الموضوع: رابطة ملاك الكيا برايد - كلاكيت تانى مرة!

السلام عليكم
انا لسه عضو جديد فى المنتدى وبردو فى العربيات وقعدت ادور على عربية نضيفة وواسعة واقتصادية وكمان انا كنت عامل حادثة واصبت فى رجلى الشمال انكسرت فلاقيت كيا سيدان 2001 اتوماتيك وكشفت عليها بس بصراحة انا مستريحلها قوى مش عارف ليه.
المهم بعد الكشف لقيت فيها برومة فى العتب بس لما سألت السمكرى قالى ممكن تتعالج ببساطة باستبدال العتب بواحد تانى يخرطه علشان مبيوظش الفبريكة بتاعة القوائم.
لى كام سؤال كده كمبتدأ:
- انا مشيت بالعربية وفرامل اليد مرفوعة ياترى يحصل حاجة فى العربية؟
- الكوتشات حاسس انها مهوية شوية ... اروح البنزينة ولا برة أحسن؟
- الاشارات الجانبية كنت مدى اشارة يسار وفجأة لقيت الاشارة فصلت لوحدها وبعدين رجعت نورت لوحدها ولما اضعها فى المنتصف تدى اشارة يمين وشمال وترجع تقف خايف لاحسن يكون فيه حاجة فى الكهرباء .... اروح لكهربائى ولا ايه؟

فى انتظار رد الخبرة السابقة

المشاركة الأصلية كتبت بواسطة msunix

السلام عليكم
انا لسه عضو جديد فى المنتدى وبردو فى العربيات وقعدت ادور على عربية نضيفة وواسعة واقتصادية وكمان انا كنت عامل حادثة واصبت فى رجلى الشمال انكسرت فلاقيت كيا سيدان 2001 اتوماتيك وكشفت عليها بس بصراحة انا مستريحلها قوى مش عارف ليه.
المهم بعد الكشف لقيت فيها برومة فى العتب بس لما سألت السمكرى قالى ممكن تتعالج ببساطة باستبدال العتب بواحد تانى يخرطه علشان مبيوظش الفبريكة بتاعة القوائم.
لى كام سؤال كده كمبتدأ:
- انا مشيت بالعربية وفرامل اليد مرفوعة ياترى يحصل حاجة فى العربية؟
- الكوتشات حاسس انها مهوية شوية ... اروح البنزينة ولا برة أحسن؟
- الاشارات الجانبية كنت مدى اشارة يسار وفجأة لقيت الاشارة فصلت لوحدها وبعدين رجعت نورت لوحدها ولما اضعها فى المنتصف تدى اشارة يمين وشمال وترجع تقف خايف لاحسن يكون فيه حاجة فى الكهرباء .... اروح لكهربائى ولا ايه؟

فى انتظار رد الخبرة السابقة

أولا ألف مبروك على البرايد :) وربنا يديلك خيرها ويكفيك شرها.
بالنسبة لموضوع البارومة ... هو كان يستحسن تركز فيها قبل ما تشترى بس طالما العربية خلاص معاك ... اعمل زى السمكرى ما بيقولك بس خلى بالك بعد كده نضفها باستمرار وماتسيبش عليها طينة او مية فى الأماكن اللى قريبة من البارومة علشان البارومة ماتسرحش

وبالنسبة لفرامل اليد طالما مرة وعدت عادى ... بس ماتعملهاش كتير :)

الكاوتشات روح لأى حد مش فارقة المهم ركز فى الضغط وفى الغالب عربيتك باور فخلى الضغط على 28 احسن

وبالنسبة بقى لحكاية الاشارة آة اكيد روح لكهربائى واعتقد كده والله اعلم يعنى ان المشكلة ممكن تكون فى الدراع نفسه بتاع النور

المشاركة الأصلية كتبت بواسطة المناور

أنا شايف انه كفاية نوم لغاية كده ونصحصح شوية بقى

والله يا مناور المشكلة فى رمضان الوقت بيبقى ضيق جدا الواحد بيبقى عنده حاجات كتير عاوز يعملها ومش لاحق :( وانا دايما مبعرفش اظبط مواعيد نومى فى رمضان فبتلاقينى ماشى طول الشهر تايه انا اليومين دول ببقى ماشى مركز فى العربيات والناس بس ... الطريق بالنسبة لى عادى ... مطبات بقى حفر .. بلبسها كلها ... حاسس ان انا على رمضان ما يخلص هلاقى العفشة كلها راحت وربنا يستر