الدليل مرفق ,بالتوفيق
عرض للطباعة
السلام عليكم انا جبت كيا برايد سيدان موديل 2000 اتوماتيك
فكنت عايز اعرف اعملها صيانة ايه ؟؟ و ايه هو طقم السيرفس
ايه يارجال الكيا الناس فين
وياريت حد يرفع دليل الكيا هاتشباك
باشا العربية جميلة جدا انا معي 97 الهاتشباك بص اتاكد من الحالةعشان كانت تاكسي وممكن تروح ترفعها في بنزين انا عن نفسي اعرف واحدة بس في مدينة نصر
اما بالنسبة لقطع الغيار رخيص ومتوفرة بشكل كبير وتقدر تدخل علي الموضوع ده عشان تعرف معلومات اكتر واسمها محلات قطع الغير
http://www.nilemotors.net/Nile/211218-a.html
يا رجاله سؤال لولبى هل يجوز تسقيط ال 1300 بالفتيس الاوتو على الهاتشباك ؟
وبعد سنتين بعت الكيا برايد سيدان اللى معايا واللى كانت شيلانى تمام التمام بس بعتها وانا مضرر لانى كنت حبيتها (مع انها طلعت عين امى) وكان الناس كلهم بيقولولى دى خرده متسواش بصلة . حتى إدارة المنتدى (اسف يا استاذ كريم) بس على العموم معرفة الرجال كنوز. بمجرد لما حطيت اعلانها 27 تليفون عايزين يشتروها واهى مشيت وهغير ل لانسر اتوماتيك ان شاء الله.
معرفة خير باذن الله وشكرا لادارة المنتدى حتى لو كنت مختلف معاهم بعد الموقف اللى حصل.
شكرا
علشان اكون عضو فعال مع انى بعت عربيتى البرايد (مو2001 - اتوماتيك - سيدان) لازم تغيرهم ادام لسه شاريها وهتلاقيهم عند حلمى سليمان فى شارع رمسيس وسعرهم مش غالى عن تجربة.
كل حاجة عند حلمى سليمان اساسا وسعرها كويس. وفيه عندنا هنا فى حلوان عند نصار وعند محلين كمان لو عايز تعرف عنهم ممكن اقولك. أصل الواحد شاف كتير مع العربية دى وكانت اول عربية ليا. بس بأمانة عربية متينة وحلوة واسعار قطعها رخيصة
فيه واحد بتاع عفشة اسمه ممدوح وانت داخل العزبة البحرية من ناحية السكة الحديد (كأنك رايح على شارع منصور مش جاى منه يعنى) امشى شوية فى الشارع ده بتاع ناصيتين واسأل عليه. هوه كويس وشغال معاه واحد اسمه عمرو يستحسن ان عمرو اللى يعملهالك لان ممدوح مش قوى.
ممكن تكون محتاجة جوان او حاجة يعنى دى بسيطة.
وبالتوفيق ان شاء الله
يا رجالة ان اتنصب على فى عربية برايد هاتش باك لو حد عندوا قطع غيار يعطيها لى مساعدين شنطة او اى قطع غيار تيل - طنابير اى حاجة وش فانوس
السلام عليكم
تقبلونى معكم انا معايا برايد الايرانى Sapia سيدان موديل 2006
كنت عايز اعرف سعر العفشة كاملة - المساعدين - سوست - مساعدين الشنطة
ولو فيه لسته بقطع الغيار واسعارها واماكن التواجد اكون شاكر
وافضل ناس تعمل العفشة دى وتتكلف كام؟
انتو فين ياشباب البراااااااااااااايد
الشباب نايم ومش بيساعد خالص زى ما نكون من عالم وهم من عالم اخر
ايه يا جماعة هو مفيش حد هنا ولا ايه
سعر المساعدين اليابانى حوالى 370 جنية
المقصات حوالى 150 بالنسبة للكورى
مساعدين الشنطة معنديش فكرة
تجربتى مع الكاربيرتير
احببت ان اشارك معكم تجربتى مع سيارتى الغالية والكاربيرتير اللى طلع عينى فترة طويلة .اولا انا معايا عربية كيا برايد 97 هاتشباك والحمد لله زى الفل وبجيب بيها سرعة 160 وكلة تمام ولكن المشكلة بدات لما واحد ابن حلال قالى نضف الكاربيراتير ومن هنا بدات الحكاية.العربية بدات تاكل بنزين بشكل غير طبيعى حوالى 15 لتر فى 100 كيلومع العلم ان عربيتى 1150 cc ...المهم بعد هبل كتير من الصنيعية واللى يغير البكات واللى يغير البيوجيهات واللي يضبط تاكيهات لغاية ما ورمت ومفيش فايدة خالص ...واخيرا والحمد لله سمعت عن واحد اسمة ياسر كاربيراتير فى شارع باحثة البادية فى شبرا مصر قعدت عندة حوالى 3 ساعات فك الكاربيراتير وغير فية حاجت ونضفة وصلح السخان وقالى خلاص قلت لة بس كدا قال اه المهم خد 95 جنية وبعدين جربت العربية والحمدلله العربية اتضبطت بشكل كبير الاستهلاك بقى حوالى 8 لتر فى 100 كيلو والسحب ممتاز ومفيش دخان ...انا احببت انى اعمل الموضوع دا علشان الراجل دا يستحق الشكر
:0002014A::0002014A::0002014A::0002014A:
:B4_007:
انا عندي مشكلة لازم عشان اشغل التكيف يكون الار بي ام فوق الواحد ولو تحت الواحد العربية بتفصل
يعني لازم اكون بجري لو ماشي براحة او واقف العربية بتفصل
حد عنده فكرة دة من ايه دة
حاول تعلي كهرباء العربية شويه وشوف واحد بتاع كابيراتير يضبط الهواء بتاع العربية
مشكور يا فندم على تقريرك المتميز ولكن ما زلنا نحتاج لدليل المستخدم خاصة باللغة العربية .
ثانياً: هل الافضل اني اصل بغيار الفتيس الى آخره ام امشى على المكتوب فى الكتالوج ؟ فأنا مثلاً امشي على التانى الى سرعة 45 وعلى الثالث الى سرعة 70
فما رايكم:mmm:
في حاجة ب60جنيه اسمها فاكيوم تكييف او سينولايت ركبها والعربية هتظبط
فى واحد فى الحرفين وواحد تانى فى حلوان بتاع لحرافين اسمه ايمن 01222133855 والتانى وليد منصور 01008219854 وسعرهم 200 جنيه للجنب الواحد داخلى وخارجى بالاكس
السلام عليكم 000 من حد يفيدني بخصوص فتيس كيابرايدكاتش 99 مانيوال بيرجع تاني من الغيار الثاني علي المور000 كيفية حل هذه المشكلة واروح فين
السادة الافاضل اذا حبيت أغير البرايد هاتش باك مانيوال كوري 99 بسبب ان الاولاد كبروا والحمل زاد مع العلم اني لم اشتكى منها ابدا فالسؤال اجيب ايه زيها بالضبط فى كل مزاياها بس نزود الcc الي 1400-1500 وبالتالي عدد الحصان هيزيد فالبرايد 64 حصان يبقي المطلوب 84 حصان فاكثر000 اجيب ايه 000 افادكم الله
التغيير حايبقى فى حدود ميزانيتك فلازم تقول انت اخرك كام عشان تقدر تحدد حاتجيب ايه
بس على العموم انت ممكن تغير إلى الكيا برايد برضو بس السيدان وحاتبقى فى بيتها يعنى مش حاتشوف فين قطع الغيار ولا تسأل عن المحلات ونفس القصة فى الصنايعية وحاتبقى حافظها
وممكن تغير لكيا بس حاجة تانية زى ما أنا عملت وجيبت كيا سيفيا عربية محترمة جدا واعتمادية واحسن من حاجات فى نفس الفئة السعرية و88 حصان ... وعندك اللانوس والنوبيرا والفيرنا والاكسنت والشوما انت بس حدد المبلغ اللى معاك الاول
الاستاذ احمد الجندي 00 اشكر حضرتك علي اهتمامك احب أوضح لحضرتك اذا توفر مبلغ 40000 جنيه اقدر اجيب إيه واذا حبيت ابيع العصفورة النهاردة ياتري تجيب كام ( حالة ممتازة لسه جايبلها بطارية جافة امريكية جديدة من يومين - سنتر وانذار - فابريكا بالكامل - برش خارجي للنظافة - تركواز - 142000 كم - كل شي فيها بجيبه من محلات الجندي - لسه عاملها كبالن وبلي عجل امامي ياباني وتشحيم وغسل موتور وشاسيه وتغيير زيت امارات موتور وفتيس الحمد لله كل حاجة بتتعمل في وقتها ) وكمل علي ثمنها ولا ايه رايك
حضرتك تقدر تقيم سعر العربية بانك تشوف سعر السوق من كام لكام وبعدين تقارن حالة عربيتك بغيرها فتقدر تتمن .... أو ممكن تتوجه لحد يتمنهالك وفيه هنا فى المنتدى موضوع ناس كتير بترجع ليه فى البيع أو الشراء بس أنا للاسف مش فاكر هو كان فى قسم ايه
بالنسبة للمبلغ اللى معاك يقدر يجيبلك حاجة من اللى قلتلك عليها بس يستحسن عشان تجيب حالة كويسة من الحاجات دى تعيش معاك تزود كمان 5 والمقارنات ما بينهم حتلاقيها كتير جدا فى المنتدى وانت شوف متطلباتك ايه واختار ما بينهم وماتنساش تبقى تستخير كمان... اما اللى ممكن تجيبها باقل من المبلغ اللى معاك فهى البرايد السيدان بس هى اقلهم موتور لانها 1300 بس هى عملية جدا وبالنسبة ليك حاتبقى مش غريبة عنك وتعرف عنها كل حاجة
أنا عضو جديد فى المنتدى وعندى مشكلة مش لاقى ليها حل :
عربيتى كيا برايد بتبطل لما مروحة التبريد تشتغل أو لما بأنور النور العالى مع العلم أن شحن الدينامو مضبوط ومفيش أسلاك مهربة ياريت تفيدونى
السادة الاعضاء الافاضل حمدا لله علي عودة الجروب وكل عام وانتم بخير
اما بعد
كنت قلت من قبل ان الفتيس بيرجع علي المور في الغيار الثاني فقط ولما اكون داخل علي مطب وأجيب
الثاني ممكن يجي علي الفاضي فغيرت زيت الفتيس فلقيت الموضوع اتحست بنسبة 75 % يعني كان مشوار الشغل حوالي 14 كيلو كان الغيار بيدايقني علي طول ولما غيرت الزيت بقي يعلق معايا في مطبات المسافة ده حوالي 4 مرات اما الاول كان حوالي 12 مرة
ياتري ده معناه ايه 00000000 ممكن الافادة عن المشكلة وحلها
راجع الكشف علي البطارية