الصوت طالع من ناحية الموتور و لاتوجد شبكة على السقف مع العلم بأن الكيلومتر للسياره الآن 2000 كيلو بس
مع الشكر
الصوت طالع من ناحية الموتور و لاتوجد شبكة على السقف مع العلم بأن الكيلومتر للسياره الآن 2000 كيلو بس
مع الشكر
لو الصوت بيختفي في حالة انك بتزود بالراحه يبقي ماتقلقش ده صوت العادم وهو بيعدي من ال catalytic converter أو المحول الحفاز أو زي ما بيقولوا عليه علبة البيئه ... بيبقي واضح لو انت بتدوس جامد أو بتزود بسرعه .. لو زودت بالراحه و ماسمعتش الصوت ده يبقي كل حاجه طبيعيه ماتقلقش .
السلام عليكم
هى الديفندرز ممنوعة للعربية الماتركس و اية اخبار اسعار الترخيص الجديد حيبقى كام بالنسبة للماتركس
الديفيندرز ممنوعه في المرور للماتريكس و اتسحبت رخصتي مرتين بسببهم ده غير انهم خطر علي شاسيه العربيه و اللي قالي كده مهندس متخصص في غبور و صاحبي كمان .
بالنسبه لاسعار الترخيص الحقيقه ماعرفش بس أنا لسه فاحص و مجدد أول امبارح قبل الأسعار الجديده و كانت الضريبه 196 جنيه و التأمين الاجباري 203 جنيه ...
تحياتي لك
انا اشتريت ماتركس مو 2007 عاده لاحظت ان لمبة الـ Engine Check الصفراء لاتعمل فهل ملغيه فى هذا الموديل ام انها عطلانه عندى. مع العلم ان السيارات السابقة عندى كان فيها هذه اللمبه (اكسنت 99 , دايو لانوس)
ارجوكم افيدونى
اتطمن هي في الماتريكس ملغيه في الموديلات الجديده .. أخر موديل نزل فيه اللمبه دي أفتكر كان في 2004 ... في ظواهر تانيه بدل اللمبه تعرفك ان حساس الشكمان لا يعمل , زي عدم استقرار ال rpm و اهتزازه , زي ريحة العادم بتبقي وحشه طول الوقت و كائن البنزين طالع ني , السحب مش كويس و استهلاك البنزين عالي ...
فا ماتقلقش ماعندكش حاجه هي اللمبه اللي مش موجوده
ياشباب
قدامي ماتركس 2004 اتوماتك بالديندر قدام و خلف عامله 50000كيلو حاله نضيفه
مطلوب 72000
ايه راي الخبراء
و لو في امكانية الكشف يبقى فين
شكرا
أنا فعلا جربت و كان الصوت بيظهر لما بزود السرعه جامد بس.
شكرا على المساعده
ممكن لو مش هاتروح ابو رواش تاخذ سمكرى مضمون وتكشف على العربية وترفعها فى بنزينة وتشوفها من تحت وربنا يكرمك
شكرا بسام لأهتمامك
يا جماعه انا استهلاك البنزين جننى خلاص التنك بيبقى عند النص و انا ببقى عامل 170 كيلو بس خلالالالالالالالالاص اجننت استهلاك البنزين بتاع العربيه عالى اوى هل فيه حل للموضوع ده
كدة فى حاجة مش مظبوطة الاستهلاك على جدا
طب ماتروح التوكيل يامصطفى انت لسة فى الضمان
هل انت بتقرص عليها فى المشى جامد بس برضوا الاستهلاك عالى
بص يا بسام انا العربيه دلوقتى عامله 2700 انتوا كنتوا بتقولوا ان الاستهلاك بيتحسن بعد كده فأنا مش عارف بقه الصراحه العيب كده منين
هو بيتحسن بس استهلاكها كدة عالى هى فى اصعب الظروف اوى المفروض تبقى200 كيلو لكل 20 لتر لو مشغل التكييف وماشى مشى عادى
اما التنك بيبقى عند النصف دة كدة معناة استهلاك عالى جدا عمتا لو تستنى لحد صيانة 5000 وان شاء الله يبقى قى تحسن
بص يا بسام هو الموضوع بحالات يعنى اكتر مره وصلت 200نص التنك و ساعات 180واقل حاجه 170 بص انا برضه ملاحظ ان كده الاستهلاك كتير انت رأيك لو فيه مشكله هتكون فى ايه
مش عارف بالظبط بس تقريبا عاوز ظبط بالكمبيوتر للكنترول يونت
اية اخبار الشكل الجديد بتاع الميتركس هينزل امتى وهيكون فى حدود كام
من المتوقع انوا ينزل مع نهاية العام الحالى
اما فى حدود كام مش عارف
هى الماتريكس لما بتحتاج ضبط زوايا الواحد يعرف ازاى او اية الى بيحصل عشان الواحد يروح يظبط زوايا
لما تلاقى ان العربية بتحدف يمين اوشمال ولقياس الموضوع
دة لازم يكون طريق مستوى
مايكونش فية هواء شديد
الاطارات الهواء فيها مظبوط
يكون الجنط سليم
الكاوتش الامامى النقشة بتاعتة زى بعض
وفية حاجات اكتر كانت معمولة فى موضوع لوحدة عن الزوايا
السلام عليكم انا استلمت الماتركس من اسبوع وعملت بيها 160 كيلو و اشكر كل من نصحنى انى اشتريها لانها الحمد الله عربية كويسة بس معلش ليا سوالين
1-السنتر مش بيقفل لوحده بعد ما اطفى العربية واقفل الابواب هل دة طبيعى
2-حاسس ان الفتيس تقيل شوية(العربية مانول)
3-جهاز الانذار مبيضربش الا لما الباب يتفتح انما لو حد شد الاكرة بس او خبط العربية ميضربش
أولا ألف مبروك و ربنا يباركلك فيها و يكفيك شرها و عشان خاطري حافظ عليها !!
1- السنتر مش بيقفل لوحده ده طبيعي لازم تعمل lock من الريموت
2- الفتيس تقيل شويه مقارنة بالالنترا الشكل القديم مثلا أو الفيرنا هتلاقيه أتقل منهم حاجه بسيطه نظرا لان وضعية الفتيس في الماتريكس أجبرت المصنع انه يخلي الفتيس متعدد الوصلات و من هنا كان السبب في تقله , انما هو بشكل عام مش تقيل أبدا و لو كنت تقصد انه تقيل بالتحديد في الغيار العكسي ( المارشدير ) فا ده طبيعي و هو مصمم لكده عن عمد عشان يمنعك من انك تكسر التروس لو حاولت تجيب المارشدير و العربيه ماشيه لقدام فا ده كان السبب انه تقيل في الغيار العكسي حتي و انت واقف و مش ماشي ... و أدي اللي قايلاه الشركه بالضبط في موضوع الفتيس و الغيار العكسي بشكل خاص :
Matrix gear box has been synchronized with all forward gears but has been ristricted against gear damage for the reverse gear
يعني صندوق تروس الماتريكس تم ضبطه مع كل الغيارات الأماميه و لكن تم وضع عواقب علي الغيار الخلفي لمنع تدمير التروس ...
3- بالنسبه لجهاز الانذار كل الحكايه ان حساسيته عايزه تتظبط صح مش أكتر .. روح لعشم هايعملهولك و انت واقف ...
تحياتي لك .
الاخ liquidator اشكرك جدا على ردك -ربنا يكرمك و اشكرك جدا على التوضيح انا فعلا كان قصدى على المارشدير و اشكرك على المعلومات الاخرى
انا عندى لحظت حوليين علبة زيت البور فية زيت حاسس انها ممكن تكون مسربة ولا دة عادى ياريت حد يفيدنى
شوف مستوي زيت الباور عنك لو كتير ممكن يبقي ترشيح ..
انت حاسس بتغير في الباور ؟
نظام الباور ممكن يكون واخد هوا و في الحاله دي مع التشغيل بيطلع فقاقيع هوا ممكن تخلي الزيت يطرطش بره العلبه ...
لو مستوي زيت الباور عندك معقول يبقي نشف الزيت اللي بره و لاحظ اللي هايحصل تاني ..
لو المستوي كتير ممكن يكون واخد هوا فا بيطرطش بره ...
في حاجه ممكن تعملها عشان تطرد أي هوا موجود في نظام الباور ..
هو انك تشيل كابلات البوجيهات أو فيوز الكنترول يونيت ...
و تفتح غطا علبة زيت الباور ..
و تدي العربيه مارش مع استمرار لف طارة الدريكسيون يمين و شمال حوالي سبع مرات ...
بكده لو كان في هوا يبقي طلع و مفيش طرطشه تاني لزيت الباور بره العلبه ...
لو انت عملت كده و كان مستوي الزيت كويس يعني مش زياده و برده في ترشيح يبقي أكيد عندك تسريب ... بس ان شاء الله هايطلع مجرد ترشيح مش أكتر ...
تحياتي لك .
الله ينور ياحمد باشا ربنا يذيدك من علمه:)
بجد احنا مش عرفيين من غيرك هنعمل اية يا احمد ربنا يزيدك ويباركلك فى عربيتك متشكريين جدا
احمد خبير فى الماتريكس ماشاء الله
أخ أسامه و مستر بسام حبايب قلبي يا جماعه والله كلامكم حلو أوي ..
ربنا يديم المحبه يا رب ...
هو غلط الواحد مرة يفول 90 ومرة تانية 92 دة ممكن يتعب الموتور وانا سمعت ان فيشة للاوكتين فى العربيات الدايو دى موجودة بردو فى الماتريكس ولا لا ولو موجودة القيها فيين
هو أنا مش عايز أضايقك لكن الحقيقه ان محرك الماتريكس و هو من طراز G4ED ALPHA 2 معدل الانضغاط بتاعه 10 الي 1 و ده طبقا لاسس علميه و جدول موضوع و مدروس جيدا للأسف أكتر أوكتين ريتنج يناسبه هو 96 يعني كمان مش 95 !!!
لكن اذا كنا هانتكلم علي 90 وللا 92 فال 90 ممنوع تماما ..
ال 92 ماشي حاله بس أحيانا في بعض الظروف ممكن الموتور يسقف معاك بس قليل ان شاء الله ...
لما انت تغير بين ال 90 و ال 92 بتخلي الكنترول يونيت محتاره ما بين أوكتين ريتنج أعلي و أوكتين ريتنج أقل .. لان لما يكون الأوكتين قليل زي ال 90 مثلا , المحرك بيميل الي انه يسقف فعشان الكنترول يونيت تحمي الموتور بتضطر تأخر شرارة البوجيهات عشان تمنع التسقيف بس ده طبعا بينتج عنه هبوط في الأداء و السحب , أجي أنا بعد كده أحطله أوكتين ريتنج أعلي زي ال 92 يبتدي يقدم شرارة البوجيهات تاني عشان يرجعلك الأداء اللي كان مفقود , عملية التحول دي بقي بالنسبه للكنترول يونيت ممكن تاخد أكتر من 300 كيلو علي ما يتعود علي الأوكتين الجديد , و اذا كنت بتغير كتير ما بين ال 90 و ال 92 أو كنت بتخلط الاتنين مع بعض في التنك فا ده ممكن أوي يكلفك بعد فتره كنترول يونيت ب 5000 جنيه !!! طيب علي ايه ؟
ال 92 زي الفل و خليك معاه و ابعد عن ال 90 خالص و لو تقدر يبقي 95 أحسن و أحسن ... بس لو قدامك 90 أو 92 بس يبقي خليك في الأمان و اثبت علي نوع واحد و يستحسن طبعا ال 92 ...
و أول مره أسمع عن حاجه اسمها فيشه للأوكتين .. يمكن يقصد الكنترول يونيت ؟ !! احتمال ...
تحياتي لك .
تحياتى لكم جميعا و بخاصة الاستاذ احمد- خبير الماتركس- معلش كنت عايز اسئل سوال هو الكوريك اللى مع الماتركس(عامل زى المثلث) دة صعب قوى حد غيرة و جاب حاجة احسن
أنا عن نفسي ماغيرتوش و مش صعب أوي بالنسبالي يمكن يكون عايز شوية شحم بس ...
الحقيقه أنا بخاف من الكوريك التمساح جدا و بقلق منه أوي مش عارف ليه , و كمان الكوريك الأصلي هو اسلم واحد ف رفع العربيه عشان بيخليك تقدر ترفع من المكان الصح و انت متطمن , دي مجرد وجهة نظري المتواضعه جدا .
و شكرا علي كلامك الجميل ده أنا مش خبير ولا حاجه , في ناس كتير هنا زي الفل و يعرفوا حاجات كتير أنا ماعرفهاش .
تحياتي لك أخي الكريم .
خليك فى الكوريك بتاعها وماتحولش تغيرة لان دة مصمم للعربية
هو ممكن يكون الكورايك التمساح اسهل بس دة خلية
انا عايز اسأل تيل الفرامل بالنسبة للماتريكس بيتغير كل قد اية تقريبا انا عارف انة حسب الاستخدام بس بسأل تقريبا كل قد اية واية افضل نوع وثمنة قد اية للامام والخلف
هو أنا باستخدم قطع الغيار الأصليه بما فيهم التيل ..
التيل الأمامي الأصلي تمنه 300 جنيه بالضريبه
و هو طبعا علي حسب الاستخدام بس هو تقريبا بيتغير علي ال 25000 أو لو انت بتسافر كتير ممكن يعمل معاك 30000 كيلو .. أنا ماعملش معايا أكتر من كده , أهم حاجه انك ماتسيبوش لحد ما يسفر أبدا ...
التيل الخلفي الأصلي تمنه 330 جنيه بالضريبه ..
التيل الخلفي أنا لحد دلوقتي لسه ماغيرتوش و أنا عامل 75000 كيلو و أعتقد انه ممكن يعمل 100000 كيلو علي حسب ما مهندس في غبور قال لي ...
أنصحك في أي قطعة غيار في العربيه و التيل بالذات ماتجيبش اللا الأصلي ..
عشان مايضرش الطنبوره أو يعرض حياتك للخطر ...
تحياتي لك .