بيجرب الخراطيم لقه الى الخرطوم الى بيشحن منه بيسرب زى الابره
قال ده هيتغير فك قطع لحم كبس ركب كبس لاقها الحمد الله خلاص قفل سحب الهواء الى فى الدوره حط زيت شحن الفريون حط الترمومتر لاقه 6 بيجرب المروحه لق الكتاوت بتعها بايظ غيره عشان السرعه العاليه
وفى جزء صغير بيركب فى الخرطوم فيه مصفاه كان مكتوم غيره
الخطوم سعره 80
الجزى ده الى عامل زى المصفه 30
كتاوت 20
مصنعيه 80
وطبعن الشحن سعره معروف
الحمدالله النتيجه ممتازه وهو فعلن صنيعى فاهم والعيال الى عنده لم تفك حاجه ترجعها زى مكانت

**FunnyMickey** · 12-04-2011 01:09 PM

طب انتا ايه رأيك
انا حاسس ان التكييف مفيهوش حاجه والراجل ده بيشتغلني
هوا شغال دلوقتي
استني لو فصل تاني واروح
ولا اروح من باب الاحتياط
انا كده كده حستني عشان مش معايا اصلا فلوس دلوقتي
وحجرب واشوف
بس عاوز اعرف كده الموضوع صح ولا فيه اشتغاله

**heshamzaky** · 12-04-2011 01:23 PM

طالما شغال ما تروحش تانى بس لو قطع روح و خلية يعملة من غير ولا مليم أنا حاسس أن المشكلة ممكن حاجة بسيطة فى الكهرباء . بس بما أنة شحن الفريون يبقى فية تسريب فى الفريون و دة كان لازم تعرف التهريب دة منين بالظبط