رابطة ملاك الكيا برايد - كلاكيت تانى مرة!

**A.Elsawaf** · 13-06-2011 09:29 AM

المشاركة الأصلية كتبت بواسطة essam2222

بشمهندس صواف متشكر جدا على الكتالوج الجميل اللى حضرتك نزلته بس معلش انا اسف على الطلب دا لو امكن بخصوص الجدول بتاع الصيانة اللى مكتوب فى الكتالوج لو امكن تكتبه فى الرد عادى لانى بصراحة مش قادر افك طلاسم الجودل الغريب دا.
يعنى الفلتر يتغير اد اية والسيور والحجات دى كلها.
ودى بجد تبقى خدمة جميلة جدا.
ومبروك على العربية لانها بجد جاية من صديق عزيز والحاجة الاتنية انها الحمد لله عربية فى منتهى الجمال ولو فى اى ملاحظات انا تحت امرك احنا سيباوية زى بعض ونعتبر نفس الموديل. وكلنا ان شاء الله تحت امر بعض.

يا سيدى عادى اطلب براحتك ... وبعدين انت تقول بلاش رسميات وتيجى تقوللى باشمهندس .. يا راجل كبر دماغك .

والله يبارك فيك وطبعا كلنا هنا تحت امر بعض :)

وادى الجدول بتاع الصيانة بالعربى فى الصورة اللى جاية دى.

**A.Elsawaf** · 13-06-2011 10:32 PM

المشاركة الأصلية كتبت بواسطة a.elsawaf

يا سيدى عادى اطلب براحتك ... وبعدين انت تقول بلاش رسميات وتيجى تقوللى باشمهندس .. يا راجل كبر دماغك .

والله يبارك فيك وطبعا كلنا هنا تحت امر بعض :)

وادى الجدول بتاع الصيانة بالعربى فى الصورة اللى جاية دى.

الكلام ده كان بالنسبة لكتالوج كيا برايد .. كتالوج السايبا اللى مكتوب فيه
برضه سير الكاتينة 100 ألف
سائل التبريد كل سنتين(بس اعتقد كل سنة احسن)
فلتر الهواء تنضيف كل 3 آلاف وتغيير كل 10 آلاف
دى الاختلافات بينهم بس.

**أحمد الجندى** · 13-06-2011 11:38 PM

المشاركة الأصلية كتبت بواسطة essam2222

السلام عليكم ورحمة الله:
انا اسمى عصام ومعايا برايد سوبيا او سايبا بس خليها سوبيا عشان اصحابى بينادوا على عربيتى بابيك ا سم سوبيا.
هى موديل 2009 وجبتها مع الاستاذ الصديق الغالى الاستاذ توفيق اللى بجد لة كل جزيل الشكر فى نصيحه الخالية واللى خلانى بجد احب العربية وكنت بمشى فى كل نصيحه الغالية .
وطبعا انا فوجئت بانه باع العربية بس الحمد لله رب العالمين على كل شئ يمكن الحاجة الوحيدة اللى زعلان فيها انه مش حيكون موجود بمشاركتة المميزة بس بازن الله هو مش حيتنسى ابدا وطبعا البشمهندس الصواف هو الخير والبركة بعد الاستاذ توفيق والف مبروك للعربية وبجد بسم الله ماشاء الله انتا اخترت عربية فى منتهى الجمال من حيث قوة الماتور والتكييف وربنا يحافظ عليك ويكقيك شرها.
وبشكر طبعا صاحب الرابطة الاستاذ المناور الراجل المحترم وبشكر كل اخواتى فى البرايد وبجد فكرة التقاء الكياوية مع بعض فكرة فى منتهى الجمال.

وعليكم السلام ورحمة الله وبركاته أهلا بيك يا عصام معانا فى الرابطة وبإذن الله تفيد وتستفيد وأنا فى شوق والله لمقابلة الناس الجميلة اللى فى الرابطة اللى كل يوم بتحلو بانضمام زميل جديد

**أحمد الجندى** · 13-06-2011 11:46 PM

احنا كده بقى فيه شبه اتفاق على المقابلة مش فاضل غير جون ولغاية اما يجى عايزين نعرف انتم ناويين على مقابلة عاملة ازاى ؟ يعنى فيه ناس بتعمل مقابلتها فى بحة بس دى تضرب الاكلة من هنا وحاتفصل مالا يقل عن 24 ساعة ، فيه ناس بتروح تتقابل فى الرحاب يقعدوا قعدة حلوة وفيه اماكن فاضية لو حد عايز يجرب عربية حد تانى ، وفيه مقابلة بتبقى فى مركز البولنج ، وفيه مقابلة اللى كنت فيها مع شباب السيفيا دى كانت فى التوفيقية روحنا لفينا فى السوق واللى محتاج حاجة جابها والناس بصت على عربيات بعض وساعدوا اللى محتاج مساعدة وبعدين قعدوا على قهوة ، دى المقابلات اللى انا شوفتها واكيد فيه تانى فى بقية الاقسام ممكن ابقى الف لفة اشوف ايه النظام وطبعا باب الاقتراح مفتوح لأى رأى تانى

**ahmadm** · 14-06-2011 08:27 AM

السلام عليكم صباح الخير جميعا

امبارح بجرب رشاش المية بتاع المساحات لاقيتة مش شغال خالص و الفيوز سليم و المساحات شغالة عادى مش عارف اية المشكلة لو حد عندة افكار يا ريت يساعدني و شكرا مقدما :)

**أحمد الجندى** · 14-06-2011 10:09 AM

وعليكم السلام ورحمة الله وبركاته

ممكن يكون مسدود..... راجع على الرشاش والخرطوم والقربة.

**ahmadm** · 14-06-2011 07:00 PM

المشاركة الأصلية كتبت بواسطة المناور

وعليكم السلام ورحمة الله وبركاته

ممكن يكون مسدود..... راجع على الرشاش والخرطوم والقربة.

هو اصلا مفيش اى صوط للمكنة بتاعة الرش

**A.Elsawaf** · 14-06-2011 09:21 PM

المشاركة الأصلية كتبت بواسطة ahmadm

هو اصلا مفيش اى صوط للمكنة بتاعة الرش

طيب ما تراجع على وصلاتها كده كويس أو ممكن يكون بقى الطرمبة بتاعة الرشاش ( أو مش عارف اسمها ممكن يكون ايه بالظبط) هو اللى فيه المشكلة.

**ahmadm** · 14-06-2011 10:05 PM

المشاركة الأصلية كتبت بواسطة a.elsawaf

طيب ما تراجع على وصلاتها كده كويس أو ممكن يكون بقى الطرمبة بتاعة الرشاش ( أو مش عارف اسمها ممكن يكون ايه بالظبط) هو اللى فيه المشكلة.

هشوف كدة ربنة يسهل شكرا على النصيحة

**essam2222** · 15-06-2011 09:14 PM

متشكر جدا يا صواف على الاهتمام والرد والمجهود وربنا يبارك فيك ويحافظ عليك وعلى جميع الاعضاء من كل شر.
اما بالنسبة لموضوع الصيانة فانا جربت كذا مركز للصيانة ابتداءا من الكويت والبلاد العربية وانتهاءا بالمركز الجديد اللى فى جسر السويس وللاسف انا مكنتش بلاحظ اى حاجة ممكن يعملوها جديدة فى العربية غير لما انا بقولهم عليها غير كدا مكنتش بحس انهم بيعملوا اى حاجة جديدة فى العربية.
فحاليا انا بتعامل مع واحد ميكانيكى بسم الله ماشاء الله عليه شاتر جدا جدا هو اساسا كانت بيشتغل فى احدى مراكز الصيانة اللى هى دايوا بس ربنا كرم عليه وفتح محل لنفسه خاص بيه ومش بيشتغل غير فى العربيات الحديثة فقط فانا بتعامل معاه فى كل حاجة انا بس بجيب الحجات من شارع دمشق وهو عليه التركيب والفرق بقى ما بينه ومابين مراكز الصيانة اللى انا كنت بروحها انه لو شاف حاجة فى العربية انا مش واخد بالى منها يصلحها او يغيرها او على الاقل يقولى عليها.
بس انا عايز اسئلكو على حاجة بسيطة خاصة بالجوان وش الماتور انا كل شهرين لازم اغير الجوان دا لانى بلاقى تعريقة على وش الماتور بس تعريقة بتبقى جامدة يعنى قريبة من الحالة السائلة فسئلت الميكانيى قالى دا العادى بالنسبة للبرايد كلها وخاصة الكورى كلها كدا فكلامه فعلا صح ولا اية الاخبار؟
ولو حد عايز او يا صواف لو حبيت تتعامل معاه هو مكانه فى الكيلوا اربعة ونص انا ممكن استناك فى اى مكان انتا تستنى فيه ونروح مع بعض .