الموضوع: رابطة ملاك الكيا برايد - كلاكيت تانى مرة!

المشاركة الأصلية كتبت بواسطة ahmadm

معلش على التأخر فى الرد الوالدة كانت مريضة و كدة و الحمد لله بقت تمام :)

المهم ايوة يا باشا ال glx هيىة اللى فيها سبويلر بس بصراحة معرفشي ال gl تنقص اية بس اعتقد اي اوتوماتك بتكون كاملة و الله اعلم

أنا بقى فضلت اراقب أى كيا برايد عليها glx وطلعت كلها الاوتوماتيك بتاعتك فعرفت ان ال gl اللى هيا المانيوال العادية

المشاركة الأصلية كتبت بواسطة ahmadm

السلام عليكم فية عربيات كيا برايد مش بيكون راكب لها مروحة تبريد على السربنتينة من الاساس معتمدين فى التبريد بتاعها على الهوا اللى داخل للعربية لما بتمشى و دة هايخلى التكيف عند ك شغال وحش و خصوصا لما تقف فى الزحمة هيطلعلك هوا سخن بس

1- لو مافيش مروحة على السربنتينة اشترى واحد و بتاه التكييف يركبها هية بتركب من جوة على السربنتية و راعى ان حجمها يكون مناسب هات على اد المقاس فية نوع يابانى اسمة سي بل موجود عند اولاد عللام فى القاهرة فى ش جسر السويس قريب من المستشفى العسكري .

2- اكشف على الكباس و مواسير الفريون عشان ممكن يكون الفريون بيتسرب من الكباس

3- اتاكد ان الثرموستات بيشتغل و بيفصل عشان هو لو شغال على طول او لو بيشتغل مدة كبيرة جدا و بعدين يفصل دة بيأسر على استهلاك البنزين جدا جدا جدا الثموستات دة موجود تحت طبلوة العربية عدل فى الشمال

فية منة نوعين اوتوماتيك و منوال الاصلى طبعا الاتوماتك .


4- خلى بالك من مروحة السربنتية لازم لما تشتغل تاخد الهوا السخن من السرنتينة و ترمية على الموتور مش العكس و الا فى الحالة دية مروحة الراديتير تسحب الهوا السخن من الرادياتير و مروحة السربنتينة تاخد الهوا السخن تسخنلك السربنتينة ولا اكننا عملنا حاجة طبعا :)

و الله اعلم

ايوه بقى هى دى الخبرة الميكانيكية اللى كانت الرابطة محتاجاها

المشاركة الأصلية كتبت بواسطة ahmadm

انا بعمل صيانة دورية فى التوكيل كل 10000 كيلو و فى النص بظبط اة حاجة ما تعحبنيش عند ميكانيكي اعرفة كويس زيت و سيور و بطارية وكاوتش بالجدول و المواعيد ودة سبب ان الموتور بتاع العربية بيقدر يفل العداد و هية عاملة دلوقتى 65 الف

المشاركة الأصلية كتبت بواسطة ahmadm

نصيحة لاخوانى الاعزاء حفظهم الله مالكى السيارة كيا برايد ان لا يبخلو عليها بالصيانة حتى لا يصيبها الامراض و الاوجاع و اللى بالتالى بتتحول الى اوجاع لينا لما تنزل تدور و تلاقيها مش رادية و انت فى امس الحاجة ليها ارجوكم حافظو على مواعيد تغيير الزيت الجو بدا يحرر جامد جدا و دة هايخللى الزيت يحل اسرع ما حدش يسيب العربية تسخن منة امتة اخر مرة غسلت فيها الرادياتير ؟؟؟؟ و بتحط مية خضرا ولا حنفية ؟؟؟؟؟ الرادياتير النضيف يخلى العربية ما تسخنشي و اكيد بنشوف كتير واقفين على كوبري 6 اكتوبر حالهم واقف و موقفين حالنا صون العربية تصونك و ربنة يستر علينا جميعا يا جماعة فية حاجة اسمها انى ما اغيرشي السيور فى المواعيد !!!! دة لو سير اتقطع هاتبقى كارثة تخيل لو راكب مع المدام او الوالدة و على الدائري مثلا لا لا لا لازم نهتم بعربياتنا اكتر من كدة و الا احنا الخسرانين و بعدين يا رجالة العربية قطع غيارها رخيصة فا يا ريت ما نستخصرشي فيها حاجة :) و الله الموفق :)

يا باشا أنا كنت سألتك عن التوكيل قبل كده وماجوبتنيش
أنت بتروح انهى توكيل؟ واخبارهم ايه فى الصيانات ؟ وهل بيقبلوا الكيا القديم ولا لأ؟