رابطة ملاك الكيا برايد - كلاكيت تانى مرة!

**A.Elsawaf** · 21-06-2011 08:51 AM

المشاركة الأصلية كتبت بواسطة may_moon911

الله يبارك ف حضرتك و عقبال الاولاد ان شاء الله

بالنسبه لموضوع المركز ف مافيش مشكله او ما اروحلهم اكيد هاعملكو تقرير نفضل ان شاء الله

بالنبسه بقي للصور كويس اني رجعت ف كلامي
ماشاء الله يعني هيا دي العربيات اللي تتصور ف بلاش بقي موضوع التصوير دا

يا سيدى كبر دماغك ... هو فى حد هنا يعنى مظبط عربيته ما كلنا فى الهوا سوا

**A.Elsawaf** · 21-06-2011 08:52 AM

المشاركة الأصلية كتبت بواسطة may_moon911

لا عادي ولا يهم سيادتك عادي حصل خير
المركز اللي الاستاذ صواف قال عليه بيقول اسمو فيت أند فيكس و انا هادور عليه في google maps دلوقتي و اشوفو فين بالظبط
اعتقد حكايه التفتيح دي صح بس علي المده الطويله مش القصيرة او ممكن علي حسب الجو و اتجاه الهوا و كثافه الهوا
هوا في سوال : العربيه اول ما بتوصل ل 3 علي ال rpm بحس انها بتعوز تطير من علي الارض طير بحس انها بتمشي لوحدها علي اي نقله مش نقله معينه فهل حد بيحس الاحساس دا !!!!!

ماهو فيت أند فيكس بتاع بريدج ستون ... هو انا بحس ان العربية عاوزة تمشى لوحدها على طول .. سواء قبل 3 ولا بعدها .. بس بعدها بحس العربية ممكن تطير او تمشى على الحيط

**johnghaly** · 21-06-2011 09:44 AM

المشاركة الأصلية كتبت بواسطة المناور

باقولكم يا جماعة ايه رأيكم لو عملنا حاجة نفيد بيها بعضينا وهى ان كل واحد مننا لو عنده قطع غيار قديمة من عربيته بحالة معقولة أو كويسة يقول عليها منها بيخلص من الخردة اللى واخدة مكان ويبيعها بسعر رمزى يفيده ومنها بنساعد بعض على غلو الاسعار واستغلال التجار .

وحابدأ بنفسى أنا عندى طقم الفرامل الخلفى كامل مشكلته ان الطنابير كانت متخرطة فلازم أى تيل يركب عليه يبقى متخرط برضو بقية الحاجات زى البلى وكده لسه كويسين فاللى عنده الطقم توفى تماما ومحتاج حاجة تمشى الحال ده شغال أو لو حد محتاجه كقطع غيار لطقم فرامله برضو شغال

فكره حلوه يا مناور اوى

**johnghaly** · 21-06-2011 09:45 AM

مبروك انك خلصت يا ماى مون وربنا يوفقكك

**may_moon911** · 21-06-2011 01:28 PM

المشاركة الأصلية كتبت بواسطة المناور

باقولكم يا جماعة ايه رأيكم لو عملنا حاجة نفيد بيها بعضينا وهى ان كل واحد مننا لو عنده قطع غيار قديمة من عربيته بحالة معقولة أو كويسة يقول عليها منها بيخلص من الخردة اللى واخدة مكان ويبيعها بسعر رمزى يفيده ومنها بنساعد بعض على غلو الاسعار واستغلال التجار .

وحابدأ بنفسى أنا عندى طقم الفرامل الخلفى كامل مشكلته ان الطنابير كانت متخرطة فلازم أى تيل يركب عليه يبقى متخرط برضو بقية الحاجات زى البلى وكده لسه كويسين فاللى عنده الطقم توفى تماما ومحتاج حاجة تمشى الحال ده شغال أو لو حد محتاجه كقطع غيار لطقم فرامله برضو شغال

فكره كويسه جدا بس انا ما عنديش غير فانوس ورا بس شكلي هاركبوا عشان في حته في الي راكب اتكسرت

**ahmadm** · 23-06-2011 11:03 AM

المشاركة الأصلية كتبت بواسطة المناور

النهاردة روحت مركز الصفا بتاع الكربراتير علشان اعمل مراجعة على الشغل اللى عملوه فى الكربراتير من اسبوعين واخيرا بفضل الله ثم بشغلهم النضيف الكربراتير اتظبط والبوجيهات لما طلعناها لقيناها نضيفة ماعادا بوجيه واحد ولما سألت الصنايعى قالى دى غالبا بسبب التاكيهات فأنا بقيت من انصار الشغل النضيف يا أما اظبط التاكيهات عند صنايعى شغال فى التوكيل يا أما اروح التوكيل نفسه ، أنتم ايه رأيكم ؟

السلام عليكم و صباح الفل :)

انا عايز اعرف اية اخبار استهلاك البنزين معاك بعد ما ظبطولك الكربراتير ؟ هل فية فرق كبير ؟؟؟

**ahmadm** · 23-06-2011 11:08 AM

المشاركة الأصلية كتبت بواسطة may_moon911

انا بقي خلصت امتحانات و الحمد لله و فضيت للكياويه البرايداويه
انا مارحتش للاسف الخميس اللي فات ف حته عشان مالحقتش يادوب خلصت امتحانات و قعدت عشان اخويا في الثانوي ربنا معاه

انا عمي ساكن قريب من ميدان الاسماعيليه ف مصر الجديده و قالي علي مركز خدمه و بيقول شغلهم كويس جدا ف العفشه و كل حاجة..هوا مركز كامل انا ان شاء الله هاروحو و اظبط العفشه و اشوف ترصيص الكاوشت و الهزه اللي مع الفرامل و هاقولكو ان شاء الله النتيجه و التفاصيل
اه و الردياتير كمان لحسن كنت هانسي هانضفوا و احط مياه خضرا و مقطره اديا ان شاء الله
اشوفكو علي خير ان شاء الله بس عايز اعرف اخبار المقابله و اخبار البوم صور كيا الاعضاء عشان ننعنش الرابطه شويتين

و عملت اية فى الامتحانات هترفع راسنا ؟:)

**أحمد الجندى** · 23-06-2011 05:01 PM

المشاركة الأصلية كتبت بواسطة ahmadm

السلام عليكم و صباح الفل :)

انا عايز اعرف اية اخبار استهلاك البنزين معاك بعد ما ظبطولك الكربراتير ؟ هل فية فرق كبير ؟؟؟

لسه ماجربتش يا أبو حميد انا كل المشواير اللى باروحها صغيرة وماتنفعش كحكم مستنى كده كمان اسبوع حاروح مشوار بتاع 100 كيلو حاعرف منه احسب البنزين اللى العربية بتستهلكه إن شاء الله

**أحمد الجندى** · 23-06-2011 09:20 PM

عندى سؤالين للشباب اللى معاهم مانيوال البرايد

ظبطة هوا الكاوتش على كام ؟ لانى الأول كنت بظبطها على 30 بس الدركسيون كان بيبقى تقيل دلوقتى بظبطه على 32 وحاسه مناسب .

فى حال تغيير الجنط لمقاس اكبر نغير لمقاس كام ؟

**essam2222** · 23-06-2011 09:39 PM

المشاركة الأصلية كتبت بواسطة المناور

عندى سؤالين للشباب اللى معاهم مانيوال البرايد

ظبطة هوا الكاوتش على كام ؟ لانى الأول كنت بظبطها على 30 بس الدركسيون كان بيبقى تقيل دلوقتى بظبطه على 32 وحاسه مناسب .

فى حال تغيير الجنط لمقاس اكبر نغير لمقاس كام ؟

مناور التظبيطة بتاعة الكاوتش كتيرررررررررررررررر اوى المفروض انها تكون على 28 الاربعة فرد انا مركب جنوط سبور ومغير مقاس الكاوتش بس مش كتير اوى وبصراحة مش فاكر بظبط الارقام بس يمكن حاجة بسيطة فى الطول والعرض ولكن بظبط الاربعة فرد نتروجين على 28.

الموضوع: رابطة ملاك الكيا برايد - كلاكيت تانى مرة!

LinkBack

أدوات الموضوع

عرض

-

-

-

-

-

المواضيع المتشابهه

كلاكيت تانى مره

ملاك الكيا برايد السيدان الاتوماتيك

اشمعى احنا يعنى (رابطة ملاك الكيا بيكانتو) خوخه

كلاكيت تانى مرة

يا جماعه هل الكيا برايد هترجع تانى ؟

الكلمات الدلالية لهذا الموضوع

المفضلات

المفضلات

ضوابط المشاركة