الموضوع: رابطة ملاك الكيا برايد - كلاكيت تانى مرة!

المشاركة الأصلية كتبت بواسطة essam2222

اهلا وسهلا بيك ونورتنا يا may_moon911 بس ياريت تعرفنا بنفسك اكتر عشان انا بصراحة مش عارف ااقولك واناديلك باى اسم لانك مكتوب على البروفايل ذكر واللى مكتوب مى انا اسف بجد بس عشان نسهل على بعضنا.
وعموما انا اسمى عصام وفى اصدقاء هنا فى منتهى الاحترام وطبعا صاحب الرابطة والفكرة الرائعة الجميلة هو مناور .
واحنا كلنا تحت امر بعض وبنشاور بعض فى كل الامور اللى بتخص العربية.
وان شاء الله بردوه لازم نتقابل فى ااقرب وقت.
وطبعا ربنا يوفئك فى الامتحانات ويوفئ اخوك بازن الله.
اما بالنسبة لمركز الصيانة دة فياريت بعد ما تروح تقولنا اية الاخبار وحصوصا انا عن نفسى انا محتاج واحد كويس بيظبط زوايا وترصيص ويكشفلى على العفشة اذا كانت محتاجة حاجة او اى شئ.
تانى حاجة:
انا كنت عايز اعرف منكم اخبار Rbm اية؟؟؟؟؟؟؟؟؟؟؟
يعنى بتحرقوا على العربية فى النقلات ولا العادى ولا بتيدوا لكل نقلة حقها؟؟؟؟؟؟؟
انا حتكلم على نفسى بس محدش يضحك:
انا مش بابوص كتير على rbm انا بركز اكتر على ارقام السرعات بمعنى:
انا الاول بجيب لغاية 19
التانى من 19 الى 40
التالت من 40 الى 60
الرابع من 60 الى 80 او 90 او 100
الخامس اخر حاجة جبتها 150 كان على طريق السخنة.
بس نصيحة بلاشششششششششش بلاشششششششش حتى لو راكب بورش السرعة وحشة وبالسرعة دى لو ربنا كرمنى وطلعت منها صاحى اكيد لازم حاعيش بس فيا عاهة مستديمة لقدر الله وربنا يحافظ علينا اجمعين.
انا مستنى منك ردكممممممممممممممم يا برايداوية يا اجمل رابطة عربيات اددددددددددد الدنياااااااااااا

اهلا و سهلا ب مين يانهار لا دا انا كدا هاقوم اروح بقي ههههههه
بالنسبه لمركز الصيانه يا استاذ عــــصـــــام انا للاسف مش عارف مكانو فين بالظبط انا هروح لعمي و هوا هايوديني بس للاسف اليوم اللي بقرر فيه اروح بيطلع عند اخويا امتحان او اليوم اللي بعدو ف مش بقدر اروح بس اول ما اروح ان شاء الله هصور المركز من بره و من جوا و هاقولكو الاخبار باذن الله بس يا رب ما تجيش حاجة تعطل الدنيا
بالنسبه RPM انا بركز علي الاتنين لاني ما بقدرشي او ما بيجيليش قلب اقرص علي العربيه الا لو اضطريت اعدي واحد مثلا او عايز اجري و مستعجل .... او لو علي طريق سفر بقرص علي التالت و الرايع عشان ساعات سحبهم لما ببقي عكس الهوا بحس انو بيضعف ولازم اقرص
بس كدا و انا بنقل اقل من السرعات دي ما عدا الرابع بخليه من 60 الي 100 علي طول لان الخامس قبل كدا بياخد وقت شويه

المشاركة الأصلية كتبت بواسطة A.Elsawaf

على رأى جورج عزمى ... حمد الله على السلامة ومرحبا بيك فى كوكب الأرض بعد ما خلصت امتحانات تمام كده يا أيمن ... مستنيينك تقولنا عملت ايه لما تخلص :) وابقو قولنا برضه على اسم المركز ده وعنوانه فين بالظبط

وفى موضوع المقابلة هو تقريبا الناس كلها موافقة بس ماتفقناش على مكان ولا معاد لسه .. بس موضوع ألبوم الصور ده مش عارف مش فاكر ان حد قال حاجة عنه ده ايه ده؟

الله يسلم حضرتك ... انا عارف ان كاوكاو الارض نور اول ما انا خلصت للاسف انا ما رحتش بس ف اقرب فرصه هاروح ان شاء الله
ما اهم حاجة المكان و المعاد و يا رب اصلح العربيه قبل ما نتقابل و قبل ما اسافر لاني بجد نفسي اتعرف عليكو كلكو
بالنسبه لموضوع الالبوم دا ف انا اللي مقترحه و الصراحه رجعت ف كلامي لاني لما صورت العربيه من كام يوم لقيت ان الخبطتين اللي اخويا عملهم هايبانو هايبانو ف رجعت ف كلامي خلاص
اه و في المرايه ماما سلمت عليها و هيا بتجرج العربيه هههههه عادي يعني الغطا بس اللي اتكسر و لما انزل هادور علي مرايه جديده

[QUOTE=المناور;3873589080]مبروك عليك انتهاء الامتحانات يا أيمن عقبال النجاح إن شاء الله
أنت شوف مركز الخدمة اللى عمك قال عليه وأنا حشوف مركز محمد وشنودة وكل واحد يقول تقييمه من حيث التعامل وكفاءة الشغل والاسعار علشان فى الاخر نحط تقييم نهائى لاحسن صنايعية فى مختلف التخصصات .

بالنسبة للصور أنت يابنى عمرك أطول من عمرى من ساعة ما شوفت صور الصواف وأنا عايز اقترح ان كل واحد مننا يحط صور عربيته بالمناسبة فيه موضوع لقيته فى قسم صور عربيات اعضاء المنتدى لواحد معاه برايد سيدان مظبطها بسم الله ما شاء الله

ده رابط الموضوع بالصور
http://www.nilemotors.net/Nile/16221...gold-team.html


الله يبارك ف حضرتك و عقبال الاولاد ان شاء الله
بالنسبه لموضوع المركز ف مافيش مشكله او ما اروحلهم اكيد هاعملكو تقرير نفضل ان شاء الله

بالنبسه بقي للصور كويس اني رجعت ف كلامي
ماشاء الله يعني هيا دي العربيات اللي تتصور ف بلاش بقي موضوع التصوير دا

المشاركة الأصلية كتبت بواسطة essam2222

انا اسف جدا يا may_moon911 يا ايمن ومتزعلش منى افتكرتك لسة جديد على الرابطة اتضح انى اللى جديد ياريت تقبل اعتذارى.
بخصوص المكان اللى انتا قولت عليه يا صواف انتا قصدك على بريدج ستون اللى فى عمارت العبور؟؟؟؟؟
لو قصدك على دا فالجهاز عنده بايظ بقاله اكتر من شهر ومش عارف بصراحة حيتصلح امتى.
انا بردوه كل يوم بعدى من عليه وانا رايح الشغل وانا جاى من الشغل لانى ساكن ناحية الكلية الحربية.
تانى حاجة كويس اننا بنمشى بدرجات واحدة يا مناور لان المعدل دا مش بيعدى خالص 30000 لفة هو بيكون 2500 لفة يعنى مابين رقم 2 و3. ودا معدل كويس اوى. ولازم بردوه يا صواف تعود العربية على معدل واحد وميمنعش اننا فى مرة كدا نقرص شوية على العربية عشان نقتح الماتور يعنى مرة او مرتين فى الاسبوع عشان الماتور مينمش مننا بسبب الزحمة .
والكلام دا انا واخده من مهندس وبصراحة لاقيت كلامه صح لانى لما بكون مسافر فى طريق بلاقى العربية فى اول الطريق مكتومة وبتبدى تجيب معايا من نص الطريق ولما برجع فى نفس اليوم من السفر بلاقى العربية الماتور بتعها بسم الله ماشاء الله مصحح معايا.
وبحس بالفرق اكتر لما باجى اروح الشغل تانى يوم وبمشى فى نفس الطريق بلاقى ان العربية عايزة تجرى بس بعد يوم او اتنين ولما ارجع تانى للزحمة والمشى البطئ العربية بترجع تانى نايمة. فمش عارف الكلام دا صح ولا دى تهيئات؟

لا عادي ولا يهم سيادتك عادي حصل خير
المركز اللي الاستاذ صواف قال عليه بيقول اسمو فيت أند فيكس و انا هادور عليه في google maps دلوقتي و اشوفو فين بالظبط
اعتقد حكايه التفتيح دي صح بس علي المده الطويله مش القصيرة او ممكن علي حسب الجو و اتجاه الهوا و كثافه الهوا
هوا في سوال : العربيه اول ما بتوصل ل 3 علي ال rpm بحس انها بتعوز تطير من علي الارض طير بحس انها بتمشي لوحدها علي اي نقله مش نقله معينه فهل حد بيحس الاحساس دا !!!!!

[QUOTE=A.Elsawaf;3873589145][COLOR=Blue][B][FONT=Comic Sans MS][SIZE=4]طيب كويس انك قلتلى علشان ما أعديش عليهم بقى

يعني هوا بريدج ستون و كمان الجهاز بايظ
ما عندنا هنا بريدج ستون و ما بيفهموش حاجة

[QUOTE=may_moon911;3873592161]

المشاركة الأصلية كتبت بواسطة المناور

بالنبسه بقي للصور كويس اني رجعت ف كلامي
ماشاء الله يعني هيا دي العربيات اللي تتصور ف بلاش بقي موضوع التصوير دا

جمد قلبك امال يا أيمن نزل صورك ولا يهمك .

باقولكم يا جماعة ايه رأيكم لو عملنا حاجة نفيد بيها بعضينا وهى ان كل واحد مننا لو عنده قطع غيار قديمة من عربيته بحالة معقولة أو كويسة يقول عليها منها بيخلص من الخردة اللى واخدة مكان ويبيعها بسعر رمزى يفيده ومنها بنساعد بعض على غلو الاسعار واستغلال التجار .

وحابدأ بنفسى أنا عندى طقم الفرامل الخلفى كامل مشكلته ان الطنابير كانت متخرطة فلازم أى تيل يركب عليه يبقى متخرط برضو بقية الحاجات زى البلى وكده لسه كويسين فاللى عنده الطقم توفى تماما ومحتاج حاجة تمشى الحال ده شغال أو لو حد محتاجه كقطع غيار لطقم فرامله برضو شغال