انا اللى اعرفه ان الفتيس لما بيبدأ يبوظ بيبتدى بالعضة ولما بيتطور بيوصل لان الغيار بيرجع تانى زى عندك .... والحل بيبقى يا اما توديها لحد متخصص فى شغل الفتيس زى صليب اللى فى شبرا أو تغير الفتيس خالص بواحد استيراد ... والله اعلم
عرض للطباعة
مرحباً بيكم يا رجاله , انا لسه مشترك في الصفحه جديد
بس عندي مشكله كبيره شويه ف العربيه بتاعتي (( برايد 2001 سيدان أوتوماتيك ))
الموضوع ده كان اول امبارح بس
العربيه كانت مظبوطه و 100/100 و فاجئه رحت غيرت زيت الفتيس علشان كان قليل أوي و بعد ما الزيت الجديد أتحط بدور لقيت دخنه شديده جداً خارجه من الشكمان و العربيه بتسقف مع كبس الأسبراتير روحت لميكانيكي قالي ده كده الماتور فوت عايز علي الأقل طقم شنبر أو ربما عمره كامله (( نفتح و نشوف ))
أنا بقي دلوقتي عايزكم تدلوني علي ميكانيكي محترم يكون متخصص كيا علشان يشوفلي العربيه الأول و بعد كده يعملي العمره
ملحوظه :- العربيه لسه شاريها من 3 أسابيع و كانت زي الفل و اللي حصل ده بدون اي سابق انذار
وشكراً ليكم علي الرد و الأهتمام
و من فضلكم تعرفوني سعر طقم الشنبر دلوقتي كام , و العمره الكامله تعمل كام برده
و لو مافيهاش رخامه سعر الموتور أستيراد كام
:018a1d~146:
لسة جايب كيا برايد العصفورة و غيرتلها طقم الفلاتر و السيور
سير كاتينة 65
بلية كاتينة 85
فلتر بنزين 20
فلتر هواء 30
طقم بوجيهات 45
جوان غطاء تكيهات 20
اويل سيل سير كرنك أمامي 25
اوي سيل سير كرنك خلفي 45
اويل سيل كامة 25
اويل سيل اورينج اسبراتير 5
من محل الدكتور مينا لقطع الغيار - شبرا مسرة
ممكن اطلب تسعير برايد
سيدان موديل 2004 - فابريكا من الداخل مرشوشة من برا ما عدا القوايم و السقف - تكييف و ازاز كهربا
و ده كل الى نعرفه عنها و لسه هنشوفها .. صاحبها عاوز 36 الف .. ايه رايكم ف السعر؟
انا كان عندى كيا برايد 97
بس بعتها من فترة
المهم انا عندى الكارتيرة البلاستيك الامامى شمال و يمين ( جديد لم يستعمل )
لو فى حد محتاجهم يبعتلى على الخاص
عندى عربيه كيا برايد سيدان اتوماتيك موديل 2001 العربيه الحمد لله كويسه انا لسه شاريها من شهر ونصف
1- الريتداتير فيه زى طحينى وده انا عارف انه زيت الماتور لان نقص انا كنت مغير زيت التعاون 3000 الاف كيلو ولما نقص زوت شيل كيلو الاحمر زيت تقيل والحمد لله الميه مش بتنقص خالص ولا العربيه مبتسخن الحمد لله الموشرالربع وبيرجع تانى وسحب كويس جدا وزيت الفتيس برده مش بينقص عشان لوحد قال منه بس هو مش بينقص
2- بشم ريحه بنزين اول ما ادور مع انى مغير بوجيهات وفلاتر ( بنزين - وهوا ) ومنظف كاربراتير
3- استهلاك البنزين من غير التكيف 170 كيلو او اكتر فى الصفيحه بس السفر بتعمل 240 واكتر لانى جربتها سحبها كويس ومع التكيف ممكن يقل عن 170 ممكن140 او 150عايز اعرف كده كويس وله لاه
4- زيت الفرامل بينقص ومحتاج ازوده كل اسبوعين على حسب مشاويرى اه السبب وهل سهل تصليحه
بس لكن هى عربيه كويس الحمد لله ومفيش مشاكل غير موضوع الزبت اللى فى الريتداتير ده ومضايقنى اكتر حاجه
ارجو الرد على الاستفسارات ده لو سمحتوا ضرورى
ارجو الرد لو سمحتوا على الاسئله ضرورى وعايز اوضح بخصوص نقص الزيت انى مفيش فى مقياس الزيت وله على غطاء الماتور اى طحينى خالص بس فى الريتداتير والاربه الميه بقع زيت فقط وانا فى ميكانيكى قال لى ده جوان وش سلندر ضرب بس لسه فى اوله وممكن تمشى بيها عادى عشان مش بتسخن اه رايكم اعمله وده تكلفته كام وافصل جوان وهل ده باثر على سحب العربيه او كفاءه الماتور والافضل اقيس كبس الماتور قبل ما اعمل الجوان عشان اتاكد اذا كان ماتور كويس وله اعمله من غير ما اقيس الكبس بتاع الماتور معلش انا بسال كتير عشان معلوماتى قليله عن العربيات
عندي مشكلة في الكاربيراتير صوته عالي والسخان دايماً شغال، الميكانيكي شاور لي على حساس في الكبوت (تحت البربريز من جهة الشمال) وقال لي إنه بايظ وهو المسئول عن الصوت العالي (واستهلاك البنزين المرعب !)
رحت لحلمي سليمان ووصفت لهم الحساس ومكانه مافهموش وقالولي أفكه وادور على واحد استيراد !
حد يعرف اسم الحساس ده إيه وممكن اجيبه منين؟
اى مشكلة فى الكاربراتير محدش يصلحها غير متخصص كاربراتير ... نصيحة روح لواحد متخصص تصليح كاربراتير وتكون سمعته كويسة فى المنطقة وبلاش تخلى الميكانيكى يفك الكاربراتير او يلعب فيه علشان ميبوظلكش السخان
السلام عليكم ورحمة الله وبركاته
السادة اعضاء الرابطة الكرام دي اول سيارة اشتريها في حياتي
انا قررت ان شاء الله تعالى اشتري عربية كيا برايد هاتشباك من موديلات التسعينات الكوري وده بعد بحث طويل ومقارنات كتير لاقيتها انسب عربية بالنسبة ليا في الوقت الحالي
واخص بالشكر أ / احمد الجندي
بس بعد إذن اصحاب البرايد كنت محتاج أسأل عن حاجتين قبل ما انزل اشتري
1- ايه افضل سنة في الكيا برايد الهاتشباك في فترة التسعينات ؟ وهل في اختلاف جوهري يخليني ابحث عن انتاج سنة معينة منهم بالتحديد ولا مش هتفرق كتير ؟
2- هل البرايد هاتشباك بها تكييف فبريكة متصنعة به ؟ لاني وجدت الكثير منها به تكييف ولا اعلم ان كان فبريكة ام ان اصحابها هم من قاموا بتركيبه ؟ وفي حالة انه متركب عليها ومش فبريكة في مشكلة ولا اشتري السيارة عادي طالما حالتها كويسة
3- في منها سيارات كتير جداً معروضة للبيع لكن في تفاوت في الاسعار فيا ترى ايه متوسط السعر للحالة المعقولة
وألف شكر مقدماً
سبحانك اللهم وبحمدك ، أشهد أن لا إله إلا أنت أستغفرك وأتوب إليك
ربنا يكرمك بحاجة كويسة ان شاء الله
1- افضل سنة هية 99 لانها اخر موديل فى الهاتشبالك الكورى وكانت فتيس 5 غيار والموديلات اللى قبل كده فتيس 4 غيار بس
2- الافضل تكييف فابريكا طبعا بس يكون شغال ومفيهوش مشاكل، بس لو تكييف متركب عليها مش وحش وشغال المهم يكون متركب كويس وطبعا دة حيبان وانت بتجرب العربية اللى حتشتريها
3- بالنسبة للبرايد الهاتشباك 1100 سى سى سعر الحالة الجيدة والفابريكا ومفيهاش مشاكل من 29 - 30 الف، وبالنسبة للحالات الشاذة اللى بتكون فابريكا برة وجوة وتكييف وماشية عداد كيلو متر قليل ومفيهاش اى مشاكل تعيبها ممكن توصل لحد 32 الف .... ومتستخسرش 500 او 1000 جنية فى حالة كويسة علشان كده كده حتدفعهم صيانات بعدين فاشترى نفسك وراحتك بيهم
وربنا يوفقك لحالة كويسة
الف شكر للرد وربنا يكرمك .. فعلاً استفدت من اجابتك
ربنا يكرمك وتلاقى حالة كويسة وتريحك ,العربية حلوة وكويسة بالنسبة لمبتدئ سواقة ومصاريف تشغيلها كويسة جدا بالنسبة لشاب بيبدأ حياتة وفوق كل دة بتسافر وبتروح كل حتة المهم تعمل صياناتها اول باول ومتخليش حد يقولك لا دى صغيرة ومبتسافرش والكلام دة .. العربية حلوة على طريق السفر بس متعديش ال 130 او 140 الا لما تكون متمكن لانها فعلا بتخف جدا بعد السرعة دى
ربنا يباركلك يا استاذ مصطفى .. هي فعلاً حجمها مناسب لأسرتي لأني لدي طفل واحد مازال صغيراً ومشاويري قريبة .. والسفر هي مرة في السنة وقت المصيف .. وبعدين موضوع انها بتخف على السرعات العالية انا مش من هواة السرعة .. وحتى لو من هواة السرعة فين الطريق اللي يسمح بكده وانت سيد العارفين .. ده الصحراوي اللي اسمه صحراوي نفسه احيانا بيتزحم وبيقف .... ربنا يصلح الاحوال .... وألف شكر على ردك
ياجماعه انا معايا كيا برايد سيدان 2001 العربيه حلوه بس الصراحه انا تعبت الفترة الاخيره من الميكانيكيه تعبوني معاهم ومش عارف حد يظبطها كويس زي الاول فبفكر اسقطلها ماتور عربيه ريو في حد عنده نصايح بالموضوع ومين خبره في الموضوع والتكلفه قد ايه واعملها فين؟ ارجو الافادة وشكرا
اخوانى عندى مشكلة فى الفتيس الغيار الرابع بينطر ويرجع للمور واتا ماشى لازم اسندة بايدى والغيار الثانى فية عضة هل يمكن اصلاح الفتيس وعند مين وعنوانة اية ورقم تلفونة ان امكن لانى من الاسماعيلية:vctry:
متابع
متابع
كل سنة وانتم طيبين، أنا جددت حاجات في العفشة وقلت اشارك معاكم أسعار قطع الغيار (مابعرفش افاصل وخدت السعر من بق صاحب المحل يادوب نزلت 50 جنيه من مجمل الفاتورة بالعافية ماليش في الفصال للأسف):
- علبة دريكسيون: 400 جنيه
- زوج مقصات كامل: 250 حنيه
- زوج مساعدين خلفي: 470 جنيه
- طقم بلي للعجل الأمامي (كل عجلة لها بلينين): 160 جنيه
- طقم بلي للعجل الخلفي (كل عجلة ليها بليتين): 120 جنيه.
كل القطع من محل الصوابي في شارع شبرا.
صباح الفل و كل سنه و انت طيب
الأسعار اللي انت حاططها معقوله بعد خصم الخمسين جنيه
لاني لسه شاري جوز المقصات ب 220 جنيه و البلي الأمامي بالأولسيهات بتاعته ب 150 جنيه خلي بالك الأولسيهات لوحدها عامله 30 جنيه .
و عندك بقي كاوتشات الميزان عامله 20 جنيه
ممكن بقي تقولي علبة الدركسيون بلد الصناعه ايه , علشان انا روحت من فتره كبيره عملت طقم صيانه و اصلاح كامل لعلبة الدركسيون بتاعتي كلفتني حوالي 450 جنيه في معروف , مش عارف بقي شكلي كده اتظبط
و كل سنه و انت طيب و كل الناس اللي معانا
السيارة اتوماتيك موديل 2002 كانت شغاله كويس وبعدين في اخر مره سافرت فيها من السويس الي القاهره ابتدت المشكلة وهي ثبات السرعة علي 40 كم وبعد فترة حوالي 5 دقايق تبتدي تمشي شوية كمان لحد70 كم وتفضل علي كده شويه وبعدين ترفع لل 100
ذهبت عند الميكانيكي فحص كل حاجة في الماكينة الكاتينة والكاربراتير واكتشف تسرب زيت الفتيس وبعد تغيير الخرطوم اللي كان بيسرب وتعبئة الزيت للفتيس مازالت المشكله موجوده
برجاء من له خبره بالموضوع الافاده وشكرا
السلام عليكم ....
دي اول مشاركة ليه في المنتدى واتمنى حد يرد عليا ..........لاني بصراحة زهقت من عربيتي وشكلي هبيعها قريب انا معايا سايبا عصفورة 2006 العربية بصراحة اقتصادية وسحبها تمام وممتازة ولكن للاسف قطع الغيار بدوخ عليها انا بنزل عند حلمي سليمان والجندي بمجرد اني بقول عصفورة ايراني يكون الرد لا مبنشتغلش في السايبا فياريت يا جماع حد يقولي مكان متخصص اكتير للسايبا واية المشترك والمختلف بين الكيا العصفورة والسايبا العصفورة تحياتي للجميع ........منتظر الرد:_Alshmokh23[1]:
السلام عليكم انا معايا كيا برايد سيدان 2004 وعندرى ايريال الكهربا بايظ وعايز اجيب ايريال تانى بس لفيت مش لاقى على العلم انا من اسكندرية ياريت حد يفيدنى
السلام عليكم
بحس برجرجة فى العربية لما اعدى بالسرعة فوق ال 90 معرفش ليه؟
وللعلم انا لسه ظابط العفشة والزوايا وضغط الكوتشات... ياترى ممكن السبب يكون ايه؟
عربيتى برايد 97 هاتش باك
يا جماعه لكل ملاك سايبااااا......قطع الغيار هاتها من التوكيل.....التوكيل متوفر فيه كل قطع الغيار......وهو ناشونال موتورز وموجود فى شارع الطيران...وكمان فيه مراكز معتمده لصانتها....وسمعت ان فيه واحد فى صقر قريش اسمه اسلام كراره بيبيع كل حاجتها......وفيه جروب على الفيس اسمه سايبا اونرز..بس اكتبه بالانجليزى.دول ملاك للعربيه
السلام عليكم ورخمة الله
انا عابز عربيه مستعملة تكون مشاكلها قليله لانها اول عربيه وفي ناس اشاروا بالكيا برايد السيدان 98 او 99
فياريت اهل الخبره بعرفوني عيوبها ومميزاتها واكون شاكر ليكم مع العلم ان المبلغ المتاح في حدود 30000
السلام عليكم ورحمة الله وبركاته
انا تجربتى مع البرايد الهاتشباك موديل 96
اول ما جبتها كانت كويسه ومفيش اى مشاكل مرة واحده برجع بالعربريه للوراء
حسيت ان فيه معركه فى العربيه من تحت وحاجات عماله تتكسر
واحد قريبى اتصلت بيه قالى انا جايلك وفعلا بعدها بدقايق لقيته جنبى قالى دى قاعده الماتور اللى تحت الدريبوكس
العربيه ليها 3 قاعدات اتنين مدورين واحده فى الجنب اليميين والتانيه قدام جنب الريداتير
والتالته تحت الدريبوكس ودى مربعه
المهم رحت جبتهتا من شارع صلاح الدين فى اليكس ب 65 جنيه وركبتها وبقت زييى الفل الحمد لله
التجربه التانيه لقيت زيت نازل من الجنب الشمال رحت للميكانيكى قالى اويل سيل الكوبلن الشمال
قمت مغير الاتنين الواحد ب 10 جنيه تمنه
التجربه التالته ودى الاخيره الكاربراتيير نظفته لان العربيه كانت بتستهلك بنزين كتير وفيه بنزيين نيئ
ودخان اسود فى الجكمان
طبعا العربيه الحمد لله ما شاء الله بعد الموضوع دا ما اتعمل العربيه اختلفت تماما
سحب العربيه زاد واستهلاكها بقى اقل والعربيه نعمت معايا
والله المستعان
انا اشترين عربيه كيا برايد 99 من شهر والعربيه ماشاء الله حلوه وحالتها كويسه من فضل الله
بقالها تقريبا 10 ايام بتاكل بنزين جامد روحت نضيفت الكاربرتير وبردو المشكله مستمره
رجاء الافاده اعمل ايه خاصه ان دى اول عربيه اشتريها ومعلوماتى زيرو
وياريت تدلونى على ميكانيكى كويس فى محيط جسر السويس
واشكركم مقدما
:orangeabli:
غير البوجيهات
السلام عليكم ورحمة الله وبركاتة
لو سمحتو كان عندي سؤال بخصوص :-
انا قدامي عربية كيا برايد سيدان مودل 99 كل حاجة فيها تمام علي كلام صاحبها بس الماتور محتاج عمرة هل ترشحولي اشتريها ولو هشتريها بكام ؟؟؟ هو الرقم اللي عرضو 31000 وطبعا هنزل معاه جامد انزل لحد كام ؟؟؟ ولو هشتري ماتور استيراد دة سهل ومتوفر ولا صعب ؟؟ ولو متوفر سعرو كام بتركيبو واجيبو منين
ولو حبيت أكشف عليها قبل ما أشتريها علشان اتاكد منها اكشف عليها فين وازاي
اسف جدا علي الأطالة ومتشكر ليكم جداً
رجاء سعر طقم مساعدين امامي وخلفي + 2 مقص ....كيا برايد سيدان 2000
السلام عليكم يا جماعه
انا عضو جديد معاكم ويشرفنى الانضمام اليكم بالطبع
انا معايا كيابرايد 2000سيدان اتوماتك وهى عربيه جميله فعلا بس انا تعبان مع الميكانيكه لجهلهم فكنت بفكر اروح للتوكيل
فهل ياترى فى توكيل للكيابرايد وفين ووسيله الاتصال وهل هو غالى ولا لا
ولو مفيش توكيل فى حد يعرف مركز صيانه محترم وامين واهم حاجه الامانه مع العلم انى ساكن فى نطاق حى مصر الجديدة
معلش يا جماعه ارجو ا الافاده وبسرعه
شكرا :_Alshmokh22[1]:
السلام عليكم انا اشتريت عربيه كيا برايد سيدان من حوالى 3 أسابيع موديل 98 العربيه كانت مع واحده بس كانت مهمله اوى فيها وانا تقريبا عملت فيها كل حاجه من أول وجديد يعنى بدون الرفاهية العربيه كلفت 5000 جنيه تقريبا بس الحمد لله رجعتها لإصلها بنسبة 90 % واسمحوا ليا انى إنضم للرابطه واللى عايز أى استفسار يسألني لانى تقريبا من اللى شوفوا مع العربيه بقى عندى خبرة فيها بنسبة 60 % فا ممكن اقدر افيد
بتوع الكيا فى المعادى فى شارع احمد زكى الهانى اول الشارع بجانب مدخل شارع 77 والأيمان فى نفس الشارع بعد كشرى لوكس والصفوة فى صقر قريش
بس انا عندى مشكلة الار بى ام فى الكيا البريد 2002 اتوماتك بيعلى ويوطى لوحدة والعربية بتبطل على السلانسية مع كسر الدركسيون والفرامل والنقل d او r واتضح ان ولا الباور ولا الفرامل او السرفو ولا الفتيس ليهم دعوة بالعطل وانا شاكك فى حساس السلانسية اللى فى الكربيراتير والمكانيكى بيقولى لا كانت العربية تبطل فورا مش تعلى وتوطى او يمكن الشفاط بيعلق ياريت حد يساعدنى لو واجة نفس المشكلة
عندى مشكله مع اﻻسبراتير وتوصيل الكهرباء للموتور
انا كنت بفكر اجيب كيا برايد سيدان اوتو ماتيك ايه رايكم بالنسبة لاستعمال عائلي وايه رينج السعر بتاعها وتنصحوني بايه عموما خصوصا ان اللي هتسوقها بنت ،،،، وشكرا ليكم مقدما