الموضوع: رابطة ملاك الكيا برايد - كلاكيت تانى مرة!

المشاركة الأصلية كتبت بواسطة a.elsawaf

طمنتونى :) ... انا كنت عارف ان تقريبا كلها واحد بس كان الخلاف على موضوع السيور انها مش واحدة بس انما كده فى إجماع :) .. ولو مطلعش هو هعمل بنصيحتك يا أيمن واشوف الرقم اللى عليه واجيب زيه.

الكونسول ده اللى هو المسند اللى بين الكرسيين اللى قدام .. انا معنديش كونسول فإيدى اليمين بتتعبنى من الشعلقة قلت اجيب واحد بس مش عارف اركبه وحاسس انى شكلى وحش اوى وانا مش عارف اركب كونسول كده :d

اها زي مسند الحاجة الساقعه كدا
تمام بس حضرتك لقيت مقاس علي اد الحته اللي بين الكرسيين بالظبط !!!!!
هادور لحضرتك كدا علي فيديو لطريقه التركيب و ان شاء الله يركب و عادي لو ما نفعش الواحد ما بيتعلمش ببلاش بردوا

المشاركة الأصلية كتبت بواسطة a.elsawaf

طيب ما تقولنا كده ايه اللى حصل معاك علشان نستفيد وربنا ما يوقع حد فيها.

العربيه كانت بتسخن علي الاخر لدرجه ان عداد الحراره بيوصل للتلات تربع و بطر اقفل العربيه و اسيبها شويتين تلاته .رحت لواحد قالي دا الردياتير مخروم و بص الصدي اللي عاملو قلتولو اشطه الحموا ف الاول قالي مش نافع و هاركبلك واحد جديد قولتلو لا اللحمو ف الاول قالي لا و بعدين راح لحمو يومين بالظبط و رجعت العربيه تسخن تاني رحتلو تاني قالي دا في خرمين كمان هالحمهوملك و كلو هايبقي تمام و بردوا مافيش يومين رجعت ريما لعادتها الاديمه ف رحت للميكانيكي بتاعنا قالي دول حراميه الردياتير اصلا دايب مش مخروم ولا حاجة و لازم يتغير و هوا كان بيقولي مخروم عشان يقبض فلوس و خلاص و غرمني ابن الازينه 25 جنيه علي الخرم الواحد ههههه يالله المهم غيرت الردياتير و مالقتوش الا عند الجندي اللي ف جسر السويسدا بعد مالفيت مصر كلها لدرجه اني كنت بقول لو ماقيتوش هاجيب اي واحد بتاع اي نوع تاني و خلاص و خدتوا مش فاكر بكام بس هابص علي الفاتورة و ابقي اقلوكوا و ركبتو بس كانت المياه بتخلص منو بطريقه غريبه جدا بس طلع من غطا الردياتير مش حلو بيسرب البخار ف الضغط جوا الردياتير مش متعادل ف مش بياخد ميا من القريه
المهم دي حكايتي مع الردياتير و يا ريت اللي بعد الشر عندو حاجة فيه يروح لواحد ابن حلال علي طول بدل ما يدوخ السبع دوخات عند ناس مالهاش ضمير
و ربنا مع الكل ان شاء الله

المشاركة الأصلية كتبت بواسطة h a r d

السلام عليكم
يارب الجميع يكون بخير
انا بس لفت انتباهى موضوع الجركن ده
فعاوز انصح نصيحه انا شايف ان فى الجركن شويه صغيره فخمنت انك حطيتوا كلوا

بس غلط انك تحط ال 4 لتر كلهم او 3 لتر حسب الريداتير ميه خضرا بس
الميه الخضرا يجب الا تتعدى واحد لتر والباقى ميه عاديه او ميه مقطره
ولو عاوز تبعد اكتر عن مشاكل الميه الخضرا يبقى هتجيب ميه مقطره
والميه المقطره مش بتاعت البطاريات ولكن بتاعت التكييف

الميه الخضرا بس مش بتعمل بس على عدم تكون الصدا بس بتعمل على ازاله الصدى وبتكون حاميه على لردياتير
فازاله صدى هيسدلك الردياتير غير انها حاميه عليه
عشان كدا بنقول واحد لتر بس معاه ميه مقطره او مياه عاديه

بالتوفيقـ

يعني غلط تبقي المياه كلها خضرا
و مافيش انواع خفيفه ولا لازم نحط حبه علي حبه
هوا في فرق بين مياه التكييف و المياه المقطره العاديه

المشاركة الأصلية كتبت بواسطة maramiros

السلام عليكم يا رجالة البرايد -- أنا أمير من اسكندرية وبشتغل في القاهرة -- أنا قريت كل الموضوع وبسم الله ما شاء الله مجهوود رائع -- فينكم من زماان أنا كنت محتاج لحاجات كتيير أوي أسأل عليها -- بس الحمد لله سألت وعرفت صنايعية كويسيين -- أنا معايا كيا برايد سيدان 2003 أوتو -- عاملة دلوقتي حوالي 60 ألف كيلو عشان مش بمشى بيها كتير لظروف السفر -- العربية دي صبورة جدا وبتستحمل طناش الصيانة وقطع غيارها رخيصة جدا -- بس مشكلتها الوحيدة ان مافيش ناس كتير بتفهم فيها حقيقي -- كلو يقولك "هو في حد ما بيفهامش في البرايد !! " وهاتك يا فتي -- المهم أنا عاوز أفيد الناس -خاصة الأسكندرنية اللي زي- عشان القاهرة واسعة و أسهل كتيير انك تلاقي حد يحل مشكلتك
أولا: كان عندي مشكلة في التكيييف -- الكمبرسور البلية خشنة -- بتعمل صوت عالي وقطعت السير من كتر الخشونة -- جبت سير قصير وفصلت التكييف مؤقتا عشان قالولي ان الكمبرسور كله لازم يتغير! -- بعد سنة كاملة روحت لواحد اسمه أحمد العريبي قدام أرض معارض كوته عند مجمع الكليات النظرية في اسكندرية -- شاب محترم جدا وشغال مع عمه -- الراجل كان واضح انه أول مرة يشتغل في البرايد -- عشان كده أخد شوية وقت لكن عمره ما هيسلم العربية فيها عيب -- وفاهم نظرية التبريد كويس جدا -- والكمبرسور نفسه ماكنش المشكلة -- المشكلة في شوية أجزاء تانية راكبة عليه زي الملف والطارة كانت معوجه والبلية برده كانت عايزة تتغير -- وكانت كهربة العربية "الكتاوت" بتهرب -- جاب كهربائى بص عليها وصلحها عشان هو شغله تكييف بس -- المهم التكييف رجع تانى الحمد لله جامد -- وعملى كشف حساب بكل حاجة اشتراها وركبها -- وقالي انو حفظ العربية خلاص وبلاش حد يشتغل فيها غيره
ثانيا: شغل الميكانيكا في اتنين كويسيين -- واحد في الورديان علي شريط ترام البلد اسمه الأسطى رضا ودا غيرلى بلى العجل القدماني بعد ما كنت غلبت في القاهرة عند واحد ف مدينة نصر وكلفنى 750 جنيه تمن ركبتين كامليين استيراد من الحرفيين وبرده صوت البلي رجع تانى -- أما رضا غيرلي بس البليتيين ب 80 جنيه والمشكلة اتحلت !!!
وفي واحد تانى فى ميامي شارع أبوقير بعد ميدان جيهان أول شارع يمين على ناصيته اسكندريه للمفروشات -- ادخل الشارع ده لحد ما تلاقى صيدلية دالاس على شمالك اكسر شمال -- اسمه الأسطى فايز
التوكيل -كيا- رحته بس عشان غيار زيت الاوتوماتيك
اسف على الاطالة ويارب اكون أفدتكم

منورنا والله يا استاذ أمير
ايوة كدا عايزين الموضوع يسخن و الناس كلها تخش تشاركنا و حضرتك والله قلت الي فيها العربيه بتستحمل كناش الصيانه كتير جدا جدا جدا احنا قعدنا 10 سنين ما غيرناش غير الزيوت و الكبالن و كاوتش و بطاريات الحاجات العاديه يعني بس من سنتين اهوه فؤقت من الغيبوبه و خدت الفلوس و صرفت شويه عليها عشان تبقي عروسه
و الف شكر علي العناوين دي انا مش من اسكندريه بس بنروح هناك علي طول عند قرايبنا و عايزين نشوف حضرتك هنا علي طول بقي
بالتوفيق

أنا كاتب المشاركة دى مخصوص علشان ارحب بعصام (Hard) اللى منورنا فى رابطة البرايد .

يا شباب البرايد وصيتكم عصام اياكم تسيبوه ده مرجعية ميكانيكية خطيرة وأنا لما ارجع من الشغل بإذن الله حاجيلكم تانى.

المشاركة الأصلية كتبت بواسطة h a r d

بص يا باشا مياه التكييف هيا ميه مقطره وتبقى احسن من الميه الخضرا
ديه نقطه
النقطه التانيه فى ميه مقطره جاهزه بتتباع
النقطه الثالثه عشان تجيب ميه خضرا خفيفه مش هتلاقى
هتلاقى كل الى موجود جراكن كبيره 4 لتر او جراكن صغيره واحد لتر والنسبه بتعتهم مش بتبقى مخففه
انا كنت بخط الجركن كامل على فكره ميه خضرا
لحد معرفت من واحد انوا غلط ومقتنعتش ولما رحت انظف الريداتير لقيتوا بيحط واحد لتر بس واستغربت وكنت مدايق جدا
رحت واحد تانى لقيتوا اكدلى المعلومه ديه غير انى قريت فى المنتدى عليها

فانا عندى حط ميه مقطره احسن من الميه الخضرا لاما واحد لتر ميه خضرا مع ميه عاديه

دا انا جبت جركن سعودي امبارح بالليل 4 لتر اروح ارجعوا بقي و اجيب واحد 1لتر و اقولو عايز مياه مقطره للتكيف و هابقي اروح بيهم المحطه عشان ينضفولي الردياتير و يحطولي دول و هابقي اقولكم ان شاء الله عالنتيجه

المشاركة الأصلية كتبت بواسطة may_moon911

منورنا والله يا استاذ أمير
ايوة كدا عايزين الموضوع يسخن و الناس كلها تخش تشاركنا و حضرتك والله قلت الي فيها العربيه بتستحمل كناش الصيانه كتير جدا جدا جدا احنا قعدنا 10 سنين ما غيرناش غير الزيوت و الكبالن و كاوتش و بطاريات الحاجات العاديه يعني بس من سنتين اهوه فؤقت من الغيبوبه و خدت الفلوس و صرفت شويه عليها عشان تبقي عروسه
و الف شكر علي العناوين دي انا مش من اسكندريه بس بنروح هناك علي طول عند قرايبنا و عايزين نشوف حضرتك هنا علي طول بقي
بالتوفيق

1000 شكر يا باشا