البوجيهات بترطب

**boma** · 04-04-2011 11:56 PM

يا جماعة انا معايا بومة 1600 موديل 2006 كانت شغاله كويس جيت اشغل التكييف واجيب d الاقى رجة جامده فى العربية ارجع للمور تروح الرجة المهم رحت للميكانيكى فك الايدل والبوابه ونظفهم بسبراى تنظيف الانجيكشن لكن محصلش فرق وبعد كام يوم السحب بقى تقيل اوى والعربيه بتنتش رجعتله قالى البوجيهات رطبت من الاسبراى بتاع التنظيف غيرت البوجيهات فضلت شغاله اسبوع وبعدين نتشت تانى والسحب بقى سىء جدا غيرت البوجيهات حصل نفس الشىء والرجة لازالت موجوده على الدى سواء مع التكيف بتكون شديده اوى او من غير تكييف بتكون اقل مع التنتيش وتحس وانا واقف ودايس فرامل ان العربية بتلت ... ومش عارف ده عيب ايه يا ريت حد يفيدنى على الرغم انى شلت كابل البطاريه ربع ساعه وحطيته ودورتها ربع ساعه لكن بردو متعدلتش وكل مشوار اروحه او ما تمشى شويه 10 دقايق ولا حاجة تنتش وتعمل الموضوع ده

**boma** · 05-04-2011 02:33 PM

محدش رد ليه يا جماعه
طيب لو حبيت اعلى الموتور علشان الرجة تروح فيها مشكله ولا ايه

**M.Al-Hefnawy** · 05-04-2011 03:37 PM

أعتقد عدد لفات الموتور الطبيعي في حالة السكون بيكون 900 لو كان أقل من كده تبقى عاوزة تعلى.

الحاجة التانية كان فيه بعض الأعضاء اتكلمو في موضوع تنظيف البوابة إنك لازم وقتها تغير البوجيهات لأن بقايا سائل التنظيف المتسخة بتنزل على البوجيهات.

راجع على فلتر الموتور لو محتاج تنظيف ... أو ممكن يكون فيه بوجيه قاطع فخلي ميكانيكي كويس يبصلك عليها.

**boma** · 05-04-2011 05:28 PM

طيب لو البوجيه بيقطع يبقى بيقطع ليه وانا مغيره من اسبوع

**Memo_Lancer** · 05-04-2011 09:19 PM

متلقلش يا بشا
ممكن من اثار التنضيف
او عيب من البوجيه

**boma** · 05-04-2011 10:37 PM

طيب الرجة لسه موجوده يا جماعه وبتزيد مع التكييف مش المفروض الايدل كنترول يعلى الموتور مع التكييف انا غيرت الايدل من 7 شهور والعربيه اتظبطت بس لما جيت اشغل التكييف فى الايام اللى فاتت لاقيتها حصل كده ومش عارف العربيه بتبوظ لوحدها ولا ايه

**Memo_Lancer** · 05-04-2011 11:00 PM

لازم يتفك و يتنضف يا كبير

**ahmed_h_g** · 06-04-2011 01:10 AM

أكشف على سلوك البوجيهات وقواعد الموتور

**boma** · 21-04-2011 11:30 PM

غيرت البوجيهات تانى وبعد كام يوم العربيه بتقطع بردو والبوجيهات بترطب علما بان الايدل كنترول بتاع العربية تعبان وبيعمل رجه فى الموتور مع الغيار على الدى هل لو غيرته المشكله هتتحل وازاى اعرف ان سلوك البوجيهات هى السبب ولا لاء انا تعبت والله دى رابع مرة اشترى بوجيهات ومش عارف اعمل ايه