متشكر جدا يا باشا بتعبك معايا و ادعولى يا جماعة بكرة الصيانة
متشكر جدا يا باشا بتعبك معايا و ادعولى يا جماعة بكرة الصيانة
السلام عليكم - الحمد الله اليوم عدى امبارح بدون مشاكل انا رحت ابورواش و ميعادى كان 9.30 صباحا ووصلت فى الميعاد و المهندس قال لى العربية حتخلص الساعة 12.30 و فعلا الساعة 12.15 ندهوا عليا علشان ادفع الفلوس واستلم العربية
بالنسبة للمعاملة كانت كويسة المهندس سمع كل كلامى و سجلوا فى ورقة الفحص و العربية طلعت نظيفة و بالكيس على الدركسيون و الكرسى بس الحاجة اللى ضايقتى ان مفيش حد بيسلمك العربية و يقولك حصل فيها اية او اي ملاحظة اثاء فحصها انت بتدفع الفلوس و تستلمها من الباب اللى وراء
انا خلتهم يفحصوا كل حاجة زى ما الاستاذ احمد نصحنى و فعلا العربية الفتيس اتحسن جدا عن الاول و لقت الزيت برضة فوق علامة f انا حطيت شل الترا بس لونة زى اللى كان فى العربية الاول
ربنا معاك فى صيانة الالف بس نصيحة احجز ميعاد وروح بدرى بيكونوا رايقيين قبل ما المشاكل تبتدى
يا جماعة الموضوع ده كنت عامله عن الماتريكس المعدلة ،،
يا رب يعجبكم ،،
http://www.nilemotors.net/Nile/showt...204#post172204
الف شكر ياحمد على المواضيع الجميلة دى
بعد اذن باشمهندس عاطف
دى ارقام تليفونات مهندسى ابو رواش للى محتاج اى استفسار
http://www7.0zz0.com/2008/06/06/12/318090499.jpg
برافو عليك يا بسام والله .. بس ايه هما كانوا معلقين الورقه دي هناك ؟
اة كانت هناك قبل مدخل المعرض وصورتها بالموبيل ودى خطوة كمان من التوكيل لتحسين العلاقة مع مالكين هيونداى
شباب الماتركس
صباح الجمال
يمكن دى أول مرة أشارك معاكم بس دا عشان انا المروض استلم العروسة انهاردة
مكنتش احب انى ابتديها بطلب بس للاسف ما باليد حيلة.
انا هستلم 1600 اوتوماتيك موديل 2005 و كعادة العرب و المصريين مش بيحتفظو بالمنيوال او الكتالوج الا القليل منهم. عشان كدا و نظرا لاهمية المانيوال كنت باطلب من اى اخ منكم عاندو لينك للمانيوال او عاندو على الكمبيوتر يا ريت يشاريكنى.
بصراحة انا فليت الموضوع كله من بدايته. و ماشاء الله عاملين شغل مية مية.
شكرا على مجهودكم الرائع
مروان
الف الف مبروك وربنا يباركللك فيها ويكفيك شرها
هاحاول اشوفو على النت ولو مالقتوش ممكن حضرتك تطلبو من التوكيل
الله يبارك فيك يا بسام باشا و شكرا لاهتمامك.
سؤال تانى
بما انى ماركبتش اوتوماتيك كتير
فى زرار صغير فى دراع الفتيس لو دوست عليه فى لمبة بتنور فى الداش بورد (التابلوه) مكتوب عليها OD off يسلام لو حد يقولى باعت ايه و يعنى ايه OD ديه.
و ماتنسوش لو حد لقى المانيوال
أنا عربيتي مانيوال لكن علي ما أعتقد OD اختصار ل OverDrive و لما بنعملها OFF معناها اننا بنلغي الأوفردرايف و ده معناه ان العربيه مش هاتجيب الغيار الرابع أبدا و ده بنستختدمه لما نكون عايزين نعدي حد بسرعه جوه البلد لكن ماينفعش تسافر و ال OD معمول OFF لكن لازم يبقي ON عشان السرعه العاليه و الغيار الرابع ...
و علي فكره ال OD في العربيات المانيوال يبقي الغيار الخامس ....
تحياتي لك .
ربنا يخليك يا بسام باشا .. الحمد لله ماشي كويس .. انت كمان واحشني والله .. يلا كلها يوم الخميس و بعدين أفضالكوا خالص !!!
شكرا لسؤالك يا باشا
ايوه كلام احمد صح هزود عليه بس انك لو فضلت ماشى بالاوفر درايف كتير هتحرق الغيار التالت بمعنى انك متمشيش و انت مشغله مده طويله يعنى تستخدمه وقت ما تحتاجه بعدين تطفيه و لازم علشان تشغله تكون على سرعة 80 او اكتر و الكلام ده اللى قالهولى مهندسين الصيانه بتوع غبور
مبروووووووووووووووووك علي التثبيت يا ماتركساويه عامه
و اخواني بسام و ليكويديتر خاصه :)
بجد تستحقوها و الله
الله يبارك فيك والف شكر للادارة على التثبيت و على المجهود المبذول لجعل المنتدى الاول فى مجالة
ومبرووووووووووك ياماتركساوية ..................
احسن شباب
الف مبروك
بس بجد تستاهلوها من زمان. بس ناقصكم المانيوال ويبقى كل حاجة موجودة. مفيش حد لاقاه ؟ :3gears:
ربنا يزيد و يبارك. و شكرا لكل ردود ال OverDrive
حد يعرف أفصل جرس ال 120 للسرعة منين ؟؟؟؟؟
انا لى سؤال انا لما بطفى العربية واشيل المفتاح من الكونتاك عداد الديجيتال بتاع الكيلومترات بيفضل شغال ولا بيطفى
يا جماعه مبروك علينا كلنا التثبيت ...
الأخ الكريم mhalawa
جرس السرعه موجود أسفل الدريكسيون من ورا يعني لو مديت ايدك تحت الدريكسيون ورا التابلوه كده من تحت هاتلاقيه , افصل فيشة الكهرباء عنه و هايبطل يشتغل تاني .. بس انا لا أنصحك و دي جهات نظر طبعا .. تحياتي لك .
الأخ الكريم osamaelbaz كلامك صح عداد الكيلومترات بيفضل شغال حتي لو شلت المفتاح خالص .. الماتريكس كده ما تقلقش .. و بعدين ماتبقاش ماتريكس اللا اذا كانت مختلفه .. أصلها ماشيه بنظام خالف تعرف !!
تحياتي لك .
دة مكان الحساس اللى بيجى مع التكييف الديجيتال ....ودة مش بينزل فى فى الماتريكس فى بلادنا
يعنى مالوش لازمة فى عربياتنا اللى فيها التكييف البلدى :hmm:
يا جماعة كنت عايز اعمل درايف تست للماتريكس
اروح فين؟
اهلا بحضرتك معانا وممكن فى اى مقابلة للمنتدى حضرتك تعمل تست درايف للعربية
يعني غبور مبتعملش درايف تست
تقريبا لا ماسمعتش انوا بيعمل تست درايف بس ممكن حضرتك تسالهم فى التليفون 16661
عفوا على اية وان شاء الله تبقى من مالكى الماتريكس باذن الله
هو زيت شل الى بيقعد 10000 كيلو بعد 5000 كيلو بلقية نقص بتاع 2 ملى كدة وهل لما بجى انزلة بعد 10000 بلقية نقص دة عادى ولا فية مشكلة فى الموتور عربيتى ماتريكس 2008 عاملة 12000 كيلو
لا طبعا المفروض ماينقص بس ممكن تتاكد من الطبة مقفولة كويس والفلتر برضوا يكون مربوط كويس
طالما بينقص بسيط أوي كده يبقي في تبخير و ماتقلقش ده عادي .. بس خليهم في الصيانه يكشفوا علي غطاء الزيت و علي خرطوم الفايظ و الأفيزات بتاعته ..
مجرد تبخير خير ان شاء الله ماتقلقش
تحياتي لك .
متشكر جدا ليك يا بسام انت واحمد وتفضلوا على طول تفيدونا دايما وليا سؤال بسيط هى الماتريكس بتاخد كام كيلو زيت
تقريبا 3.3 لتر بالفلتر بس لما بغير باخلى بتاع الزيت كل شوية يشوف الموشر عشان يظبطة بالظبط
الحمد لله تمت صيانه العشرة الأولى بخير واليكم التفاصيل
فى تمام الساعة 7:30 ___الذهاب لمركز خدمة هيونداى بالأسكندريه وتم أخذ رقم 6
فى تمام الساعة 8:10 ___تم فتح مركز الخدمة وبدأ أستلام السيارات
فى تمام الساعة 8:30 ___تم تبليغ الorder لمهندس الأستقبال (غلس بس أنا كنت أغلس)
الorder
1_صوت كركرة فى فتح الربع الأخير من الزجاج الأيسر الأمامى
2_صوت تزيق فى الكرسى الأمامى الأيمن
3_تربيط العفشه
4_شد فرامل اليد
5_عدم غيار الزيت
6_الكشف على مقياس الفريون وتنظيف فلتر التكييف
7_سعر تركيب وحدتى رفع زجاج--------- 150 جنيه تركيب فقط
8_زيادة حساسية الأنذار
بعد ذلك تم أستكمال الأجراءات وأخذ ميعاد لأستلام السيارة الساعة 11:00
ذهبت بعد صلاه الظهر كانت السيارة جاهزة وتم دفع تكلفه الصيانه (160 تكلفه صيانه العشرة+24 تكلفه تنظيف فلتر التكييف+ 18.40 ضريبه) اى المجموع 202.5
وتم تجربه السيارة وما خبيش عليكم لفيت حواليها اشوف أى خدش أو أى شىء حدث فيها
الحمدلله كل شىء على مايرام وكل ما طلبته تم عمله
بعد ذلك قمت بغسيل السيارة بمحطه موبيل بالأبراهيميه على أبى قير( ممتازة)
وذهبت لأشترى معطر ووحدتى رفع من عند سعيد نصار بسموحة خد الأثنين ب 75 جنيه
وذهبت بعد ذلك لكهربائى معرفه تم تركيب وحدتى الرفع بكام حذرو بخمس ثمن تركيبهم فى التوكيل 30 جنيه فقط
وبعد ذلك فولت السيارة ب 45 لتر بنزين 92 ب 84 جنيه
اجمالى المصاريف فى ذلك اليوم (202.5 توكيل+5تكسيات +25 غسيل+75 وحدتى الرفع+30 تركيب وحدتى الرفع+84 بنزين )حوالى 425 جنيه
على هامش الصيانه
تم الحديث مع أستاذ حسام مدير فرع مبيعات هيونداى اسكندريه عن النيوماتريكس وخاصه انى شفت أكثر من 7 تريلات محمله بالنيو ماتريكس فى طريقها من الميناء الى منطقه تخزينها بالعامريه
النيوماتريكس تركيه التجميع-تحمل نفس كماليات الماتريكس2008 -نفس الموتور-نفس الجيربوكس -تقريبا نفس الأبعاد-تم تغيير الشكل للحفاظ على استمرارية المبيعات خاصه ان شكل الماتريكس لم يتغير منذ نزولها الأسواق منذأكثر من 5 سنوات
الأختلاف فى الكبوت-الاكصدامات-الرفارف الأماميه-الهوايات الخلفيه-الفوانيس الأماميه
وعلى لسان الراوى ان الماتريكس هى سيارة بدون مشاكل تذكر وعليه تم رفع سعر السيارة الى 90 الف مانيوال و97 ألف اوتوماتيك
والى لقاء قريب لكل أحبائى الماتركساووووووووووووويه
http://www.postimage.org/aV1fBHl0.jpg
عقبال صيانة 300000 الف