رابطة ملاك الكيا برايد - كلاكيت تانى مرة!

**mohamed shawky** · 13-04-2014 02:25 PM

السلام عليكم ورحمة الله وبركاته
السادة اعضاء الرابطة الكرام دي اول سيارة اشتريها في حياتي
انا قررت ان شاء الله تعالى اشتري عربية كيا برايد هاتشباك من موديلات التسعينات الكوري وده بعد بحث طويل ومقارنات كتير لاقيتها انسب عربية بالنسبة ليا في الوقت الحالي
واخص بالشكر أ / احمد الجندي
بس بعد إذن اصحاب البرايد كنت محتاج أسأل عن حاجتين قبل ما انزل اشتري
1- ايه افضل سنة في الكيا برايد الهاتشباك في فترة التسعينات ؟ وهل في اختلاف جوهري يخليني ابحث عن انتاج سنة معينة منهم بالتحديد ولا مش هتفرق كتير ؟
2- هل البرايد هاتشباك بها تكييف فبريكة متصنعة به ؟ لاني وجدت الكثير منها به تكييف ولا اعلم ان كان فبريكة ام ان اصحابها هم من قاموا بتركيبه ؟ وفي حالة انه متركب عليها ومش فبريكة في مشكلة ولا اشتري السيارة عادي طالما حالتها كويسة
3- في منها سيارات كتير جداً معروضة للبيع لكن في تفاوت في الاسعار فيا ترى ايه متوسط السعر للحالة المعقولة
وألف شكر مقدماً
سبحانك اللهم وبحمدك ، أشهد أن لا إله إلا أنت أستغفرك وأتوب إليك

**mostafa_wahid** · 15-04-2014 12:04 AM

ربنا يكرمك بحاجة كويسة ان شاء الله
1- افضل سنة هية 99 لانها اخر موديل فى الهاتشبالك الكورى وكانت فتيس 5 غيار والموديلات اللى قبل كده فتيس 4 غيار بس
2- الافضل تكييف فابريكا طبعا بس يكون شغال ومفيهوش مشاكل، بس لو تكييف متركب عليها مش وحش وشغال المهم يكون متركب كويس وطبعا دة حيبان وانت بتجرب العربية اللى حتشتريها
3- بالنسبة للبرايد الهاتشباك 1100 سى سى سعر الحالة الجيدة والفابريكا ومفيهاش مشاكل من 29 - 30 الف، وبالنسبة للحالات الشاذة اللى بتكون فابريكا برة وجوة وتكييف وماشية عداد كيلو متر قليل ومفيهاش اى مشاكل تعيبها ممكن توصل لحد 32 الف .... ومتستخسرش 500 او 1000 جنية فى حالة كويسة علشان كده كده حتدفعهم صيانات بعدين فاشترى نفسك وراحتك بيهم
وربنا يوفقك لحالة كويسة

**mohamed shawky** · 15-04-2014 11:13 AM

الف شكر للرد وربنا يكرمك .. فعلاً استفدت من اجابتك

**mostafa_wahid** · 16-04-2014 02:12 AM

ربنا يكرمك وتلاقى حالة كويسة وتريحك ,العربية حلوة وكويسة بالنسبة لمبتدئ سواقة ومصاريف تشغيلها كويسة جدا بالنسبة لشاب بيبدأ حياتة وفوق كل دة بتسافر وبتروح كل حتة المهم تعمل صياناتها اول باول ومتخليش حد يقولك لا دى صغيرة ومبتسافرش والكلام دة .. العربية حلوة على طريق السفر بس متعديش ال 130 او 140 الا لما تكون متمكن لانها فعلا بتخف جدا بعد السرعة دى

**mohamed shawky** · 16-04-2014 12:30 PM

ربنا يباركلك يا استاذ مصطفى .. هي فعلاً حجمها مناسب لأسرتي لأني لدي طفل واحد مازال صغيراً ومشاويري قريبة .. والسفر هي مرة في السنة وقت المصيف .. وبعدين موضوع انها بتخف على السرعات العالية انا مش من هواة السرعة .. وحتى لو من هواة السرعة فين الطريق اللي يسمح بكده وانت سيد العارفين .. ده الصحراوي اللي اسمه صحراوي نفسه احيانا بيتزحم وبيقف .... ربنا يصلح الاحوال .... وألف شكر على ردك

**promise2008** · 10-05-2014 02:43 AM

ياجماعه انا معايا كيا برايد سيدان 2001 العربيه حلوه بس الصراحه انا تعبت الفترة الاخيره من الميكانيكيه تعبوني معاهم ومش عارف حد يظبطها كويس زي الاول فبفكر اسقطلها ماتور عربيه ريو في حد عنده نصايح بالموضوع ومين خبره في الموضوع والتكلفه قد ايه واعملها فين؟ ارجو الافادة وشكرا

**gehadhemdan** · 12-05-2014 06:19 PM

اخوانى عندى مشكلة فى الفتيس الغيار الرابع بينطر ويرجع للمور واتا ماشى لازم اسندة بايدى والغيار الثانى فية عضة هل يمكن اصلاح الفتيس وعند مين وعنوانة اية ورقم تلفونة ان امكن لانى من الاسماعيلية

**محمود سامح** · 26-06-2014 03:13 AM

متابع

**محمود سامح** · 26-06-2014 03:25 AM

متابع

**TaoTao** · 19-07-2014 04:56 PM

كل سنة وانتم طيبين، أنا جددت حاجات في العفشة وقلت اشارك معاكم أسعار قطع الغيار (مابعرفش افاصل وخدت السعر من بق صاحب المحل يادوب نزلت 50 جنيه من مجمل الفاتورة بالعافية ماليش في الفصال للأسف):
- علبة دريكسيون: 400 جنيه
- زوج مقصات كامل: 250 حنيه
- زوج مساعدين خلفي: 470 جنيه
- طقم بلي للعجل الأمامي (كل عجلة لها بلينين): 160 جنيه
- طقم بلي للعجل الخلفي (كل عجلة ليها بليتين): 120 جنيه.
كل القطع من محل الصوابي في شارع شبرا.