حد يعرف سعر الاكصدام الامامى كام................ ؟
عرض للطباعة
حد يعرف سعر الاكصدام الامامى كام................ ؟
شباب في مشكلة محيرني جدااا ومش عارف ليها سبب
انا كل لما اكبس فرامل القي لمض الفرامل والبطارية والبنزين اللي في التابلوه ينوروا من غير سبب وكمان اسمع صوت خروشة في الراديو كل ده بيحصل لما اكبس فرامل علي اي سرعة
حد عارف ايه علاقة الفرامل بانوار التابلوه ديه وايه اللي ملمس عندي بالضبط
علشان مش عايز كهربائي يشتغلني
أولاً مجهود رائع، الحمد لله ربنا وفقني لعربية كيا سيدان عادة وكان عندي كام استفسار وفيه كام حاجة في العربية عاوز اسأل عنها:
1- هل السيارة "باور ستيرنج"؟ الدريكسيون حسيته تقيل شويتين اتقل من الأونو (الأونو مش باور!). وكمان بيزيّق .
3- عداد السرعة بيفصل ! وكمان بيصوصو (بيطلع صوت زي صوت كتكوت كدة) هو الصوت مسلّيني بس مضايقني :)
هل العربية أكيد باور؟ اللي معايا زجاج كهربا أمامي وتكييف وفتح تانك البنزين من الداخل. هل دي باور أكيد؟
وشكراً على المجهود وتقبلوا انضمامي للرابطة.
مبروك عليك العربية وربنا يديك خيرها ويكفيك شرها
1- البرايد السيدان على حسب معلوماتى فيها باور وممكن نتأكد اكتر من ملاكها لانى كان معايا الهاتش باك ... لو الباور تقيل بص على زيت البور يمكن يكون ناقص واتأكد ان الاسكاترة مش بتسرب زيت لانى مرة جربت السيدان الاوتوماتيك والباور كان ناعم
2- خلى أى ميكانيكى يبصلك عليه
3- زى ما قلتلك قبل كده 90% فى الموديل السيدان باور ونستنى رد ملاكها للتاكيد
الله يبارك فيك وشكراً لردودك :)
ربنا ييسر ويحببني فيها. لو فيه لينك للكاتالوج بتاعها يبقى 100%
هو زراير الشكر والإعجاب راحت فين؟؟!!
على فكره يا جماعه انا معايا عربيه برايد هاتش باك 96 بحاله كويسه وعامله 59 الف كيلو بس وحالتها حلوه قوى لو حد ناوى يشترى انا موجود معاكم وتحت امركم وبالنسبه للسعر 35 الف لانى لسه عامل حاجات فيها زى تغيير فلتر هوا وزيت وشحن تكييف و جوز مساحات وتنظيف فوانيس وتغيير سير وحاجات كتير
لو سمحتوا
كنت عايز اشترى عربه برايد سيدان اتوماتيك
محدش عنده عربيه كويسه للبيع او يعرف طريق عربيه كويسه
وتانى حاجه ايه اخبار الفيتيس و بكام استيراد ؟؟
ياجماعة بعد اذنكو انا عندى مشكلة
لما بدور العربية الصبح عداد الار بى ام بيبقى واقع خالص والعربية بتتهز
مع ان المفروض لما ادور العربية الصبح الار بى ام بيعلى فوق ال 1 لحد ما تسخن ويرجع للطبيعى بتاعه
محدش عنده علاج للمشكلة دى وسببها ايه واكون شاكر ليكو جدا
انا لسة سأل عليه كان عامل جديد تيواني 175 جنيه عند حلمي سليمان بس خلصان ارجو أن اكون افدتك
ده بالنسبة للاكصدام الامامي
انا لسة برده جايب شوية حاجات احب اقول عليها للافادة
1- كشافين إشارات اللي هما جنب الفوانيس الامامية الواحد ب 15 جنيه
2- كشاف امامي يمين كامل ب 65 جنيه واشمال بنفس السعر طبعاً من سامي وكرم
3- وش فانوس شمال ب 25 جنيه من الاهرام
4- بلية الكاتينة غليت الاسبع اللي فات وكانت ب 60 جنيه
5- منظف للكرباتير ب 25 جنيه اسمه gunk
6- كابلن كاملة ب 550 جنيه يقال تيواني ودول جداد
7- طقم تيل امامي ب 45 جنيه
8- جوان غطا تكيهات 15 جنيه
9- سير الكاتينة ب 50 جنيه
10- فلتر هواء اصلي ب 35 جنيه
11- ايضاح بسيط لبلي العجل كل عجلة ليها عدد 2 بلية وفي حاجة تانية بتركب معاهم مش فاكر اسمها بصراحة البلية عاملة 30 جنيه ويقال كوري والله اعلم
12- قاعدة موتور امامية كاملة عبارة عن قاعد حديد وجواه حاجة حديد برة مدورة فيها جلد الاتنين ب 110 والقاعدة الخلفية ب 60 جنيه
13- بالمرة سألت على علبة الدريكسيون لاقيت منها نوعين واحد ب 175 جنيه والتانية ب 250 جنيه
14- جوز مساعدين امامي ب 290 وخلفي ب 290 بس نسيت أسال ماركتهم ايه والسعر ده من عند سامي وكرم
على فكرة الاسعار دي انا شاري بيها من شهر لحد امبارح والمحلات كانت حلمي سليمان وسامي وكرم وفي واحد في التوفيقية بس نسيت اسمه
مشكلتى ان العربية ملهاش قطع غيار فى الاسماعيلية خااااااااالص وكل لما اروح اسأل على حاجة ولو صغيرة الاقيها غالية جدااااا يعنى مثل الثرموستات بتاع الريداتير ب 100 ج واستعمال طبعا مفيش جديد!!!! كمان عندى الكوبلن الشمال الطويل الاكس بتاعه ملحوم فى الصليبة وساعات بيخلى الحركة تفصل فى الدورانات دورت عليه مش لاقيه ولقيت بتاع الاوتوماتيك وقالى هعدلهولك وبكام ب 375 جنيه - يااااااه للدرجة دى العربية بقت خردة؟ الكربراتير رحت جبته ب 1000 جنيه استعمال ومنفعش - خلاص قربت ازهق من العربية اللى قريت ان قطع غيارها رخيييييييييصة وببلاش فأرجو افادتكم لو تكرمتم ولكم جزيل الشكر
ايه ده هو حضرتك بتتكلم على ايه على كيا برايد برده
لو على كيا برايد بص يا باشا اعمل حصر بكل طلباتك وانزل من علية يوم لمصر تكون اجازة وعدي على التوفيقية فيها من الابرة للصاروخ ما عدا الكرابرتير للكيا برايد وعلى فكرة انا لسه شاري الثرموستات جديدة ب 25 جنيه واشتريت كبالن كاملة برده 550 جنيه جديدة فكل حاجة موجودة ومن الاسماعيةلة بسيطة بدل الاستغلال اللي عندك في الاسماعلية
انا بشكرك جدا يا أستاذ خوليو ان شاء الله اول فرصة تجيلى هنزل التوفيقية واجيب كل حاجتى
بالنسبة للمسمار : تقصد حضرتك البكرة البيضاء اللى بتعلى وتوطى منها العربية؟
السلام عليكم يا شباب
لو سمحتوا انا عندي مشكلة في العربية kia Pride 1997
انا بسمع صوت طقطقة واحدة عند الفردة اليمين امامي ساعة لما بدوس فرامل فجأة او عند اي حفرة و الموضوع دة قلقني
و عاوز اعرف اي هيا الاحتمالات عشان لو رحت للميكانيكي ميشتغلنيش فلو سمحتوا الرد اكون شاكر جدا
Mado83 : Thanks a lot for your answer i appreciate that
i will do as u said
انا يا جماعة عايز اشتري كيا برايد سيدان اتوماتيك مستعملة
فعايز اعرف اشتريها منين واكشف عليها ازاي وكل التفاصيل دي
ارجو الافادة من عشاق الكيا برايد:
انا العربية بتاعتي موديل 1996 و هي فعلا عربية ممتازة في كل حاجة بس حصل معايا موقف كده مش ظريف محتاج حد خبرة يرد عليا فيه:
لاحظت من مده مش كبيره علي اخر الصيف اللي فات دخنة سودا بسيطة اوي اول لما ادور العربية الصبح و مكنتش عارف دي دخنة ولا بخار. واحد صاحبي قاللي علي مركز المفروض انه كويس اسمه الصفا في قباء متخصص كربيراتير.
روحت فعلا و النس هناك كشفت علي العربية و قالولي محتاج صيانة فعلا و في عادم كتير قولت امين و بعد ما خلصوا كل حاجة طلعت اجرب .......
النتيجة: مفيش دخان - استهلاك البنزين جميل جدا
الاثار الجانبية:
العربيه بتغيب في الدوران صباحا - مكنش في الكلام ده قبل كده - و لما بتشتغل بتطفي تاني علي طولز
الغيارات التاني و التات بيرجوا العربيه بطريقة غريبة (العربية بتنتع)و بردوا تبطل في الاخر.
الموتور بيسقف - بس دي كهربا في الموتور مش مشكلة اوي مع العلم اني بحط بنزين 92.
العربيه مخنوقة جدا و مش بتسحب خالص - انا كنت بسافر بالعربية دي علي 140 km.
الدخان الاسود رجع تاني علي خفيف.
- الكلام اللي فات ده كله من نص الشهر اللي فات و انا روحت ليهم 5 مرات للمتابعة و كل مرة يظبطوا حاجة ويبوظوا حاجة تانيةو انا بصراحة زهقت.
حد عنده اي اقتراحات او افكار او حتي ناس كويسة ممكن تظبط العربيه؟
شكرا
اليوم غيرت زيت الفتيس الاوتوماتيك للبرايد سيدان بموبيل atf220 لكن الزيت اللي نزل كان 2.25 كيلو مع ان الاستيكر اللي في الكبوت بيقول ان الزيت 5.3 كيلو.مش عارف ليه منزلش كل الزيت مع اني فكيت كارتيرت الفتيس والفلتر.وقيست الزيت بالعلامه مظبوط.ارجو الافاده وشكرا
موضوع مميز
المشكلة دى مشكلة كربراتير فعلا .. فى ناس كتير بتروح عند واحد اسموا ابراهيم كربراتير فى شارع شبرا جمب شركة فودافون وبتشكر فيه ... هوة ممكن يكون نضف الكربراتير فعلا بس مظبطش دخول الهواء مع البنزين ,,, طيب انت بتشم ريحة بنزين فى العربية؟
وحاول تظبط كهربا العربية برضوا علشان حتفرق معاك ... ربنا يعينك
السلام عليكم
للأخوة خبراء الكيا برايد
ازاي اعرف العربية مصري ولا كوري
قدامي سيدان اتوماتيك موديل 1999 و صاحبها بيقول كوري ووراني الحوض فعلا موجود made in korea
بس زجاج العربية كلو مكتوب عليه AVV اللي هي الشركة العربية الامريكية لتصنيع السيارات بتاعة الهيئة العربية للتصنيع اللي كانت بتقفلها في مصر
بصيت على عربية تاني برضو كوري لقيت نفس الحكاية
و اغلب الناس بتقولك ما تجبش المصري و فعلا سعر الكوري اغلى من المصري رغم انو اقدم
بس ازاي اعرف انها كوري ولا مصري حد عندو معلومة اكيدة امتى المصري بدأ لان في ناس بتقول 2000 وناس تقول 2001 وناس تقول 1998 وكلامي على السيدان
الحاجة التانية الفتيس الاتوماتك بتاعها و كمبرسر التكيف بكام عشان لو اشتريتها و حصلت لا قدر الله مشاكل في الحاجات دي عشان انا كان معايا سوفت و غيرت الحاجات دي فيها فباحب اعرف السعر للعلم بس
وجزاكم الله خيرا
اللى أنا اعرفه أيام ماكنت بدور ان موديل 99 سيدان ده كورى لان المصرى بدأ من 2000 بالنسبة للزجاج وانه من الشركة العربية فده يدل على انه مصرى فمعنديش خلفية بصراحة
الاسعار تقدر تسأل عنها المحلات اللى احنا حطينا اسمائها بارقامهم فى اول الموضوع لان الاسعار اتغيرت من ساعة ما حطيتها وبالذات من بعد زيادة الدولار
شكرا على الرد و الاهتمام
واضح ان كل العربيات السيدان مصري حتى مع وجود كلمة made in Korea يعني من أول ما دخلت السيدان مصر كانت تجميع مصري و كانو بيعملو الزجاج و الكراسي بعد كده بدؤا في تصنيع حاجات اكتر زي الطنابير في الموديلات من أول 2000 عشان كده بتاكل بلي ...هذه المعلومات قالهالي المهندس عصام رسلان بتاع قطع غيار البرايد اللي في السابع و اللي عرفت مكانو من الرابطة هنا
و بالمناسبة راجل محترم جدا و امين
واسعارو اسعار الجندي وعندو حاجات مش موجودة عند الجندي زي سلك الفتيس الاتوماتك ماكنش موجود عن الجندي و لقيتو عندو
و ارقام تليفوناتو عشان كان فيه حد بيسأل عليهم
01001444932
0222613454
سؤال أخير بقى العربية عندي عايزه سربنتية للتكيف و مش لاقيها عند اي حد حتى الان
بافكركده اجيب سربنتينة السابيا بالمروحة بتاعتها !! فكرة مش عارف ح تنفع ولا لأ
لو عملتها عموما ح اقولكم النتيجة
السلام عليكم
انا عندي مشكلة في البرايد هاتشباك
لما بادور العربية الصبح مش بدور و المارش ميشتغلش
و كأن العربية فاصلة بس البطارية كويسة و لو فضلت ضاغط علي مفتاح الكونتاكت باسمع كان فب حاجة بتلف بس ببطئ و بعد كدة تتدور و بقيت اليوم بدور كويس
لو سمحتوا المساعدة
عاوز اعرف المشكلة و حلها اية و التكلفة تقريبا كام ؟
مع الشكر
طب اجيب مارش جديد و لا ممكن يتصلح
و المارش الجديد بكام ؟؟
شكر جدا لردك
thnx alot for ur answer :)
علبة دريكسيون (اسكاترا) باور
حد عندو اي فكرة موجودة فين جديدة و ايه تجاربكم مع الاصلاح او الاستيراد
السلام عليكم
انا شاكر لكل الموجودين و اللي لما طلب مساعدة جاوبوني
انا عندي استفسار
انا عربيتي كيا برايد هاتشباك
كنت عاوز اظبط عربيتي تظبيطة لطيفة
يعني العربية محتاجة شوية سمكرة و رشة خارجي و عاوز اظبط صوت الموتور و الانوار و نظافة الفرش و هي مش باور ينفع تبقي باور و لا اية
انا عاوز اعرف اوديها لفين يتعمل فيها كل دة و كمان يكون سعر محترم؟؟؟
ياريت اللي يعرف يقولي و يقولي تكلف كام
السلام عليكم اخوك في الله احد مالكي البرايد الاصيلة والعربية والحمد الله مريحاني خالص وربنا يبرك فيها انشاء الله
طلب بسيط لو سمحت لو حد عندو دليل المستخدم للكيا برايد هاتشباك ياريت يرفعو