دليل شامل عن الهيونداي ماتريكس بواسطه اسئله الاعضاء , قصة حب مع المصريين ..متجدد

**bassam nagy** · 30-09-2008 09:45 AM

صوت الموتور بيعلى لما بتعدى 3 فى rbm

**hazem_samy** · 03-10-2008 02:47 PM

بس انا حاسس ان صوتها عالى حتى على السلانسيه

**bassam nagy** · 04-10-2008 12:03 PM

راجع التوكيل فى صيانة 10000
صوتها على السلانسية بيبقى هادى

**ahmed.zahra** · 04-10-2008 03:54 PM

يا جماعة انا مش عارف موضوع غليان المياه في القربة ده نهايته أيه، في أوتو ماجد الراجل قال لي انها عايزة هوا بس و عمله و قال ان كده العربية بقت زي الفل، بعدها لقيت المياة بتنقص بشكل كبير، رحت تاني قالولي العربية عايزة وش سلندر و هو اللي عامل كده. هل ده معقول. ارجو ان حد يفيدني في الموضوع ده

**bassam nagy** · 05-10-2008 02:11 AM

لازم زيارة للتوكيل ابو رواش للمهندس عاطف عبد السميع والمهندس احمد فريد

**nonaa_gamal** · 07-10-2008 10:15 AM

نشكركم كثيرا على هذه المعلومات القيمة وارجوكم افيدونى معروض عليا لافيتا 2002 كورى وعاملة 50000 كم ، لكن Tr وعايزه اعرف ايه الفرق بينها وبين لافيتا Cr وايه الفرق فى الأوبشن بينهم

**bassam nagy** · 07-10-2008 08:52 PM

الماتريكس الية بتنزل مصر مالهاش اختصارات يعنى كاملة مانيوال او اوتوماتيك او بافتحة سقف ولافيتا بتنزل فى اسواق كوريا وبعض دول اوربية فاصعب معرفة الاختصارات بتاعت الاوبشن بس اهم حاجة انها تكون نفس ماتور 1600 وماتكونش 1800 عشان قطع الغيار

**maroveno** · 10-10-2008 09:17 AM

احلى شباب عندى 3 اسئلة

للعلم ( ماتركس اوتوماتيك 1600 2005 )

1- صوت الموتور بيعلى اكتر من العادى لو rpm اكتر من 3 و طالع و كشفت لم اجد خرم فى الشكمان. هل دة طبيعى ؟

2- لو و انا واقف دست بنزين بسرعة و شلت رجلى ( امبليه ) بحس بتخزين يعنى تاخر فى الاستجابة لجزء من الثانية. دة طبيعى؟

3- لما تكون العربية باردة بسمع صوت عالى للتاكيهات بيوطى لما تسخن و الزيت تمام و باستعمل موبيل 1. و لو فتحت الكابوت بعد ما تسخن باسمع صوت التاكيهات ( هو واطى اه بس بيكون مسموع ) تكات سريعة صوتها خفيف شوية بس مسموع. طبيعى ؟

ساعات موش ديما احس بنتشة خفيفة لو وانا ماشى شلت رجلى من على البنزين و حطتها تانى ( مش بكون كابس ) يعنى الجير موش بينقل ( not a kick down). طبيعى ؟

معلش طلعوا 4 اسئلة بس عشان اكون مطمن عشان العربية دى بعاملها زى متكون ابتى :-)

شكرا يا حلى ماتركساوية

**maroveno** · 10-10-2008 09:29 AM

معلش هزود سؤال افتكرته ( دا من عشمى فيكم )

اللمبة الى فى التابلوه الى بتعلم على الغيار D موش بتنور بس بائى الغيارات تمام هى بتتغير ولا حاجة ؟ ولو بتتغير حد يعرف ازاى ؟ و لو لا حد يعرف السبب ورا كدا؟

بجد كفاية عليكو كدا انا اسف

thanks alot

**bassam nagy** · 10-10-2008 10:39 PM

اهلا بيك معانا بالنسبة لصوت الموتور دة عادى بيعلى بعد 3 ار بى ام
موضوع لما تدوس وتتاخر فى الاستجابة ماحستش بيها قبل كدة
صوت التكتكة او التيكهات دة عادى ولما بتسخن بيختفى
اما بالنسبة للنتشة فامش عارف عشان العربية مانيوال وبالنسبة للمبة بتتغير